¹ Hari Raya Paskah dan Hari Raya Roti Koi Baragi berlangsung rueh andrau lagi, imam-imam kepala dan ahli-ahli Taurat ganyah nupui cara mat nulung Yesus nihi tipu muslihat dan munu-E. ² Ulah, here ngantuh, "ada salawah hari raya agar ada terjadi keributan ta penah rakyat." Yesus Naurapi nihi Minyak Narwastu ³ Sementara Yesus naan ta Betania, ta lewu Simon si Kusta, katika ganyah maharung ta meja kuman, hawi erang kaulun wawei nihi isa guci halus neke watu pualam baisi minyak harum neke narwastu sa murni dan larang. Aye nyandarai guci hio dan menuangkan e ga hamau ulu Yesus. ⁴ Akan tetapi, naan papire kaulun sa ngantuh nihi kesal isa di sa lain, "Uah inon memboroskan minyak harum sameh hio? ⁵ Ulah, minyak hio tau nabatang 300 dinar labih dan iuh na ami ga ulun susah." Dan, here pun nyangit wawei hio. ⁶ Namun, Yesus ngantuh, "Biarkan aye. Uah inon hanyu manyusahkan aye? Aye haot ngulah perbuatan sa maeh bagi Ku. ⁷ Ulah, hanyu selalu naan ulun susah pahengau hanyu, dan auk awe pun hanyu kakan, hanyu tau ngulah perbuatan maeh bagi here. Akan tetapi, hanyu koi akan selalu naan Aku. ⁸ Wawei ina haot ngulah inon sa katau e. Aye mangurapi tenga-Ku lebih dahulu mat penguburan. ⁹ Aku ngantuh ga hanyu sa sabujur e, ta awe injil na baritakan ta kaluhan dunia, inon sa haot na ulah wawei ina lei akan na antuh sebagai peringatan akan aye." Rencana Yudas mat Berkhianat ¹⁰ Udihio, Yudas Iskarioit, halahimar neke kaduabelas murid, tulak ga imam-imam kepala mat manyarahkan Yesus ga here. ¹¹ Katika here karengei e, here sanang dan bajanji ngami Yudas duit. Ulah hio, Yudas nupui kesempatan sa maeh mat manyarahkan-E. Hidangan Paskah ¹² Ta andrau pertama Hari Raya Roti koi Baragi, katika here mangurbankan anak domba paskah, murid-murid Yesus nyantane ga Aye, "Ga awekah Hanyu kakan kami mat tulak manyiapkan bagi-Nu kuman Paskah?" ¹³ Balu, Aye nunyu rueh murid-E dan ngantuh ga here, "Tulaklah ga kota, dan erangkaulun laki-laki sa ganyah nuna kendi baisi ranu akan manalu hanyu. Umalah aye, ¹⁴ dan ga awe bo aye suluk, antuh ga sa ampun lewu, 'Guru ngantuh: Ta awekah ruangan uneng Aku kaiuh kuman Paskah pahengau murid-murid-Ku?' Balu, aye akan nutui ga hanyu isa ruangan hante ta lantai hamau sa haot baparabut dan siap sedia. Siapkanlah perjamuan bagi takam ta aro." ¹⁶ Udihio, murid-murid tulak dan hampe ta kota. Ta aro, here kahaba uneng sameh sa Yesus antuh ga here, Balu here manyiapkan Paskah. ¹⁷ Katika andrau kamalem, hawilah Yesus pahengau kadua belas murid. ¹⁸ Dan, ta waktu here ganyah maharung dan kuman, Yesus ngantuh, "Aku ngantuh sa sabujur e ga hanyu, halahimar neke penah hanyu, sa ganyah kuman pahengau nihi Aku, akan mengkhianati-Ku." ¹⁹ Here mulai na ulah sedih dan ngantuh ga Aye isa demi isa, "Pasti bakoi aku, kan?" ²⁰ Yesus ngantuh ga here, "Aye ayelah halahimar neke dua belas murid, ulun sa nyolop roti pahengau Aku ga huang mangkuk. ²¹ Ulah, Anak Marasia akan tulak, sameh sa haot tertulis tentang Aye, tetapi celakalah ulun sa oleh-E Anak Marasia dikhianati! akan lebih maeh bagi ulun hio jaka ia koi pahindra nalahirkan." Peringatan akan Tubuh dan Darah kristus ²² Katika here ganyah kuman, Yesus ngalap roti, dan sahaot