Pasal 5 Bersiap Kalaq Pengempet Tuhen

1 Sekareng, Kabetn-luhetn, mengenai watu ampetn zamen yaq, beaw asak tenulis la ka. 2 Sebeb, ka sendiriq benar-benar tauq bahwa olo Tuhan akan empet kiaq perako pede malepm olo. 3 Beraq senarikng-senarikng nokai, “Damai dan aman,” secara nyingke-nyingke kebinasaan akan empet atas ulutn, kiaq rasa meraraq pede bawe yaq antekng melolos, dan ulutn beaw antekng ngahan meloloskan diriq. 4 Namun, Kabetn-luhetn, ka beaw bolupm sua kegelapan sehingga olo iro akan empet la ka kiaq ulutn dako. 5 Sekorekng ka adalah tiaq-tiaq terekng dan tiaq-tiaq jelo. Takaq beaw beraser ete malepm ateu kegelapan. 6 Sebeb iro, boteqlah takaq turi kiaq ulutn-ulutn bali, tetapiq ayoqlah takaq tetep terjaga dan waspada. 7 Ulutn yaq turi, turi pede malepm olo dan ulutn yaq mauk, pun mauk pede malepm olo. 8 Namun, kerna takaq adalah tiaq-tiaq jelo, ayoqlah takaq sadar, opekng sape zirah iman dan kasih, dan opekng ketopong pengharapan akan keselamatan. 9 Allah beaw menetapkan takaq kalaq mengalami murka, tetapiq kalaq ngahan keselamatan lalo Tuhen takaq, Yesus Kristus, 10 yaq epuq mate bagiq takaq nadeq takaq, entah terjaga ateupun teturi, ngahan nongko beroh-Uhaq. 11 Kerna iro, kuetkanlah erai ampetn yaq bali dan saling membangunlah, kiaq yaq sedeng denaq ka sekareng. Nasehat Terahir Ampetn Salam 12 Kabetn-luhetn, kaiq sake la ka nadeq menghormati ulutn yaq bekerjaq waleq mo antara ka, dan yaq memimpin ka sua Tuhen, dan yaq negur ka. 13 Hargailah ulutn sungguh-sungguh sua kasih kerna pekerjaan ulutn. Bolupmlah sua damai erai ampetn yaq bali. 14 Kaiq mendorong ka, Kabetn-luhetn, negurlah ulutn yaq bolupm bermalas-malasan, kuatkanlah ulutn yaq rasa keding asekng, bantulah ulutn yaq lemah, dan sabarlah ampetn sekorekng senarikng. 15 Perhatikanlah nadeq boteq naan ulutn yaq males kedaat ampetn kedaat, melatinkan selalu berusahalah enaq yaq bueq mo antara ka ampetn kalaq ulutn deoq. 16 Bersukacitalah selalu! 17 Teruslah bedoa! 18 Mengucap syukurlah sua segala hal. Sebeb, irolah pengakatn Allah bagiq ka mo sua  Kristus Yesus. 19 Boteq marepmkan Roh! 20 Boteq memandang iwaq nubuat-nubuat! 21 Namun, ujilah esaq lingan! Geeglah oon yaq bueq! 22 Lemaqlah ete sekorekng bentuk kedaat! 23 Semoga, Allah damai sejahtera sendiriq menguduskan ka seluruh yaq. Kira yaq roh, jiwa, ampetn unuk ka terpelihara seluruh yaq, aweq saset pede pengempet Tuhen takaq, Kristus Yesus. 24 Uhaq yaq nogeq ka adalah setia, Uhaq pasti akan menggenapi yaq. 25 Kabetn-luhetn, bedoalah lei kalaq kaiq! 26 Nyeqlah salam la sekorekng kabetn ampetn salam kudus. 27 Aap sangat sake la ka demi nai Tuhen, kalaq membaca suret ohoq la sekorekng kabetn mo iro. 28 Anugerah Tuhrn takaq, Kristus Yesus, menyertai ka.