¹ . Awo ni mbona eigguru erikwiiza n'ensi egiyaaka kubbanga eigguru eryo luberyeberye n'ensi eyaluberyeberye nga bigeizere nka ennyanja tekyaliwo. ² . Ne mbona ekibuga ekikiiri, Yerusaalemi ekiyaaka,nga kigwa okuzwa omwigguru ewa Kanca, nga kitegekeibwe nka omugole oyonjereibwe oibaamwe. ³ . Ni mpuura eiraka erikooto erikuzwa omu ntebe nga eikubbaza nti bona, olusisira lwa Kanca amwe nabantu,era yaikalanga amwe nabo,boona baiza kubanga bantu bamwe, yeena oKanca omwenyenere aiza kubanga amwe nabo,Kanca waabwe . ⁴ . Yeena alisangula buli irigga omu maiso gaabwe, era okufa tekulibaawo te , wadde ennaku, wadde okubonaboona gonze okulumwa; kubbanga ebyo byona ebyaliwo nga biwereiwo ⁵ . N'oyo aikaara oku ntebe nabaza nti,'' bona , byoona mbirye buyaaka.''N'abaza nti wandiika; kubbanga ebigambo ebyo bya bwesigwa era bya mananu. ⁶ . N'ankoba nti,''biikiriire. Ninje Alufa ne Omega, okubaanza n'enkomeero. Ndimuwa mbe oyo alina eiloho (ennyonta)okunywa omwiizuba erya maizzi aga bwoomi bwereere. ⁸ Naye abatiini, n'abataikiriza n'abagwagwa, n'abaiti, na benzi, n'abalogo, nabasinza ebiisani, n'ababeyenge boona, omugabo gwabwe guliba mu nyanja ekwaaka nomuuro ne nekibiriiti, okwo nikwo kuffa okwakabiri. ⁷ . Aliwangula alisikira ebyo, nanje nyizzakubanga Kanca wamwe, yeena aizza kubanga mwaana wange. ¹⁰ N'antwala omu mwoyo okulusozi olukooto olwikiiri, n'andanga ekibbuga ekikiiri Yerusaalemi nga kigwa okuzwa omwigguru ewa Kanca. ⁹ . Ni waiza omwe owa kubamalaika omusanju abalina obicuba omusanju ebyalimu ebibonerezo omusanju ebyenkomeero; naiza n'abazza nanje, nga akukoba ati,''izza nkwoleke omugole, omukali owa mwaana gwa ntaama.'' ¹¹ .Nga kilina ekitinisya kya Kanca: okumirimiinya kwakyo kukwiisana okwaibbaale eryo muwendo ogwingi omuno, erya yasepi, erikutangalija. ¹² .nga ekirina obbuggwe omukooto omulai; nga kilina emiryango ikkumi nebiri (12) no kumiryango nga kuliku abamalaika ikkumi na babiri (12), namabara agawandikiibweku,nigo aga bika eikkumi nebibiri (12)ebya baana ba Isiraeri. ¹³ . oku ludda lwa buwuluka kwaliku emiryango isatu: no ku ludda olwa gumoso nikubaaku emiryango isatu: no kuludda lwa gulyo nikubbaku emiryango isatuera ohugwa isana kuliku emiryango isatu. ¹⁴ . Ne mabega wa kibuga yaliyo emisingi ikumi na ibiri (12), nga kuwandiikibwaku amabara ikumi nabiri (12) aga batume eikumi na babiri aba mwaana wa ntaama. ¹⁵ . Yeena eyabazire nanje yali no mwigo ogwa zaabu ogwa kupimisya ekibuga, n'emiryango zaakyo, n'emabega waakyo. ¹⁶ . Ne kibuga kyali kyenkanankana enjuyi zoona zoona, nobulai bwaakyo nga bwenkanankana n'obugazi bwaakyo, napima ekibuga n'omwigo, ekipimo kya mabanga mutwalo gumwei ne nkumi ibiri (12000), obulai nobugazi nobuguluumiiri bwakyo nga byenkanankana. ¹⁷ . Ate na pima emabega waakyo, emikono kikumi anai nainai (144), nga ekipimo kya muntu, nikyo nkakya malayika . ¹⁸ .Nokwombokebwa kwa bbuggwe waakyo kwa Yasepi;nekibuga kya zaabu misan,nke ndabirwaamu ejisai. ¹⁹ . Emisingi za mabega wa kibuga zayonjeibwe na buli ibaale erya muwendo ogwingi. omusingi ogusooka Yasepi, ogwa kabiri gwa safiro, ogwa kasatu gwa kalukedoni, ogwa kanai gwa nnawandagala, ²⁰ . Ogwa kataanu gwa sadonukisi, ogwa mukaaga gwa sadiyo, ogwa musanju gwa kerusoliso, ogwa munaanai gwa berulo, ogwa mwendai gwa topazi, ogwa ikumi gwa kerusoperaso, ogwa ikumi no gumwe gwa kuwakinso no ogwe ikumi ne ibiri gwa mesusito ²¹ . N'emiryango eikumi ne ibiri, nga zakoleibwe mu luuku ikumi na ibiri, nga buli gumwe oku miryango gwali luulu emwe n'oluguudo olwa kibuga lwa zaabu egisai eyakayakana nka endabirwamu. ²² . Tinabwoinemu yeekalu omu kyo, olwakubba omukama oKanca afuga omufuzi wa bintu byoona byoona, n'omwaana wa ntaama, niyo yeekalu yaakyo. ²³ . Era ekibuga nga tikyatagisa isana gonze okweezi, oku kyaakira, olwakubba ekitiibwa kya Kanca kya kimulikirye, era nettaala yaakyo nga niye omwaana wa ntaama ²⁴ . N'amawanga gataambuuranga mwiisana ryakyo : na bakama ba nsi balireeta ekitinisya kyabwe omu kyo. ²⁵ . Nemiryango gyakyo tizaigalwenge nankadooli emisana (era eyo ti wabengeyo bwiire) ²⁶ .era balireeta ekitinisya neittendo ebyamawanga omu kyo. ²⁷ . Ate temulingiramu nakadooli kintu kyoona kyoona ekitali kirongooki, wadde oyo akola ekya muzizo no bubeyegi, wabula abo bonkai abawandikiibwe omu kitabo ekya bwoomi ekya mwana wa ntaama. 22