ngaberkat, Aye mulak-mulak e dan ngami e ga here, baya ngantuh, "Alaplah, ina tenga-Ku." ²³ Dan, Aye ngalap cawan, dan ngantuh syukur. Aye ngami e ga here, dan here kaluhan ngoot neke cawan hio. ²⁴ Balu, Yesus ngantuh ga here, "Inalah ira-Ku, ira perjanjian, sa na curahkan bagi ajoh ulun. ²⁵ Aku ngantuh ga hanyu sa sabujur e, Aku koi akan ngoot lagi hasil ua neke kakau anggur, hampe ta andrau katika Aku ngoot anggur sa bio ta huang kerajaan Allah." ²⁶ Sahaot menyanyikan isa lagu rohani, herepun tulak ga bukit zaitun. Murid-murid Yesus akan nanan-E ²⁷ Udihio, Yesus ngantuh ga here, "Hanyu kaluhan akan nanan Aku, ulah naan tatulis, 'Aku akan manyarang gembala, dan domba-domba hio akan sarak tuar.' ²⁸ Akan tetapi, sa haot Aku na bangkitkan, Aku akan tulak ga Galilea dahulu neke hanyu." ²⁹ Namun, Petrus ngantuh ga Aye, "Sakalipun here kaluhan nanan Hanyu, tetapi aku bakoi." ³⁰ Dan, Yesus ngantuh ga aye, "Aku ngantuh sa sabujur e ga hanyu, malem ina, samete manu jagau nangkaroot rueh kali, hanyu akan manyangkal Aku telu kali." ³¹ Akan tetapi, Petrus bersikeras manjawab, "Sekalipun aku harus matei pahengau Hanyu, aku koi akan manyangkal Hanyu!" Dan, here kaluhan ngantuh hal sa sameh. Yesus ta Taman Getsemani ³² Udihio, hampelah here ta suatu uneng ba aran Getsemani, dan, Aye ngantuh ga murid-murid-E, "Maharung ta ina sementara Aku badoa." ³³ Dan, Aye nuna baya Petrus, dan Yakobus, dan Yohanes pahengau Aye, dan mulai jari takut tuu dan tertekan. ³⁴ Balu, antuh-E ga here, "Jiwa-Ku sedih tuu, bahkan kakan matei. Tetaplah muneng ta ina dan bajaga-jagalah." ³⁵ Maka, sahaot lawit dutik, Aye basujud ta hamau tane dan badoa, jaka mungkin, saat hio nangkah neke aye. ³⁶ Dan, Aye ngantuh, "Amah, segala sesuatu mungkin bagi-Nu. Alaplah cawan ina neke-Ku. Namun, bakoi inon sa kangakan-Ku, melainkan inon sa pangakan-Nu." ³⁷ Udihio, Aye hawi waleng dan kahaba murid-murid-E ganyah mandre, dan Aye ngantuh ga Petrus, "Simon, uah inon hanyu mandre? koi taukah hanyu bajaga-jaga salawah isa jam? ³⁸ Bajaga-jagalah dan badoa mat hanyu koi lawu ga huang pencobaan. Roh memang penurut, tetapi daging maleme." ³⁹ Dan lagi, Aye tulak dan badoa nihi ngantuh antuhan sa sameh. ⁴⁰ Dan lagi, Aye hawi dan kahaba here ganyah mandre ulah mate here weat tuu, dan here koi karasa harus manjawab inon ga Aye. ⁴¹ Sahaot hio, Yesus hawi ga katelu kali e dan ngantuh ga here, hanyu masih mandre dan baistirahat? Sukup, saat e haot hampe. Tena, Anak Marasia nasarah ga huang tangan ulun-ulun badosa. ⁴² Buan, ayu takam tulak. Tena, sa manyarahkan Aku haot ngariet." Yesus Natulung ⁴³ Segera sahaot hio, sementara Yesus masih bapaner, Yudas, halahimar neke kadua belas murid, hawi pahengau ulun ajoh nihi pedang dan pentung, nautus oleh imam-imam kepala, ahli-ahli Taurat, dan tua-tua bangsa Yahudi. ⁴⁴ Aye sa manyarahkan haot ngami here suatu tanda, antuh e, "Ulun sa nasiuk ku, ayelah ulun e. Tulung Aye dan tuna Aye tulak ta kapit pengawasan." ⁴⁵ Dan, katika Yudas hampe, aye segra ngariet Yesus dan ngantuh, "Rabi!" balu aye nyiuk Yesus. ⁴⁶ Udihio, here negei Yesus dan nulung-E. ⁴⁷ Namun, halahimar neke here sa mindri, nyepuk pedang e dan manyarang pelayan Imam hante, balu