¹ Ulah hio, pulaksanai sa kudus, hanyu sa naan bagian, huang herauan surgawi, tenalah Yesus, sang Rasul dan Imam Hante pangakuan takam, ² sa setia ga Aye sa haot menetapkan-E, sameh di Musa sa setia huang kaluhan lewu-E. ³ Ulah, Yesus na anggap layak mat kaiuh kemuliaan sa lebih hante neke Musa, sameh hal e erangkaulun pembangun lewu sa kaiuh kehormatan lebih hante neke lewu hio laerai. ⁴ ( Ulah, setiap lewu na bangun oleh erang kaulun, tetapi pembangun neke segala eha e ayelah Allah). ⁵ Musa setia huang kaluhan lewu Allah sebagai erangkaulun pelayan, mat ngami kesaksian ga hal-hal sa akan na antuh ta hanrian andrau. ⁶ Namun, Kristus setia sebagai anak huang lewu Allah, ayehio takam, jaka takam tetap negei pisit ta keyakinan dan pengharapan sa takam banggakan hampe ahir. Taruslah Uma Allah ⁷ Ulah hio, sameh sa Roh Kudus antuh, "Ta andrau ina, jaka hanyu karengei suara-E, ⁸ ada nangkape atei nu sameh huang pembrontakan sa naulah nu ta andrau pencobaan ta padang gurun, ⁹ Ayehio katika datu nini monyang nu mansuba Aku dan nena ulahan-ulahan-Ku salawah epat pulu taun. ¹⁰ Ulah hiolah Aku sangit ga generasi hio dan ngantuh, 'Atei here selalu sasat dan here koi mengerti lalan-lalan-Ku.' ¹¹ Jari, Aku basumpah huang panyangit-Ku: 'Here koi akan suluk ga uneng perhentian-Ku.''' ¹² Ba ati-atilah pulaksanai-pulaksanai, ada naan ta penah hanyu sa naan atei sa jahat dan bakoi parasaya, sa ngulah nu bapaling neke Allah sa welum. ¹³ Sabalik e, nasihatilah isa nihi sa lain setiap andrau, salawah masih naan sa na antuh ''andrau ina" mat koi naan ta penah nu sa natangkape oleh tipu daya dosa. ¹⁴ Takam haot ngalap bagian huang kristus, jaka takam negei pisit ta keyakinan takam sa semula hampe ta ahir e. ¹⁵ Sameh tertulis, ''Ta andrau ina, jaka hanyu karengei suara-E, ada nangkape atei nu sameh huang pembrontakan.'' ¹⁶ Hiekah ulun-ulun sa haot karengei suara Allah, tetapi membrontak? Bakoikah here kaluhan sa balua neke Mesir takapit kepemimpinan Musa? ¹⁷ Dan, ga hiekah Allah sangit salawah epat pulu taun? Bakoikah ga here sa ngulah dosa sehingga bangkai here bergelimpangan ta padang gurun? ¹⁸ Dan, ga hiekah Allah basumpah bahwa here koi akan pahindra suluk ga uneng perhentian-E, amun bakoi ga here sa bakoi taat? ¹⁹ Jari, takam katena bahwa here bakoi kaiuh suluk ulah kabakoi parasaya here.