¹ ನಂಬಿಕೆಲ್ ಇರ ನಂಗ ನಂಗನ ಸುಖನೆ ಆಸೆ ಪಡದೆ ನಂಬಿಕೆಲ್ ಇಲ್ಲದವರ್ನ ಅನ್ ಮಾನನೆ ಅರತ್ತೋಕ್ ² ನಂಗಲ್ ಯಲ್ಲರ್ ತನ್ನ [ಪಕ್ಕಲ್ ಇರವರ್ ಕೊಡದ್ನೆ]ಬಯಸಿ ನಂಬಿಕೆಲ್ ಅವನ್ ಇನ್ ಯಷ್ಗ್ ಹಾಳಾಂತ ಮಾಡಕ್, ³ ಕ್ರಿಸ್ತ್ ಯೇಸ್ ತನ್ನ ಸ್ವಂತಗಾಗಿ ಮಾಡಿತ್ತಿಲ್ಲೆ,''ದೈವವೆ,ನಿಂಗನೆ ಹಗೆ ಮಾಡಿದವರ ಹಗೆನೆ ನನ್ನ ಮೇಲೆ ಇದ್ದೆ''ಅಂದ್ ಬರದ್ರಾ ಮಾತ್ ಅವರ್ಗ್ ಆಗಿದೆದೆ. ⁴ ಸತ್ಯಪುಸ್ತಗಲ್ ಮುಂಚೆವೇ ಬರದ್ರಾದ್ ಯಾನ ಅಂದಲೇ ನಂಗ [ಕಲ್ಸೊಯಿಂದ]ಬರ್ದ್ದೆದೆ.ನಂಗ ಅದ್ಲಯಿಂದ ತಾಳ್ಮನೆ [ಆಚರಣೆನೆ]ಹೊಂದೋಡ್ ಆಸೆ ಆಗಿರ್ವರ್ ಆಗಿ ಇರಕಂದ್ ಬರ್ದದೆದೆ. ⁵ ತಾಳ್ಮೆ ಇಂದೇ [ವಳ್ಳೆದ್ ಕೊಡೋ]ದೈವಲ್ ನಿಂಗ ಯೇಸ್ ಸ್ವಾಮಿನ ಹಿಂದಕ್ ವಾಗಂತೆ ಒಂದೇ ಮನ್ಸ್ ಕ್ವೊಡಲಿ. ⁶ ಹೀಂಗೆ ನಿಂಗ ಒಂದೇ ಮನ್ಸ್ ಇರವರ್ ಆಗಿ ಇಂದೇ ಒಂದೇ ಮಾತ್ಯಿಂದ ನಂಗನೇ ಜಿಂವಾ ಕ್ವೊಟ್ಟ ಯೇಸ್ ಕ್ರಿಸ್ತ್ ಅಪ್ಪಾ ಆಗಿರ ದೈವನೆ ಮಹಿಮೆ ಪಡಿಸಿತ್ತೀರ್. ⁷ ಯೇಸ್ ಸ್ವಾಮಿ ನಿಂಗನೆ ಕರೆತರ ದೈವನ ಮಹಿಮೆಗಾಗಿ ನಿಂಗನ್ ಒಬ್ಬರ್ನೆ ಒಬ್ಬರ್ ಕರಿನ್. ⁸ ನಾನ್ ಹಾಳದ್ ಯಾನ ಅಂದಲೇ-ದೈವ ಅಪ್ಪಾಂದಿರ್ಗ್ ಆದ ದೈವನ ಮಾತ್ನ್ ಅರ್ತ್ತೋಡು ಅವರ್ನೆ ಸತ್ಯನ ದಾರಿನೆ ತೋರಾಲೇ [ಸುನೃತಿ ಅಂಬ]ಸಂಸ್ಕಾರಿಕೆ ವಳಗೆ ಆನ್ . ⁹ ದೈವನೆ ನಂಬದ ಜನ ದೈವನ ಕರ್ಣೆಗ್ ಅವರ್ನೆ ಮಹಿಮೆ ಹಾಳಲಕ ಇಂಗೆ ಹಾತ್ ಅಂದ್ ಹ್ ಳಿತ್ತಿನಿ.