¹ Nao Jisas i singaotem ol twelefala man blem i kam tugeta mo i kivim pawa long olgeta blong oli save ronemaot ol devel long ol man, mo blong oli save mekem olgeta we oli sick, mo olgeta we bodi blong olgeta i nogud, oli gud bakeken. ² Hemia nao nem blong twelfala disaepol ya. I gat Saemon we nawafala nem blong hem Pita, mo Andru, we i brata blong hem. Mo i gat Jemes wetem brata blong hem John we tufala i pikinini blong Sebedi. ³ Mo i gat Philip mo Batolomiu, Tomas mo Matiu we faotaem i man blong tekem takis. Mo i gat Jemes we i pikinini blong Alfeas, mo Tadeas. ⁴ Mo Saemon we bifo i Joen long pati ya we i wantem Sakemaot ol man Rom. Mo i gat Judas Iskarriot we bihaen i letem Jisas i go long hem blong ol enemi blong hem. ⁵ Ol twelfala disaepel ya nao we Jisas i sanemaot olgeta blong go mekem wok blong hem. Hem i toktok long olgeta fastaem i talem se, "Yufala i no mas go long ol ples we ol man we oli no laen blong Israel oli stap long hem, mo yufala i no mas go long taon blong ol man Sameria tu. ⁶ Yufala i mas go fastaem long olgeta we oli laen blong Israel. Olgeta ya oli olsem sipsip we i lus. ⁷ Mo taem yufala i go, yufala i mas talemaot se, "Taem blong God i kam King blong olgeta man long wol i kam klosap finis." ⁸ Hilim ol man, mekem ol man we oli ded oli laef bakeken, mekem olgeta we oli gat rabis sick long skin blong olgeta i kam gud mo ronemaot ol devel we i stap long olgeta. Bae nogat man i pem yufala from pawa ya fom mi mi kivim i fri momo long yufala. ⁹ Taem yufala i go, yufala ino mas karem eni mane, ¹⁰ mo yufala i no mas karem basket wetem ol klos blong yufala. Savat wetem woking stiktu. Mi talem olsem from taem man i mekem wok blong wan nara man, i stret nomo blong man ya bae i kivim kakae long hem. ¹¹ Taem yufala i go long wan taon or wan vilij, faenem wan gudfala man we yufala i save stap wetem hem kasem taem yufala i aot bakeken. ¹² Taem yufala i go insaet long haos ya, talem halo long olgeta. ¹³ Sapos olgeta long haos ya oli glad blong lukaotem yufala, putum pis i stap wetem olgeta. Be sapos oli no wantem yufala, pis ya i kambak long yufala. ¹⁴ Long olgeta we oli no wantem yufala or no wantem hisen long ol toktok blong yufala, taem yufala i aot long haos ya or taon ya, seksekemaot ol dao long leg blong yufala. ¹⁵ Tru mi talem long yufala long dei ya we God bae i jajem ol man, panis blong olgeta ya bae i strong moa pitim olgeta man nogud ya blong tufala taon blong Sodom mo Gomora bae oli kasem. ¹⁶ Yufala i luk, mi mi sendemaot yufala i go olsem ol sipsip long medel blong ol ol wael dog. So yufala i mas waes olsem snek mo yufala i mas kwaet men olsem pijin ya sotleg. ¹⁷ Yufala i mas lukaot gud, long ol man we oli mekem yufala i pas long ol kaomsel blong algeta, blong ol kaonsel ya oli jajem yafala. ¹⁸ Mo from we yufala i man blong mi, bambae oli pulum yufala i go stanap long fas blong ol hae man blong garman, mo long fes blong ol king. Be sipos oli mekem olsem, bambae yufala i gat Janis blong talemaot gud nius blong mi long fes blong olgeta mo long fes blong ol hiten man. ¹⁹ Mo taem olgeta oli kam tekem yafala, bambae yufala i no wari, yufala ino tingting tumas se, "Bambae mi mi toktok olsem wanem? Bae mi talem wanem long olgeta? Wanem we bae yu talem bae i kam long yu long stret taem. ²⁰ From we bae i no yufala we bae i toktok, be bae hemi Spirit blong Papa blong yufala we bae i toktok tru long yufala. ²¹ Bambae man i save tetem stret brata blong hem i go long ham blong olgeta ya blong oli