¹ Nao taem Jisas i talem ol tok ya finis lo ol twelef man blo hem. Hem i aot lo ples ya, i go lo ol taon lo districk ya. Blo i tijim ol man, mo blo i prio lo olgeta. ² Lo taem ya John i stap lo kalabus mo hem i stap harem nius blo wok we Jisas Kraes i stap mekem. Nao i saenem sam man blo hem. ³ Blo oli go askem lo hem se, olsem wanem? Yu yu man ya we bifo oli bin talem se, wan man bambae i kam. No mifala i mas wot yet lo wan narafala man bakegen? ⁴ Nao Jisas i talem lo olgeta se, "Yufala i go back lo John, yufala i talemaot lo hem, olgeta samting ya, we yufala i stap luk, mo we yufala i stap harem. ⁵ Ol blaen man, naoia oli save lukluk, mo ol man we leg blo olgeta i no gud, naoia oli save workbaot gud. Mo ol man we oli gat rabis sick blo skin, naoia bodi blo olgeta i klin, mo ol man we sora blo olgeta ifas. Naoia sora blo olgeta i open. Ol ded man, naoia oli laef bakegen, mo ol puaman, naoia i gat man i stap talemaot gud nius lo olgeta. ⁶ Man we i luk mi, mo i no gat tu tingting lo mi, hem i save harem gud. ⁷ Taem ol man ya blo Jon oli stap go bak, Jisas i stat tokbaot Jon lo ol man ya we oli stap wetem hem, i talem se, "Bifo ya yufala i go lo drae ples blo luk wanem? Yufala i go blo luk wan man we i olsom wael kan we win i stap sak sakem i go olbaot? ⁸ No yufala i go blo luk wan man we i stap putum ol flas klos? No ol man olsem di stap oltaem lo hause blo king. ⁹ Be yufala i go blo luk wanem? Wan profet, a? Yes, i tru. Be mi mi talem lo yufala, man ya i hae moa, i winim profet. ¹⁰ Hem, a man ya we baebol i tokbaot, we God, tokbaot, we God i talem se. Hemia man blo karem tok blo mi. Mi mi saenem hem blo hem i go fastaem lo yu, blo mekem rere roal blo you. ¹¹ Tru mi talem lo yufala, lo olgeta we i bon lo wol ya, ino gat man we i hae moa, i winim Jon Baptaes. Be lo olgeta we God i kam king blo olgeta, man we i daon moa lo olgeta, hem i hae mao lo Jon. ¹² I start lo taem ya, we Jon Baptaes i start blo prij, i kam kasem tedei, be ol man oli stap faet lo ol man we God i kam king blo olgeta. Mo ol man blo faet oli stap traem blo pulumaot ol man ya, blo oli kam man blo olgeta. ¹³ Start bifo, kam kasem taem blo Jon, ol tok blo boa we God i givim lo ol profet, i stap talemaot we bambae hem i kam king blo ol man blo hem. ¹⁴ Mo sapos yufala i glad blo harem ol tok ya blo olgeta bambae yufala i save we Jon. Hem i Elaeja ya we olgeta bifo oli bin talemaot se bambae hem i kam back bakegen. ¹⁵ Man we i get sora, hem i mas lesin gud lo tok ya. ¹⁶ Bambae mi mi save talem wanem tok, blo makem fasin blo ol man blo tedei? Olgeta oli olsem ol pikinini ya we oli stap sidaon lo open ples lo vellej, oli stap singaot i go lo ol pren blo olgeta se. ¹⁷ Mifala i stap floem bambu blo yufala i danis, be yufala ino danis. Mifala i stap singsing blo ded, be yufala i no save krae! ¹⁸ Taem Jon i kam, hem i stap livim kakae blo mekem worsiph. Mo hem ino dring waen, nao olgeta oli stap talem se, man ya i gat wan devel i stap lo hem. ¹⁹ Be taem mi pikinini blo man, mi kam. Mi stap kakae, mi stap dring. Nao oli stap talem se, yu luk. Man yu, i man blo kakae tumas, mo hemi man blo drong. Hem i stap fren lo ol man blo tekem mane blo takis, mo ol man nogud. Be ol gudfala work blo ol man we oli stap folem waes blo God, oli stap soemaot we waes ya i tru. ²⁰ Nao Jisas i stat tok strong long ol man blo ol taon ya we hem i bin mekem plante mirikel lo fes blo olgeta. Hem i tok blo mekem olgeta oli sem, from we oli no tanem tingting blo olgeta from sin blo olgeta. ²¹ Hem i talem se, ol man Korasin sore tumas lo yufala, ol man Betsaeda sore tumas lo yufala, ol merikel ya we mi mekem lo ples blo yufala, lo tufala taon ya Taea mo Saedon bifo, ol man ples ya, oli save Tanem tingting blo olgeta from sin blo olgeta. ²² Be mi mi talem lo yufala, lo dei ya we God bambae i jajem olgeta man lo hem, panis blo yufala bambae i strong moa, i winim panis we ol man blo tufala taon ya bifo bambae oli kasem. ²³ Ol man Kampaneam yufala i stap tok flas se yufala, i hae we i hae, be God bambae i sakem yufala i godaon wei godaon olgeta. Ol merikel ya we mi mekem to ples blo yufala, sapos wan man i mekem lo Sodom bifo, bambae Sodom i no save lus, i stap yet. ²⁴ Be mi talem lo yufala, lo dei yu we God bambae i jajem olgeta man lo hem, panis blo yufala bambae i strong moa, i winim panis we ol man Sodom ya bifo bambae oli kasem." ²⁵ Nao lo taem ya, Jisas i prea i talem se, "Papa, yu, yu hae God, yu masta blo olgeta samting lo heven mo lo wol. Mi mi talem thangkyu lo yu, from we yu yu haedem ol samting ya lo fes blo ol man we oli skul gud, be yu soemaot olgeta lo ol man we oli olsem smol pikinini nomo, blo oli save gud. ²⁶ Yes, Papa, hemia i wan samting we yu yu wantem. ²⁷ Olgeta, Papa blo mi i putum olgeta samting lo hand blo mi finis. Mi mi pikinini blo hem, mo ino gat man i save mi, papa blo mi nomo i save mi. Mo ino gat man i save papa blo mi, mi wetem ol man we mi mi Jusumaot olgeta blo soemaot hem lo olgeta, mifala nomo i jave hem. ²⁸ Yufala evriwan we yufala i stap hadwok tumas, mo we yufala i stap karem ol hevi samting, yufala i kam lo mi, nao bambae mi tekemaot ol hevi samting yu, mi mekem we yufala i spel gud. ²⁹ Yufala i mas putum yok blo mi lo solda blo yufala, mo yufala i mas lan lo mi, nao bambae yufala i save fae nem pis lo laef blo yufala. ³⁰ From we yok ya we mi bambae mi mi putum lo yufala, wok blo hem i isi nomo, mo ol samting we bambae mi givim lo yufala blo yufala i karem, oli no hevi."