ಇದ್ ಸತ್ಯಪುಸ್ತಗಲ್ ಹಿಂಗೇ ಬರ್ದ್ರಾದ್ನೆ ನಡ್ದತ್.''ದೈವನೆ ನಂಬದ ಜನ ಮದ್ದೆಲ್ ನಾನ್ ನಿಂಗಗ್ ಕರಿತ್ತೀನಿ.ನಾನ್ ನಿನ್ನ ಯಸರ್ನ್ನೆ ಕರ್ದ್ ಹಾಡಿತ್ತೀನಿ,''ಅಂದ್ ಇದ್ದೆ. ¹⁰ ಒಂದು ಕಡೆ;''ದೈವನೆ ನಂಬದ ಜನ್ಹ'ದೈವನ ಮಕ್ಕವಂದಿಗೆ ಸೇರಿ ಸಂತೋಸ ಪಡ್ನ್'' ¹¹ ಇನ್ನೊಂದು ವರಗ್.ದೈವನೆ ನಂಬದ ಜ್ಹಾನ ಯಲ್ಲರ್ ಜೀಂವಾ ಕ್ವೋಟಾ ದೈವನೆ ಕರಿನ್,ಯಲ್ಲಾ ಜನ್ಹರ್ ಅವರ್ಗ್ ಸ್ತೋತ್ರಮಾಡಲಿ,''ಅಂದ್ ಬರ್ದದೆದೆ. ¹² ಪುನ;ಯೆಶಾಯ ಹಾಳದ್ ಯಾನ ಅಂಇಷಯನ ವಂಶಜನು ಒಬ್ಬನ್ ಬಂದ್ ಜನ್ಹನೆ ಆಳಿತ್ತೇನೆ.ದೈವನೆ ನಂಬದ ಜನ್ಹ ಅವನೆ ನಂಬಿತ್ತೇರೆ.'' ¹³ [ಹ್ ಟ್ರಾ ಯಿಂದ]ದೈವ ನಿಂಗ ಪವಿತ್ರಾತ್ಮನ ಶಕ್ತಿನಯಿಂದ ನಂಬಿಕೆಯಿಂದ [ವಳ್ಳೆದಾಗಿರಗೆ'ನಿಂಗನೆ ನಂಬಿಕೆಯಿಂದ ಬರ ಯಲ್ಲ ಸಂತೋಸ'ಸಮಾಧಾನಯಿಂದ ತುಂಬಲಿ. ¹⁴ ನನ್ನ ಅಣ್ಣ-ತಮ್ಮಂದಿರೆ ನಿಂಗ ವಳ್ಳೆ ತನಯಿಂದ ಬಾಳ್ತ್ಳ್ ದ್ರಾಯಿಂದ,ಒಬ್ಬರ್ಗ್-ಒಬ್ಬರ್ ಬುದ್ದಿ ಹಾಳಲೇ ಇದ್ದಿರಂದ್ ನಿಂಗ ಬಗ್ಗೆ ನನ್ನಗ್ ನಂಬಿಕೆ ಇದ್ದೆ. ¹⁵ ನಾನ್ ನಿಂಗಗ್ ಒಂದ್ ಮಾತ್ನೆ ಪುನ;ಹಾಳಲೇ ಬಾಳ ದೈರ್ಯಯಿಂದ ಹಿಂಗೇ ಬರ್ದ್ ದೀನಿ. ¹⁶ ದೈವನೆ ನಂಬದ ಜನ್ಹ ದೈವನ ಆತ್ಮಯಿಂದ ತ್ವೊಳ್ದ್ ದೈವಗ್ ಕಾಣಿಕೆ ಆಗಕಂದ್ ಕಾರಣಯಿಂದ ನಾನ್ ನಂಬದ ಜನ್ಹ್'ಗ್ ಕ್ರಿಸ್ತ್ ಯೇಸ್ನ ಆಳಾಗಿ ದೈವನ ಸುವಾರ್ತೆನೆ ಸಾರಲೇ ದೈವ ನನ್ನಗ್ ವರ ಕೊಟ್ಟುದೆದೆ. ¹⁷ ಅದ್ಗತ್ತಾ ಕ್ರಿಸ್ತ್ ಯೇಸಲ್ ದೈವನ ಸುದ್ದಿನೆ ಹಾಳಲೇ ನನ್ನಗ್ ಬಾಳ ಕಾರಣ ಇದ್ದೆ. ¹⁸ ಯೇಸ್ ಕ್ರಿಸ್ತ್ ದೈವನೆ ನಂಬದ ಜನ್ಹನೆ ತನ್ನ ವರಗ್ ಬರಲೇ ನನ್ನ ಮಾತ್ಯಿಂದ ಬಲಯಿಂದ ದೊಡ್ದಕಾರ್ಯನೆ'ಮಾಡಿದರ್ ಇದ್ನೆ ಬ್ ಟ್ಟ ಬೇರೆ ಯಾವ ವಿಷಯನೆ ಹಾಳಲೇ ನನಗ್ ದೈರ್ಯ ಕಾಣಿ. ¹⁹ ಯೆರೂಸಲೆಮಿ ಯಿಂದ ಇಂದ್ ಗಂಟ ನಾನ್ ದೈವನ ಸುದ್ದಿನೆ ವಳ್ಳೆದಾಗಿ ಸಾರಿದಿನಿ. ²⁰ ಇನ್ನೊಬ್ಬ ಸಾರಿದ ಜ್ಯಾಗಲ್ ನಾನ್ ಸಾರದಿಲ್ಲೆ.ಅದ್ಗತ್ತಾ ಕ್ರಿಸ್ತ್ ಯೇಸ್ನ ಯಸರ್ ಗೊತ್ತು ಆಗದವರ್ ಹೋಗಿ ಸುವಾರ್ತೆನೆ ಸಾರಕ್ ಅಂಬದ್ ನನ್ನ ಆಸೆ ಆಗಿದೆದೆ. ²¹ ''ಯಾರ್ಗ್ ಅವರ್ ಸುದ್ದಿ ಗೊತ್ತುಕಾಣಿ ಅವರ್ ಅವರ್ನೆ ನೋಡಿತ್ತೇರೆ;ಯಾರ ಅವರ್ನೆ ಕ್ ಳಿರದಿಲ್ಲೆ ಅವರ್ ಕ್ ಳಿತ್ತೆರೆ,''ಅಂಬದ್ ಸತ್ಯಪುಸ್ತಗಲ್ ಬರದ್ದ್ರತರ ನನ್ನ ಕಾರ್ಯನೆ ಮಾಡಿದಿನಿ. ²² ಈ ಕಾರಣಯಿಂದವೇ ನಾನ್ ನಿಂಗ ತನಗ್ ಬರಲೇ ಸುಮಾರ್ ಸಲ ಬರಕಂದ್ ಇದ್ದಾದ್ ಬರಲೇ ಆತ್ಲೆ ²³ ಅಂದಲೇ ಈಗ ಸೀಮೆಲ್ ನಾನ್ ಮಾಡಕಂದ್ ಇದ್ದ ಸೇವೆನೆ ತಿರ್ಸಿದೀನಿ,ಸುಮಾರ್ ವರ್ಷಯಿಂದ ನಿಂಗ ತನಗ್ ಬರಕಂದ್ ಇದ್ದ ನನ್ನ ಆಸೆ ಈಗ ಬಂದದೆದೆ. ²⁴ ನಾನ್ ಸ್ಪೇಯಿನ್ ದೇಶಗ್ ವಾಗ ದಾರಿಲ್ ಮುಂಚೆ ನಿಂಗನೆ ನ್ವೋಡ ಕಂಡ್ ಇದ್ದೀನಿ.