netek silu e. ⁴⁸ Dan, Yesus ngantuh ga here, "Inonkah hanyu hawi nihi pedang dan pentung mat nulung Aku sameh erang kaulun perampok? ⁴⁹ Satiap andrau, Aku sasameh nihi hanyu ta bait Allah sambil mangajar, tetapi hanyu koi nulung Aku. Namun, hal ina terjadi mat kitab suci iuh nagenapi." ⁵⁰ Udihio, here kaluhan nanan-E dan malempat. ⁵¹ Naan erang kaulun pemuda uma Yesus, ekat pakai kain lenan ta tenga e. Dan, here nulung e, ⁵² tetapi aye nanan kain lenan hio dan malempat nihi mapoloi. Yesus Nahakimi Pemimpin Yahudi ⁵³ Udihio, here nuna Yesus ga imam hante. Dan, kaluhan imam kepala, dan tua-tua, dan ahli-ahli Taurat bakumpul sasameh. ⁵⁴ Dan, Petrus uma Yesus neke lawit, hampe ga halaman lewu Imam Hante. Ta aro, aye maharung pahengau para pengawal sambil nampalaing arep ta perapian. ⁵⁵ Para imam kepala dan kaluhan Mahkamah Agama tarus nupui kesaksian mat nawan Yesus mat here kaiuh munu-E, tetapi here koi kahaba inon-inon. ⁵⁶ Ulah, ajoh ulun ngami kesaksian palsu mat nawan-E, tetapi kesaksian here koi sesuai isa nihi sa lain. ⁵⁷ Udihio, papire kaulun mindri dan ngami kesaksian palsu mat nawan Yesus, antuh e, ⁵⁸ "Kami karengei Aye ngantuh, 'Aku akan nyanruntun Bait Allah ulahan tangan marasia, dan huang telu andrau, Aku akan namuan sa lain e, sa koi naulah nihi tangan." ⁵⁹ Namun, hal ina pun kesaksian here koi sesuai isa di sa lain. ⁶⁰ Balu, Imam Hante mindri ta penah-penah here dan nyantane ga Yesus, "Inonkah Hanyu koi ngami jawaban ga ulun-ulun sa basaksi malawan Hanyu?" ⁶¹ Akan tetapi, Aye tatap marene dan koi manjawab. Imam Hante nyantane lagi ga Yesus dan ngantuh, "Inonkah Hanyu Mesias, Anak Allah sa Terpuji?" ⁶² Dan, Yesus ngantuh, "Akulah Aye, dan hanyu akan katena Anak Marasia maharung ta tuhi kawan sa Mahakuasa dan hawi pahengau nihi awan-awan ta langit." ⁶³ Balu, sambil minsit jubah e, Imam Hante ngantuh, "Uah inon takam masih perlu saksi lagi? ⁶⁴ Hanyu haot karengei hujatan. Inon keputusan nu?" Dan, here kaluhan nukum-E nihi hukuman matei. ⁶⁵ Papire kaulun mulai nura Aye, dan nutup rai-E, dan nampar-E, dan ngantuh ga Aye, "Banubuatlah!" para pengawal manarime-E nihi nampar-E. Petrus Bakoi Mengakui Yesus ⁶⁶ Dan, sementara Petrus masih naan takapit halaman lewu Imam Hante, halahimar erangkaulun pelayan wawei Imam Hante hawi. ⁶⁷ Dan, katena Petrus ganyah nampalaing arep e, pelayan hio nena e dan ngantuh, "Hanyu lei pahengau Yesus, Ulun nazaret hio." ⁶⁸ Namun, Petrus manyangkal sambil ngantuh, "Aku koi karasa dan koi mangerti inon sa napaner nu." Balu, aye tulak ga pintu gerbang, dan manu jagau nangkaroot. ⁶⁹ Pelayan wawei hio nena Petrus isa kali lagi dan mulai ngantuh lagi ga ulun-ulun sa mindri, "Ulun ina ayelah halahimar neke here." ⁷⁰ Akan tetapi, Aye manyangkal e lagi. Dan, koi lawah udi hio, ulun-ulun sa mindri ngantuh lagi ga Petrus, "Hanyu pasti halahimar neke here ulah hanyu lei ulun Galilea." ⁷¹ Namun, Aye mulai mangutuk dan basumpah, "Aku koi kenal Ulun sa na paner nu!" ⁷² Segera, manu jagau nangkaroot ga karueh kali e dan Petrus taingat akan inon sa haot Yesus antuh ga aye, "Samete manu jagau nangkaroot rueh kali, hanyu akan manyangkal Aku telu kali." balu, Petrus koi kaiuh manahan tangis.