Pasal 4
Bolupm Yaq Peseneng Allah
1
Ahiryaq, Kabetn-luhetn, kaiq sake dan nyeq nasihat la ka sua Tuhen Yesus nadeq kiaq yaq epuq tenerima ka ete kaiq tentang kelemeq ka harus bolupm dan peseneng Allah, enaqlah iro lebeh oliq.
2
Sebeb, ka tauq oon perentah-perentah yaq penesempeq kaiq la ka lalo kuasa Tuhen Yesus.
3
Sebeb, ohoqlah pengakatn Allah: pengudusan ka, bahwa ka harus pekoroq diriq ete percabulan;
4
bahwa ka masing-masing tauq kelemeq menguasai unuk ka edotn sua kekudusan ampetn kehormatan,
5
beaw sua gairah yaq punikng nafsu kiaq ulutn-ulutn yaq beaw kener Allah,
6
nadeq boteq naan erai kongak pun yaq melanggar dan nipu saman yaq sua hal ohoq. Sebeb, Tuhen adalah Pemales ete sekorekng ohoq, kiaq yaq penentauq kaiq ete onaq dan kaiq pekinget ampetn sungguh-sungguh la ka.
7
Allah nogeq takaq beaw kalaq ketidakkudusan, melaitnkan kalaq kekudusan.
8
Oleh sebeb iro, enceq pun yaq nulek ajeran ohoq, beaw nulek senarikng, melaitnkan nulek Allah, yaq nyeq Roh Kudus-Uhaq la ka.
9
Namun, tentang kasih abetn-saman, ka beaw asak naan senarikng yaq nulis nengkalaq ka kerna ka sendiriq epuq genajer Allah kakaq saling mengasihi.
10
Bahkan, ka epuq enaq yaq la sekorekng saman yaq naan mo Makedonia. Akan tetapiq, Kabetn-luhetn, kaiq sake genih la ka nadeq ka enaq yaq lebeh oliq,
11
dan berusahalah bolupm ampetn tenang, nguruslah urusan-urusan ka edotn, dan bekerjaqlah ampetn kami ka edotn, kiaq yaq epuq penerentah kaiq la ka,
12
nadeq ka ngahan ngejalen bolupm ampetn pantas mo telamaq ulutn-ulutn luer dan beaw kurekng oon-oon.
Pengempet Tuhan
13
Kabetn-luhetn, kaiq beaw moyu ka beaw pahem tentang ulutn-ulutn yaq epuq mate nadeq ka beaw berdukacita kiaq ulutn-ulutn yaq aweq naan pengharapan.
14
Sebeb, amen takaq persaya bahwa Yesus epuq mate dan Suli oliq, takaq pun persaya bahwa Allah akan ngumpur ulutn yaq mate mo sua Yesus beroh ampetn Uhaq.
15
Kaiq nokai hal ohoq la ka opekng firman Tuhen, bahwa takaq yaq maseh bolupm, yaq maseh naan hingga pengempet Tuhen, beaw antekng nyemponaq ulutn yag epuq mate.
16
Tuhen sendiriq akan ili ete surga ampetn seruan, ongau ete penghulu malaikat, dan ampetn ongau trompet Allah, dan ulutn-ulutn yaq mate sua Kristus akan uwat lebeh onaq.
17
Lipes iro, takaq yaq maseh bolupm, yaq maseh naan, akan benengkat berebayaq sua jautn-jautn ampetn ulutn beruku ampetn Tuhen mo angkasa, dan kelirolah takaq akan selalu beroh Tuhen.
18
Kerna iro, hiburlah erai ampetn yaq bali opekng ongau-ongau ohoq.