¹ . Nimbona omalaika owundi owaamaani akuninuka okuzwa mwiguru,ngazwaire ekire,nomusoke ngali ku mutwe gwamwe namaiso gamwe nga galiga enjuba namagulu gamwe ngalinga empagi za muuro gali nka eisana, ² yabbaire nomuzigo oguddyooli mu mukono gwamwe nga agwazulire nata okugulu kwamwe okuliyo mu nnyaja nokugulu kwamwe okumoso kulukalu, ³ Nasimoora aiguru namaraka gakooto nkompologoma nawuluguma ni yasimoleire aiguru ne bibwatuka omusaju ni bisimoola namaraka gabyo, ⁴ ebibwatuka omusaju ni byamaare okusimoola amaraka gaabyo,nnali natera okuwadiika,ni mpuura eiraka erikuzwa omwiguru,nga likusimoola nti"taaku akamanyisyo kwebyo ebibwatuka omusaju bye bisimoire,naye tobiwandiika. ⁵ OMalaika gwe naboine nga ayemereire oku nnyaja nokulukalu nayemera, omukono gwamwe ogulyo edi aigguru, ⁶ nalayira odi abba omwoomi emirembe nemirembe,eyatondere eiguru nebirumu, nensi nebirumu,n'ennyaja nebirumu,ati,tewalibba kiseera te. ⁷ naye omunaku eza iraka rya malaika owa musanju,nalibba nga akwaaba okufuuwa, ekyama kya Kanca nekiryoka kikiira,nke njiri neri gye yabuulire abairu bamwe abalangi. ⁸ neiraka lye nawuliire nga likuzwa omwiguru,ni ndiwuura ate nga likusimola nanje ne likoba nti,"yaba,otwale ekitabo ekisweekwire omu mukono gwa malaika ayemereire okunyanjja noku nsi" ⁹ ninyaba edi omalayika,nimukoba okumpeerya akatabu.nankoba nti,"Tesla, okamire,era kaoisaarya omukidda kyamu,naye omu munwa gwaamu muliba mukunuliirya nkobwoki. ¹⁰ Nitwala akatabo ni katoola omu mukono gwa malaika,ni nakamira, ni kabba mu munwa gwange kakunuliirya no omubiri gwa bwoki,ninakaliire, omu kidda kyange nimululuwa. ¹¹ Ni bankoba nti,"kikusaanire okubuulira buni abantu baigi n'amawaga nendumi n'abakama.