¹ Renkenu vananakaro mumahepeko gha upika vanyamukurure kuvahona vanaumwavo mu mfumwa yayinene.Vakona kuviruwana vino mposi lidina lya Karunga no lisongo kapisi valisivanene. ² Vipika vya puro muvahona vavo kapisi vavagcenune mukondasi vauni vavo.Mpongolisi,vakona kuva huguvara unene-nene.Ku va hona vo vavateranga kuviruwana vyavyo ne vapuli no vavahora.Rongenu nka ngapiparenu vininke vyangoli. ³ Nange kehe uno asongo mapempa no nka nokutamburasi liratwiro lya Hompa wetu Jesus Christus no masongo gha Karunga, uye ahafa no kwato viayuvhangako ⁴ .Uye akara no lirwameno lya diro ukanguki mu mparukito no mutangu kuhamena nkango datwalitirango kuUnkore,Kuswaura,Kutuka,Kurundira, ⁵ no muyoyo wayimano ndjikiti pakantji kovantu vakaro na ndunge dokunyata.Vakombanita usili no vavo kughayarasi ndjira ya Karunga ndjo yokuwana maliva gha mangi. ⁶ Mpongolisi ndjira ya karunga vyakaromo ne muyangu waunene, ⁷ mposi kwato vi twayitamo mu Udjuni , ⁸ Mpongolisi ,Tukutenu tupu ndja no mudwato. ⁹ mpongolisi kumbova vanahoro kungaupa kupita mumaseteko,muma vinde.Kupita nka mumaugova gha mangi no madonga-dongo ghomadona,no kehe vino vya damitango vantu mu umbondo no mumadjonauko. ¹⁰ Kusihoro so maliva ne ndandani yo vineyedita vya satana navintje.vantu vamwe vavihoro vyava twaredera kukukombanita lipuro no kulitura naumwavo kunyanya. ¹¹ Enengoli nwe,varwana vakarunga,kuporenupo kuvininke vya ngoli.kusengenu kughuhungami,kuyulilira mwa karunga,kuyulilira mulipuro,Sihoro,kulididipita,no uhona. ¹² Rwanenu kurwana kwa kuwa mulipuro.Upa nakulikwaterera liparu lyanaruntje olyo vamuyitira,no vimwatapera likuhamitiromo lyo liwa kuuto waumbangi. ¹³ Namupa liratwiro lya ngoli kumeho ya Karunga,Ogho atapango liparu no vininke navintje,Ogho aruwanino vyoviwa kumeho ya Pontius pilate, ¹⁴ muku kwama dimuragho pahana liratwiro ndi runyeghenyo dogoro limoneko lya Hompa Jesus Christus. ¹⁵ Karunga ngaka vyukuruka limoneko lya Christus-Karunga,mu tungiki no muyogholi,Hompa atulitapero no Hompa apangerango. ¹⁶ Akaratupu no mpepo yolididimiko no kulipura mu site.kwato murwana amumono no liparu lyo muwiru.Amen. ¹⁷ Tanterenu vangagho muUdjuni kapisi vahafe no kapisi vatokomene muungagho,Ovyo vyadiro mu mulyo,Mpongolisi,vakona kuhuguvara mwa Karunga.Atupa ungagho wausili ngatu djobwane. ¹⁸ Vatanterenu varuwane vyaviwa,vangaghope muviruwana vyaviwa,no va pembure no kutokomena kulitapera. ¹⁹ Mu ndjira ya ngoli ngavalitulikira ntateko yo yiwa kumbyovi ngavikayo,mposi vakona kukwaterera liparu lyoliwa. ²⁰ Thimothy,Keverera evi vakupa ve,Keverera vimbokauka no kurunga-runga lighano lyo lipuko vatwenyanga maghano. ²¹ Varwana vamwe kugcenuna vyangoli no weno va kombanita lipuro.Mbili yikare nanwe.