¹ Eni vana vetu ononokeni kuva kuluntu veni muli muene muomu mukemo muatjili. ² Thingimika isho na vanoko [likelio lijui lia lithiko lia kulivanga lia kuli tavathana]. ³ Linga ukale muatjili, keho uthimbuleho thimbu yakama hathi. ⁴ Neni lalo va ishe, keti mushangumune vana veni vunoni valekeni na kuvalongetha naku vamamuna muli muene. ⁵ Eni vatuama lutue ononokeni kuliva shukulueni vakumila, na liova nakuva ngangama navutjili tjamumbunge yeni ngohoni Kilistu. ⁶ Keti kupangela kumesho ngohoni kuvua yetha vimbunge via vantu , kuahi kuvanga ngohoni vantuama lutue vakilistu nakulinga tjithango tja Kalunga nambunge. ⁷ Pangeni natjithango tja tjili ngohoni kuli kalunga keti kuvantu. ⁸ Munathivuka ngueni tjuma tjoshe tjatjili tjali nga muntu uoshe, mukemuo lalo muaka tambula kulimuene nambe muna katjitjemua. ⁹ Neni vashukuluavo mukemuo lalo muka linga navo, keho likeleni kuana kuvahalela. muthivuka ngueni shukulu yeni navo shukulu yavo, ikeye ali muilu keho kekuhangula vantu kethi navio ovio. ¹⁰ Muku manetha koletheni ko muli muene, nathili ya vukama vueni. ¹¹ Lilemekeni vitua vioshe via Kalunga linga muhathe kuviana kukola tja Satana. ¹² Muomu kulua tjetu keti navuthitu ndi namaninga, vunoni na vusuana, navukama nava kuakusuana vahano hathi vaka muthithi uno. Navimbunge via muthithimba via kuviha via kuilu. ¹³ Ngotjo vene tambuleni vitua vioshe via Kalunga linga muhathe kuviana kuli tangua liakuviha, keho mukumanetha.( kuimana) ¹⁴ Ngotjo vene imaneni navutjili muna vuthitika muthimbunda theni ngohoni muiva. vuviuke muna vuhaka ngohoni ntelo ya kuntulo. ¹⁵ Keho kumahindi eni munathala na kuli vua yetha namuthimbunge ua tjili ua tjiyulo. ¹⁶ Kulievi tambuleni ntelo yakuthelela imuhatha kuthima na yomikili yoshe ya tuhia iye yamu kaku viha. ¹⁷ Keho tambuleni likoli lia kuovoka namukuale ua Spilitu ukeuo lijui lia Kalunga. ¹⁸ Hamo nakulomba kuoshe naku kandelela tjoshe muku lomba thimbu yoshe muli Spilitu . Keho vingileni tjo nanthintha yoshe na kulambelela tjoshe omo vaka kujela voshe. ¹⁹ Nange vene linga vandji hane linjui mo nja shama kanua kange, njilamgulule lihungu lia muthimbu ua tjili nakuthimpa. ²⁰ Muli kelio nji kanganda mumikole nga tjije tjithi handeke naku thimpa, ngohoni mundji yongola kuhandeka. ²¹ Vunoni muka thivuka viuma viange ngohoni motjili, Tikiko mukuetu itua yongola ikeye lalo muka vipanga via ku thilikinya muli muene, ikeye aka milanguilila viuma vioshe. ²² Injina tumu kulieni mukemuo vene, linga mu thivuke ngohoni motuli keho alembtheke vimbunge vieni. ²³ Tjiyulo tjikale na vakuetu natjilemo hamo nakuthelela, via kuli Kalunga ishe yetu na muene Jesu Kilistu. ²⁴ Kavumbi kakale na voshe va yongola muene uetu Jesu Kilistu na tjilemo katje kua luluka.