Pasal 3
Permohonan Doa Ete Paulus
1
Ahiryaq, Kabetn-luhetn, bedoalah kalaq kaiq, nadeq firman Tuhen ngahan tersebar ampetn golek dan dimuliakan, kiaq yaq terjadiq mo antara ka,
2
dan nadeq kaiq genelepes ete senarikng-senarikng yaq kejam dan daat kerna beaw sekorekng senarikng uputn iman.
3
Namun, Tuhen iro setia. Uhaq akan pekuet dan melindungi ka ete yaq daat.
4
Kaiq naan keyakinan sua Tuhen mengenai ka bahwa ka sedeng kinteu dan akan terus kinteu oon yaq penerentah kaiq.
5
Kirayaq Tuhen mengarahkan asekng ka la kasih Allah dan la ketabahan Kristus.
Kewajiban Kalaq Kerjaq
6
Kabetn-luhetn, sekareng kaiq merentah la ka, sua nai Tuhen takaq, Yesus Kristus, nadeq ka pekoroq diriq ete abetn saman yaq bolupm malas-malasan dan beaw sesuei ampetn ajeran yaq ka terima ete kaiq.
7
Ka sendiriq tauq kelemeq ka harus meneladani kaiq kerna kaiq beaw malas-malasan beraq kaiq beroh ka.
8
Kaiq pun beaw man okatn ulutn bali tanpa mayaryaq. Sebaliqyaq, kaiq berusaha dan bekerjaq keras jelo ampetn malepm nadeq kaiq beaw jadiq beban bagiq enceqpun mo antara ka.
9
Beaw kerna kaiq aweq naan hak kalaq iro, melaitnkan kalaq nyeq diriq kaiq sendiriq sebagei contoh bagiq ka kalaq dinteu ka.
10
Beraq kaiq maseh beroh ka pun, kaiq nyeq perentah ohoq: “amen senarikng beaw moyu bekerjaq, boteqlah uhaq man.”
11
Sebeb, kaiq dingaq naan beberapa mo antara ka yaq bolupm malas-malasan, beaw moyu bekerjaq, tetapiq sibuk ampetn hal-hal yaq aweq gunaq.
12
Ulutn kiaq iro kaiq merentah dan kaiq nyeq nasehat sua nai Tuhen Yesus Kristus kalaq bekerja ampetn tenang dan man rotiyaq sendiriq.
13
Sedengkan ka, Kabetn-saman, boteqlah lelah berbuet bueq.
14
Jika naan ulutn yaq beaw menaati oon yaq tenokai kaiq sua suret ohoq, nanaaqlah senarikng iro dan boteq bergaul ampetn uhaq nadeq uhaq jadiq mangen.
15
Namun, boteq perlakukan uhaq sebagei musuh, tetapiq negurlah sebagei kabetn.
Ongau-Ongau Terahir
16
Tuhen damai sejahtera kirayaq nyeq ka kedamaian setiep watu dan sua sekorekng keadaan. Tuhen menyertai sekorekng ka.
17
Aap, Paulus, nulis salam ohoq opekng kami aap sendiriq sebagei tanaaq keaslian suret aap. Kelirolah aap nulisyaq.
18
Anugerah ete Tuhen takaq, Yesus Kristus, menyertai sekorekng ka.