¹ Oleh ulah hio, salawah janji mat suluk ga uneng perhentian-E masih balaku, biarlah takam nginam takut, amun-amun naan ta penah takam sa koi jari kaiuh janji hio. ² Memang bujur, kabar maeh haot na beritakan ga takam, sameh lei haot na beritakan ga here, tetapi berita sa na rengei here hio koi manguntungkan here ulah bakoi na tampaisa nihi iman ulun-ulun sa ngarengei e. ³ Ulah takam sa parasaya, akan suluk ga uneng perhentian hio, sameh sa na antuh-E, "Aku basumpah huang panyangit-Ku: 'Here koi akan suluk ga uneng perhentian-Ku,"' ⁴ Ulah, huang isa nas, Allah bapaner kalahio tentang andrau kapitu, "Ta andrau kapitu, Allah ulep neke kaluhan gawian-E." ⁵ Akan tetapi, sameh sa haot na antuh Allah, "Here koi akan suluk ga uneng perhentian-Ku." ⁶ Jari, masih naan kemungkinan mat sebagian ulun suluk ga uneng perhentian, dan naan sebagian ulun sa samete e haot karengei kabar maeh, tetapi koi jari suluk ulah kabakoi taatan here. ⁷ Jari, isa kali lagi Allah menetapkan isa andrau tertentu, sa na antuh "Andrau ina", sa haot na antuh nangkah Daut lawit neke samete e, "Ta andrau ina, jaka hanyu karengei suara-E, adalah nangkape atei nu sameh huang pembrontakan." ⁸ Ulah, jaka Yosua haot ngami here uneng perhentian, maka Allah koi akan lagi bapaner tentang isa andrau lain ta handrian andrau. ⁹ Jaka kalahio, maka masih naan perhentian ta andrau sabat ga umat Allah. ¹⁰ Ga here sa haot suluk ga uneng perhentian Allah, here lei haot tawire neke gawian e, sameh sa Allah lakukan neke gawian-E. ¹¹ Ulah hio, ayu takam bajuang mat suluk ga uneng perhentian hio, hingga koi naan erangkaulun pun lawu ulah uma contoh kabakoitaatan sa sameh. ¹² Ulah, Firman Allah hio welum dan bakuasa, dan lebih kumat neke pedang bamate rueh awe pun. Firman hio nyuduk lawit hampe nampisah jiwa dan roh, penah sendi dan tulang sumsum, baya sanggup menilai pikiran dan pangakan atei takam. ¹³ Koi naan isa mahluk pun sa sampadina neke panena-E. Sawadik e, segala sesuatu mapoloi dan koi tapasandina neke mate-E. Ga Ayelah takam harus ngami pertanggungjawaban hamau kaluhan sa naulah takam. Yesus Kristus ayelah Imam Hante Takam ¹⁴ Ulah takam naan Imam Hante Agung sa haot mamai ga surga, ayehio Yesus, Anak Allah, ayu takam harus barategei tuguh ta pengakuan takam. ¹⁵ Ulah, takam koi naan Imam Hante sa koi kaiuh memahami kelemahan-kelemahan takam, tetapi koi naan Imam Hante sa haot na suba huang segala hal, sameh di takam, tetapi aye koi badosa. ¹⁶ Ulah hio, nihi keyakinan, ayu takam hawi ngarite taktha anugerah mat takam narime belas kasihan dan kahaba anugerah mat ngawat takam, katika takam membutuhkan e.