¹ Ulah takam naan ajoh saksi sa ngaliling takam sameh awan, ayu takam nanan kaluhan beban dan dosa sa ngajarat takam dan malempat nihi tekun ta perlombaan sa sadiakan ta hadapan takam. ² Biar bo mate takam tatuju ga Yesus, sang pencipta dan penyempurna iman takam, sa demi suka cita sa haot na tetapkan ga-Aye, rela nanggung salib dan mengabaikan kehinaan salib hio. Dan, wayah ina, Aye maharung ta tuhi kawan takhta Allah. ³ Ingatlah akan Yesus, sa tabah ngahadap permusuhan neke ulun-ulun badosa hingga jiwa nu koi jari uyuh dan putus asa. Allah hio sameh erang kaulun Amah ⁴ Huang perjuangan nu nawan dosa, hanyu mete hampe nyantundrak ira nu. ⁵ Dan, inon kah hanyu haot koi kaingat nasihat sa na ami ga hanyu sebagai anak-anak? "Ui anakku, ada nganggap enteng didikan Tuhan, dan ada nginam halus atei katika hanyu na tagur-E. ⁶ Ulah, Tuhan menghajar ulun sa nakasihi-E, dan mencambuk ulun sa na tarime-E sebagai anak." ⁷ Hanyu harus batahan demi didikan hio ulah hio baarti Allah ganyah memperlakukan nu sebagai erang kaulun anak; lagi pula, anak masam inonkah sa koi pahindra na didik ulah amah e? ⁸ Jaka hanyu koi pahindra narime didikan sa seharus e na tarime ulah kaluhan anak, hanyu ayelah anak haram, bakoi anak sa sah. ⁹ Selain hio, takam naan amah-amah ta dunia ina sa ngadidik takam, dan sa takam hormati; jaka kalahio, bakoikah takam harus lebih lagi menundukan arep ga Amah hamau segala roh dan hamau welum? ¹⁰ Ulah, jaka amah takam sa naan ta dunia ina menghajar takam ta waktu sa singkat badasarkan cara sa here anggap paling maeh, Amah sa naan ta surga ngahajar takam demi kamaeh takam laerai hingga takam kaiuh bagian huang kekudusan-E. ¹¹ Kaluhan didikan, ta saat na ami, memang koi nampasanang dan nampahanang. Akan tetapi, sa haot hio mat ngahasilkan ua kabujuran sa ngami damai sejahtera ga here sa haot na latih ulah didikan hio. Perhatikanlah Cara Welum nu ¹² Ulah hio, kuatkanlah tangan nu sa maleme dan ulu alep nu sa goyah, ¹³ ulahlah lalan sa lurus ga pee nu hingga tungka pee nu sa maleme koi jari lumpuh, tetapi na tangkaoh. ¹⁴ Apunglah perdamaian nihi kaluhan ulun, dan apunglah kekudusan ulah koi naan kekudusan, koi naan erangkaulun pun iuh katena Tuhan. ¹⁵ Pastikan mat koi naan erang kaulun pun sa kajawoh anugerah Allah; pastikan lei mat ada naan wakat mapait sa tumu dan menimbulkan masalah hingga mencemari ajoh ulun. ¹⁶ Dan, pastikanlah mat ada naan ulun sa ngulah cabul antawa bakoi suci sameh Esau sa matang hak kesulungan e demi semangkuk panguta. ¹⁷ Ulah hanyu karasa bahwa ta handrian andrau, katika Esau kakan warisan berkat hio, aye na tulak dan koi naan lagi kesempatan mat batobat sekalipun aye nupui e nihi mencucurkan ranu mate. ¹⁸ Ulah hanyu koi hawi ga gunung sa tau na tegei, ga apui sa malelap, antawa ga maieng, kekelaman, dan badai. ¹⁹ hanyu pun koi hawi ga suara trompet, dan ga suara sa antuhan e ngulah kawan sa ngarengei e memohon nihi tuu mat antuhan hio koi na antuh lagi ga here. ²⁰ Ulah here koi iuh tahan karengei perintah sa na ami, "Bahkan jaka erang kaikui eha sekalipun negei gunung hio, maka eha hio harus na pedak di watu hampe matei." ²¹ Dan, kalahio ngeri e panena hio hampe-hampe Musa pun ngantuh, "Aku neter katakutan." ²² Namun, hanyu haot hawi ga Gunung Sion, dan ga kota Allah sa welum, Yerusalem surgawi, dan ga malaikat sa koi terhitung jumlah e, ²³ hanyu haot hawi ga perkumpulan hante jemaat sa terdiri neke anak-anak sulung Allah sa haot ta daftar ta surga, ga Allah, Hakim hamau kaluhan ulun, dan ga roh ulun-ulun bujur sa haot na sempurnakan. ²⁴ Hanyu haot hawi ga Yesus, perantara perjanjian sa bio, dan ga ira sa napercikan, sa bapaner lebih maeh neke ira Habel. ²⁵ Pastikanlah mat ada hanyu menolak Aye sa bapaner. Ulah jaka here sa menolak Aye sa ngami peringatan neke bumi bo koi iuh napas arep, maka takam pun koi akan iuh melepaskan arep neke Aye sa ngami peringatan neke surga. ²⁶ Dulu, suara e mengoncang bumi, tetapi wayah ina Aye ba janji, "Namun, sekali lagi Aku koi ekat menguncangkan bumi, tetapi lei surga." ²⁷ Ungkapan "Sekali lagi" nutui tentang pemusnahan hal-hal sa iuh na goyahkan, aye hio kaluhan sa haot na ciptakan, mat hal-hal sa koi na goyahkan iuh tatap muneng. ²⁸ Ulah hio, sa haot takam narime kerajaan sa koi tergoyahkan, ayu takam nutui rasa syukur nihi mempersembahkan ibadah sa layak ga Allah, sa na sertai rasa hormat dan penu kekaguman, ²⁹ Ulah Allah takam ayelah apui sa menghanguskan.