¹ Kapisi kuswena va kuruna vakukurupa, Ndi asi, ulikorangede umoye yira asi si ovo vase. Korangeda vanukeghona va va mati, ² Vakadi vakukurupa yira va nyokwa na va vavanuke vakadi yira vampandji yira si kwato wakuva yorongani ³ fumadenuke vafita vya . ⁴ Eno ngoli ntjene mufita vya akara novanuke ndi vatekuru vakunkokona,Varenkenu vatameke kunegheda mfumwa mulipata lyavo,mukondasi vino kusengaika Karunga. ⁵ Eno ngoli oghu akarosi Mufitavya wa usili,atura lihuguvaro lyendi mwaKarunga no kutwikira mukutura marunyeghenyo no kudjamba ndapero mwi no matiku. ⁶ Mpiliweni,Mukamali atungo mukonda ya ufuuli uye afa kare mpilindi momu atunga. ⁷ Tapenu maratwiro angoli nawa,mposi kupisi ngavavatatumite . ⁸ Nange umwe pi anakutapa kuliro lyanaumwendi,sinenepo kumbovo vomumundi wanaumwendi,uye ana shwena lipuro no nka mudona kupitakana gho adiro kupura. ⁹ Mukamali alihamitire yira Mpwe ya karosi kapisi mwanuke kupitakana dimurongo hamboghumwe. ¹⁰ Ghuye vamuyive muviruwana vyaviwa ,Mpilindi mbyovyo atakamita vanuke,nka alimburukwa kuvagenda ,ndi kuvhuruka vyakudjonaura,ndi valitapera kukehe Viruwana vyaviwa. ¹¹ Eno ku mpereyungu yayanuke ,yashwena mukuyihamitira pamuvaru,mposi po vayitapanga musihoro sarutu sanyengo Christus,vanasano kukwara. ¹² Murupe rwa weno vavo kuneyeda likuturomo lyavo lyakutanga. ¹³ Paruvede rwakukufana ,valironga nka udwa no va yendanga tunda ndjugho vayende ndjugho.kapitupu vadwapanga,eno ngoli vavo kughumba ndova no marutu ghoviviyauka kehepano,vaghambanga vininke vyo vyadiro kuwapera kughamba. ¹⁴ Mpongolisi name nahoro mukamali ghona nikware,mukungambipara vanuke ,mukuyendita lipata,no mukudira kutapa mpito kuvanankore vatudjonaurepo. ¹⁵ Mposi vamwe valitjindja pandje kutunda satana. ¹⁶ Nange kehe mukamali apuro akara no mpereyungu,Uye ava vatere,mposi nkirise kapingayiva viha,mposi akona kuvatera mpereyungu yimwe. ¹⁷ Renkenu kehe vakughona va pangerango nawa ngavakava kenga likuto lya kupitakanena,sinenepo tupu vo varuwanango na nkango no mumasongo. ¹⁸ kurumbembera kwakughamba si,"kapi ngo tura djoko kuhove dado kwakulya musoni"no Viruwana ngavikawana ntjontjo yendi." ¹⁹ Kapisi kuruwana udona kumukughona nkwandi va mbangi vavili ndi vatatu. ²⁰ Wapukurura vandjoni kumeho yonavintje mposi vakukwamako vatjire. ²¹ Pamundina kwakukukuwa ve,kumeho ya Karunga na Christusno va angel,mukutura dimuragho pahana mapighano,no kudira kuruwana kehe vino mukatongotongo. ²² Turenu maghoko mumudona mwahana umwe.Kapisi mulitambure ndjo domuntu wapeke .wakona kulikenita naumoye too. ²³ Kapisi ngo nwe Mema unene rorure.Mpongolisi,wakona kughupa kaVinyu ghona ko lipumba no uvera ghoye wahararasi. ²⁴ Ndjo dovamwe dakara parukenu/vadiyiva navantje,no dado kulihova kuyenda musipanga kumeho yavo.Eno ngoli ndjo dimwe kuyenda kunyima. ²⁵ Yira momutupu,viruwana vimwe vyaviwa vyayivikwa parukenu,Mpilindisi momu vyakarasi vimwe vyahorama.