¹ oMalaika ow'akataanu nafuuwa,ne mbona onyeyeezi nga akuzwa omwiiguru nga akugwa oku nsi,naweebwa ekisumuluzo ekyabwiina obutakanga. ² nasindabula obwiina obutakoma, nomwiika niguzwa omubwiina niguniina nkogwa kikoomi ekikooto, neisana neibbanga nebibuna ekirikiirya olwa mwiika ogwazwiire omubwiina. ³ . Omwiika nimuzwaamu onzige akwiiza oku nsi, neziweebwa obuyinza, nga enjaba eza busagwa eza mu nsi nga zirina obuyinza. ⁴ . Nizikobebwa obutasiisa issubi eryansi,wadde ekintu kyoona ekibisi wadde omusaale gwoona, wabula abantu bonkai abataaluku kamanyisyo ka Kanca oku byeenyi byaabwe. ⁵ ni ziweebwa obutabaita nzibaleetera obulumi emyeezi etaano okunena kwaazo kwaali nka okunena kwanjaba eyabusagwa nka neenena omuntu. ⁶ omu naku ezo abantu baliswaaga okufa, baitu tibalikubona nakadooli, era balyegomba okufa nga kwiirukire. ⁷ enzige zinu omukuboneka ziisana nke mbalaasi, ezeetegekeire olutabaalo, nokumitwe zaagyo nga kulinga ngetiikibwe engule ya zaabu ne byeenyi byaazo bilinga oti bya bantu. ⁸ obwooya bwaazo nga buli nka eisoke lya bakazi namaino gaazo gali nka gampologoma. ⁹ zaali zi sweekeibweeku ebya mukifuba nga bingai byooma namaloboozi ga bi papa byaazo olyooti edoboozi lya namiziga owamagaali gambalaasi ezingi nga zikufubutuka okwingira mu lutalo. ¹⁰ Era zirina emikira ziisana enjaba ezabusagwa nga eruku obuyindu nemikira gyaazo nga mulimu obuyinza obwa kunena abantu emyeezi etaano ¹¹ zirina okabaka waazo malayika wa bwiina obutakoma, eibara lwebbulaniya Abadoni no mu Luyonaani nga Apolwoni. ¹² obubbi obumwei bwakaire, bona,bobbi obubiri ate bukwiiza oluzwanyuma. ¹³ OMalaika owa mukaagga nafuuwa,ni mpuura eiraka eryazwiire omu nsonda einai eza kyooto ekya zaabbu ekiri mu maiso ga Kanca. ¹⁴ .nga likoba omalaika owa mukaaga eyalina akagoombe nti sindabula abamalaika abanai abasibibwe oku mwiigga ogukooto Fulaati. ¹⁵ Abamalaika abanai ne basindabulwa abaali bategekeibwe essaawa,olunaku,omwezi,omwaka,okwiita ekitundu ekya kasatu ekya bantu. ¹⁶ No muwendo gwa bajwaaka abantambuliire oku mbalaasi zaali obukaire buubiri(2000000),ne mpuura omuwendo gwaabwe ¹⁷ era ninaboine ntyo embaalasi mukubonekerwa kunu, naabo abaali bazikairweku nga bazwaire ebya mu kifubba nka ebya muuro e byakazigizigi ne bya kibiriiti,ne mitwe eza mbaalasi zaali nke emitwe eza mpologoma,neminwa zaazo ne muswamu omuuro no mwiika,ne kibiriiti ¹⁸ Omukubonabona okwa mirundi esatu,nikwo okukoba nti,omuuro no mwiika ne kibiriiti ebwazwiire mumunwa zaazo, ne mufiira ekituddu ekya kasatu ekya bantu. ¹⁹ .kubanga obuyinza bwa mbalaasi buli mu munwa gwazo: olwakuba emikira zaazo ziisana nke njoka,nga zirina emitwe; era nga zinenesya. ²⁰ . Nabantu abasigairewo, abataitiibwe mubibonerezo ebyo,tibeenenyeze mu bikolwa bya mikono gyabwe,obutasinza mbadwa,nebifananyi ebya zaabu,ne bya feeza ne bya bikomo ebya mabbaale,ne bya misaale,bitayinza kubona wadde oku wuura,wade okutambula ²¹ ni batenenya omu bwiiti bwabwe, wade omu bulogo bwabwe,mu bwenzi bwabwe,wade omu bwibbi bwabwe.