¹ Iman ayelah jaminan hamau segala eha e sa na harap takam, dan bukti neke segala eha e sa koi katena. ² Ulah, oleh iman herelah ulun-ulun ta zaman dahulu kaiuh pujian. ³ Oleh iman, takam mengerti bahwa alam semesta na ciptakan nihi firman Allah. Jari, inon sa katena koi na ulah oleh inon sa katena lei. ⁴ Oleh iman, Habel mempersembahkan ga Allah kurban sa lebih maeh neke sa na persembahkan Kain. Nangkah persembahan e hio, Habel kaiuh kesaksian sa maeh neke Allah sebagai ulun bujur; Allah ngami kesaksian hio nihi narime kurban persembahan e. Dan, oleh iman e, meskipun aye matei, Habel masih kaiuh bapaner. ⁵ Oleh iman, Henokh na angkat mat aye koi harus mengalami pampatei dan aye koi haba ulah Tuhan haot ngangkat e; ulah sa mete na angkat, aye kaiuh kesaksian sebagai ulun sa menyenangkan Allah. ⁶ Koi mungkin menyenangkan Allah tanpa iman, sebab hie pun sa ngariet ga Allah harus percaya bahwa Allah naan, dan bahwa Allah ngami pahala ga here sa nupui Aye. ⁷ Oleh iman, sa haot na peringatkan oleh Allah tentang peristiwa sa mete na ini e, Nuh nihi gentar dan taat ngulah isa bahtera mat menyelamatkan kalurga e. Nihi hio, Nuh nukum dunia dan jari pewaris kebenaran sa sesuai nihi iman. ⁸ Oleh iman, Abraham katika na herau Tuhan, taat mat tulak ga isa uneng sa akan na ami sebagai milik pusaka e. Dan, aye tulak, walaupun koi karasa ga awe aye akan tulak. ⁹ Oleh iman, aye tulak dan muneng ta tane sa na janjikan sameh muneng ta tane asing, ayehio ta huang kemah pahengau Ishak dan Yakup; para pewaris neke janji sa sameh, ¹⁰ Ulah Abraham ganyah ngandrei isa kota sa naan pondasi, sa perancang dan pembangunan e ayelah Allah. ¹¹ Oleh iman, Sara narime kemampuan mat sawuntung nganak anak, meskipun aye mandul dan haot matueh tuu mat nganak, ulah Sara nganggap Aye sa haot ba janji ga aye ayelah setia. ¹² Ulah hiolah, neke erang kaulun sa haot matueh tuu dan kakan matei, lahirlah keturunan sa ajoh e sameh bintang ta langit dan jumlah e koi terhitung sameh wusi pasir ta pantai. ¹³ Here kaluhan ina haot matei huang iman nihi koi kaiuh inon sa na janjikan, tetapi here nena dan nyamut janji-janji hio neke lawit, nihi karasa bahwa here ayelah kawan pendatang dan ulun asing ta bumi. ¹⁴ Antuhan here sa kalahio hio nutui nihi jelas bahwa here ganyah nupui isa tane ranu ga here. ¹⁵ Ulah, jaka sa here pikirkan ayelah negeri sa na tanan here samete e, maka here tau bo waleng lagi ga aro. ¹⁶ Namun, here kasongo isa negeri sa lebih maeh, ayehio negeri surgawi. Oleh ulah hio lah, Allah bakoi mangan na antuh sebagai Allah here Ulah Aye haot nyadia isa kota bagi here. ¹⁷ Oleh iman, katika Tuhan menguji e, Abraham nyarah Ishak sebagai kurban; aye sa haot narime janji-janji hio rela mempersembahkan anak tunggal e. ¹⁸ Tentang anak hio, Allah pahindra ngantuh, "Nihi aran Ishak lah keturunan nu akan na antuh." ¹⁹ Abraham nga'nak kaparasaya e ga Allah, bahkan aye parasaya bahwa Allah sanggup membangkitkan ulun matei. Ibarat e, Abraham haot kaiuh Ishak waleng neke pampatei. ²⁰ Oleh iman, Ishak memberkati masa depan Yakup dan Esau. ²¹ Oleh iman, Yakup, riet kakan matei e, memberkati anak-anak Yusuf. Aye menyembah ga Allah nihi basandar ga ulu tungkeh e. ²² Oleh iman, Yusuf, ta ahir welum e, bapaner tentang balua e bangsa Israel neke Mesir dan ngami perintah sehubungan nihi tulang-tulang e. ²³ Oleh iman, Musa, katika aye lahir, na dina salawah telu wulan ulah ulun matueh e. Here nena bahwa Musa ayelah duwau sa ma'eh tuu, dan here koi takut ta hadap perintah raja. ²⁴ Oleh iman, Musa sa haot hante aye dewasa, koi hakun na antuh anak neke putri firaun. ²⁵ Aye lebih midi menderita pahengau umat Allah neke menikmati kasanangan dosa sa ekat sementara, ²⁶ Aye nganggap bahwa kehinaan Kristus lebih ba uman neke kaluhan kasugih Mesir ulah Musa nena ga pahala sa akan hawi. ²⁷ Oleh iman, Musa nanan Mesir koi nginam takut tahadap murka Raja Firaun seolah-olah aye kaiuh nena Aye sa koi tena hio. ²⁸ Oleh iman, Musa melaksanakan Paskah dan pemercikan ira hingga malaikat pampatei ada negei bangsa Israel. ²⁹ Oleh iman, bangsa Israel takia nyabarang laut mariang, seakan-akan takia ta tane karing. Namun, katika ulun-ulun Mesir nyansuba ngulah hal sa sameh, here na saneteng. ³⁰ Oleh iman, tembok Yerikho runtun sa haot na kaliling salawah pitu andrau. ³¹ Oleh iman, Rahap, pelacur hio, koi na wunu pahengau nihi ulun-ulun sa koi taat ulah aye narime mata-mata Israel nihi damai. ³² Dan, inon lagi sa harus na antuh ku? Aku koi naan sukup waktu mat mangisah ga hanyu tentang Gideon, Barak, Simson, Yefta, Daut, Samuel, dan kawan nabi, ³³ sa ulah iman haot ngalah kerajaan-kerajaan, ngulah sa sabujur, kaiuh janji-janji, dan nutup wawa singa-singa, ³⁴ nampare lelap apui, lapas neke mate pedang, na kuatkan neke kelemahan here, gagah perkasa huang palakat, dan mahalau bala tentara asing. ³⁵ Kawan wawei narime waleng ulun-ulun matei here nangkah kebangkitan, tetapi naan lei sa na kakasah dan koi hakun mat narime pembebasan mat here kaiuh kebangkitan huang pamelum sa lebih maeh. ³⁶ Sementara hio, naan lei na hina, dan na cambuk, bahkan na huruk dan na penjara. ³⁷ Here na rajam, na garagaji jari rueh, dan na wunu nihi pedang. naan lei sa mengembara nihi makai pama neke upak domba antawa upak kaming; here susah tuu, na tindas, dan na perlakukan babaran. ³⁸ Dunia ina koi pantas ga here, here mengembara ta padang gurun dan gunung-gunung, muneng ta helang-helang gunung, dan gua-gua ta kapit tane. ³⁹ Walaupun kaiuh kesaksian sa maeh ulah iman sa naan, here koi narime inon sa na janjikan. ⁴⁰ Ulah, Allah nyadia eha e sa lebih maeh ga takam, hingga koi naan takam, here koi akan jari sempurna.