kilim hem i ded. Mo bambae man i save letem stret pikinini blong hem i go, blong oli kilim hem i ded. Ol pikinini tu bambae oli save girap oli agens long papa mo mama blong olgeta, oli save letem olgeta i ded. ²² Bae evri man oli no laekem yufala from nem blong mi. Be man we i stanap strong go kasem end, bambae mi mi sevem hem. ²³ Taem oli spolem yufala long wan taon, yufala i ronwe long taon ya mo go long nerrafala taon. Mi mi talem stret long yafala, bambae yufala ino save finisim evri taon taon blong Israel yet, kasem we taem mi, pikinini blong man bambae mi kamtru. ²⁴ Wan man we i stap lan yet, hem i no save samting bitim tija blong hem; mo man blong wok, hem i no hae pitim bos blong hem. ²⁵ Sapos man we i stap lan yet i kam semak olsem tija blong hem, bambae hem i glad mo sipoe man blong wok i kam semak long bos blong hem, bae hem tu i glad. Mo sipos olgeta oli stap singaotem bos blong haos se Bielsebul, bambae oli save singaotem nem blong ol man long haos ya long ol nem we i nogud moa. ²⁶ From samting ya, yufala i no mas fraet long olgeta. Ol samting we man i stap haetem, bae God i tekem i kam long klia ples, mo i nogat wan samting we man i haetem i save stap haet we man i no save. ²⁷ Wanem we mi talem long yufala long tudak, yufala mas i talemaot long delaet. Mo wanem we man i talem long sorae blong yufala, yufala i mas talemast strong long fes blong evriwan. ²⁸ Yufala i no mas fraet long olgeta we oli save kilim ded body blong yufala momo be oli no save kilim sol blong man. Be yufala i mas fraet long God momo we i save spolem tugeta sol mo body long hel faea. ²⁹ Ol smol pijin ya sparro, oli salem tu i go tugeta long wan smol mane momo, be yet taem wan i foltaon i go long graon, Papa blong yufala i save. ³⁰ Mo hem i save tu namba blong hea long hed blong yufala. ³¹ Yufala i mo fraet. From we long fes blong God, yufala i gud moa pitini ol smol pijin ya. ³² From samting, olgeta we oli talemaot nem blong mi long foret blong ol man, mi bambae mi talemaot nem blong olgeta tu long Papa blong me long heven. ³³ Be man we i talem long fes blong fulap man se hemi no save mi, mi tu bambae mi talem long fes blong Papa blong mi long heven se mi no save hem. ³⁴ Yufala i no ting se mi mi kam blong putum pis long wol ya. Mi mi no kam blong pis be mi kam wetem naef blong faet. ³⁵ Mi mi kam blong mekem wan yangfala boo i go agens long papa blong hem mo wan yanfala gel i go agens long mama blong hem. Mo blong mekem wan woman bae i agens long woman balika blong hem. ³⁶ Bambae man i gat enemi blong hem we olgeta oli famle blong hem nomo. ³⁷ Man we i lavem tumas papa mo mama blong hem, pitim mi, hem i no stret blong kam man blong me. Mo man we i lavem tumas boe mo gel blong hem pitim mi, hem i no stret blong kam man blong mi. ³⁸ Mo man we i no karem kros blong hem mo biaen long mi, hem i no stret blong kam man blong mi. ³⁹ Man we i stap tingbaot tumas laef blong hem, hem bae i lusum laef blong hem. Be man we i lusum laef blong hem from mi, hem bae i save kasem laef blong hem. ⁴⁰ Man we i welkamem yu long haos blong hem hem i stap welkamem mi tu. Mo tu i stap welkamem wan we i sentem mi. ⁴¹ Man we i welkamem wan profet long hem blong profet, bae i kasem ol blesings blong profet. Mo man we i welkamem wan stret man, hem bae i kasem ol blesings blong ol stret mem. ⁴² Mo eni man we i givim wan cap blong wota long wan pikinini long nem blong ol aposol, mi talem stret long yufala se, hem bambae i kasem ol blesings blong hem.