ಸ್ವಲ್ಪ ಜೀನ ನಿಂಗವಂದಿಗೆ ಸಂತೋಸಯಿಂದ ಇದ್ದ್ ಇಂದೇ ನಿಂಗೆ ಸಹಾಯಯಿಂದ ಆ ದೇಶಗ್ ಹೋತ್ತಿನಿ. ²⁵ ಸದ್ಯಗ್ ನಾನ್ ಜೆರುಸಲೆಮಿಲ್ ಇರ ದೈವನ ಮಕ್ಕಗ್ ಸಹಾಯ ಮಾಡಲೇ ಹೋತ್ತಿನಿ. ²⁶ ಅಲ್ಲಿನ ದೈವ ಮಕ್ಕಲ್ ಬಡವರ್ ಆಗಿರವರ್ಗ್ ಸಹಾಯ-ಮಾಡಲೇ ಮಕೆದೋನಿಯ ಇಂದೇ ಅಖಾಯದ ಅಣ್ಣ-ತಮ್ಮಂದಿರ್ ಇದ್ದೆರೆ. ²⁷ ಅವರ್ ಸ್ವಂತ ಮನ್ಸಯಿಂದವೇ ಸಹಾಯ ಮಾಡಲೇ ಬಂದದೇರೆ ಹಿಂಗೇ ಮಾಡದ್ ಯಿಂದ ಅವರ್ಗ್ ಕಾರ್ಯ ಆಗಿದೆದೆ ಯಾನ್ಗ್ ಅಂದಲೇ ಯೆಹೋದ್ಯರ [ಆಧ್ಯಾತ್ಮಿಕ]ಸಂಪತ್ಲ್ ಪಾಲ್ ಆಗಿರ ನಂಬದ ಜಾನ್ಹ ತಂಗ[ಪಹಿಕ ಸಂಪತ್ಲ್]ಅವರ್ಗ್ ಪಾಲ್ ಕ್ವೋಡಲೇ ಇದ್ದೆರೆ. ²⁸ ದೈವ ಮಕ್ಕಗ್ ಸೇರ್ಸಿ ಇರ್ಸಿರಾ ದುಡ್ದುನೆ ಅವರ್ಗ್ ಕೊಟ್ಟಾಗಳಿಗೆ ನನ್ನ ಈ ಕಾರ್ಯನೆ ತೀರ್ಸಿ ಸ್ಪೇಯಿನ್ ದೇಶಗ್ ವಾಗಗ ನಿಂಗ ತಣಗ್ ಬರ್ತಿನಿ. ²⁹ ನಾನ್ ನಿಂಗ ತಣಗ್ ಬರಗ ದೈವನ ಆರ್ಶೀವಾದ ತುಂಬಿದವ ಆಗಿ ಬರಿತ್ತಿನಂದ್ ಗೊತ್ತು, ³⁰ ಅಣ್ಣ-ತಮ್ಮದಿರೇ,ನಂಗ ದೈವ ಆಗಿರ ಯೇಸ್ ಸ್ವಾಮಿಯಿಂದ ಪವಿತ್ರಾತ್ಮನ ಇಷ್ಟಯಿಂದ ನಾನ್ ಕಾಳದ್ ಯಾನಂದರೆ ನನ್ನಗಾಗಿ ದೈವಲ್ ಪ್ರಾರ್ಥನೆ ಮಾಡಿ ನನ್ನಗ್ ಕೈ ಗೋಡ್ಸುನ್. ³¹ ಜುದೇಯಲ್ ಇರ ದೈವನೆ ನಂಬದ ಜನ್ಹ ಯಿಂದ ನಾನ್ ಸಣ್ಣದಾಗಿ ಪ್ರಾರ್ಥನೆ ಮಾಡ್ನ್ ಜೆರುಸಲೇಮಿನ ದೈವ ಮಕ್ಕ ನನ್ನ ಸೇವೆನೆ ಸಂತೋಸ'ಯಿಂದ ಕ್ ಳಿಲಿ ಅಂದ್ ಪ್ರಾರ್ಥನೆ ಮಾಡ್ನ್ . ³² ಆಗ ನಾ ದೈವನ ಕೃಪೆಯಿಂದ ನಿಂಗ ತಣಗ್ ಸಂತೋಸ'ಯಿಂದ ಬಂದ್ ನಿಂಗ ಜ್ಯಾಗಲ್ ಇರಾಕ್. ³³ ಸಮಾಧಾನಯಿಂದ ಇರ ದೈವ ನಿಂಗಂ ಯೆಲ್ಲಾರ್ ವಂದಿಗೆ ಇರಲಿ ಆಮೆನ್.