Pasal 2
Senarikng Daat Empet
1
Sekareng, mengenai pengempet Tuhen takaq, Yesus Kristus, dan saat takaq benerinuk bersama ampetn Uhaq, kaiq sake la ka, Abetn-luhetn,
2
nadeq ka boteq golek bingung sua pikiran ka atau gelisah saat dingaq amen olo Tuhen epuq empet, bueq ete roh atau pesan atau suret yaq seolah-olah ete kaiq.
3
Boteq ngebier erai kongaq pun menyesatkan ka ampetn cara oon pun. Sebeb, olo iro beaw akan empet semale kemurtadan empet dan si senarikng daat dinyatakan, yaq iro si tiaq kebinasaan,
4
yaq ngelawetn dan pekemo diriqyaq terhadep sekorekng yaq tenokai allah ateu yaq senembah senarikng; dan uhaq akan alaq antai tuet mo Bait Allah dan menyatakan diriqyaq sebagei Allah.
5
Beaw ingetkah ka amen beraq aap maseh beroh ka, aap petauq hal ohoq la ka?
6
Sekareng, ka tauq oon yaq nahen uhaq sehingga bayuq pede saatyaq atih, uhaq akan dinyatakan.
7
Sebeb, misteri kedurhakaan epuq sedeng bekerjaq, hanya uhaq yaq sekareng nahenyaq akan tetep nahenyaq sampei uhaq disingkirkan.
8
Lipes iro, senarikng daat iro akan dinyatakan. Namun, Tuhen akan munu uhaq ampetn asekng ete molot-Uhaq dan pekaweq yaq pekng pengempet-Uhaq.
9
Pengempet si senarikng daat iro akan selaras ampetn amuh Belih, disertai ampetn sekorekng masem kuasa, tanaaq-tanaaq ajaib, dan mujizat-mujizat palsu;
10
dan ampetn sekorekng muslihat daat bagiq ulutn yaq akan binasa kerna ulutn nulek kalaq mengasihi kebenaran sehingga senelamet.
11
Oleh kerna iro, Allah ngirim kesesatan yaq hebat ates ulutn nadeq ulutn persaya ampetn etaq,
12
sehingga sekorekng ulutn ngahan dihakimi, yaq iro ulutn yaq beaw persaya mo kebenaran dan seneng ampetn kejahatan.
Ka Beneli Kalaq Senelamet
13
Kabetn-luhetn yaq tenerasi Tuhen, kaiq harus selalu bersyukur la Allah kalaq ka. Sebeb, Allah epuq meli ka sejak temaatn kalaq senelamet lalo pengudusan oleh Roh dan iman sua kebenaran.
14
Kalaq irolah Allah nogeq ka lalo Injil yaq penesempeq kaiq nadeq ka ngahan kemuliaan Tuhen takaq, Yesus Kristus.
15
Jadiq, Kabetn-luhetn, jakaatlah teguh dan geeqlah ajeran-ajeran yaq epuq genajer la ka, bueq lalo kata-kata maupun lalo suret kaiq.
16
Sekareng, kirayaq Tuhen takaq, Yesus Kristus, sendiriq dan Allah Bapa takaq, yaq epuq mengasihi takaq dan nyeq takaq penghiburan kekal dan pengharapan yaq indah lalo anugerah,
17
ngehibur dan menguetkan asekng ka sua setiep amuh dan ongau yaq bueq.