¹ Thapelo ya ga moporofeta Habakuke: ² Modimo Yawe, ke utlwile pego ya gago, ebile ke tshogile.Modimo Yawe, tsosolosa tiro ya gago mo gare ga dinako tse; mo gare ga dinako tse dira gore e itsagale; gakologelwa go nna le kutlwelobotlhoko mo gare ga tshakgalo ya gago. ³ Modimo o tlile a tswa Temana, le Yo o Boitshepo go tswa Thabeng ya Parana. Sela. Kgalalelo ya gagwe e ne e apesitse magodimo, le lefatshe le ne le tletse ka kgalaletso ya gagwe. ⁴ Marang a mabedi a letsogo la gagwe a ne a galalela jaaka legadima, kwa nonofo ya gagwe e neng e fitlhegileng teng. ⁵ Bolwetse jo bo maswe jwa tla fa pele ga gagwe, le petso ya tla fa morago ga dinao tsa gagwe. ⁶ O ne a ema a lekanya lefatshe; a leba mme a tshikinya ditshaba. Le tsone dithaba tsa sennela ruri tsa sugakana, le dithabana tsa sennela ruri tsa obama. Mmila wa gagwe ke wa bosakhutleng. ⁷ Ke bone ditante tsa Kushana di le mo kutlobotlhokong, le matsela a ditante mo lefatsheng la Mediana di roroma. ⁸ A Modimo Yawe o ne a galefetse dinoka? A tshakgalo ya gago e ne e le kgatlhanong le dinoka, kana kgatlhanong le lewatle, fa o pagame dipitse tsa gago le dikoloi tsa gago tsa phenyo? ⁹ O ne wa ntsha thebe ya gago e sena kapesa; o beile metswi mo thebeng ya gago! Sela. O kgaogantse lefatshe le dinoka. ¹⁰ Dithaba di go bone mme tsa roroma ka kutlobotlhoko. Metsi a a tshologelang ko tlase a feta ka tsone; lewatle le le ko teng la tsholetsa modumo. La tsholetsa makhubu a lone. ¹¹ Letsatsi le ngwedi tsa ema di sa tshikinyege kwa godimo mo leseding la metswi ya gago mme tsa fofa, mo phatsimong ya segai sa gago. ¹² O tsamaile mo godimo ga lefatshe ka bogale. Mo tshakgalong o sentse ditshaba. ¹³ O tswetse ko ntle ka poloko ya batho ba gago, ka lebaka la poloko ya motlodiwa wa gago. O kgaola tlhogo ya ntlo ya baikepi go supa tshimologo ya molala. Sela. ¹⁴ O tlhabile tlhogo ya batlhabani ba gagwe ka metswi ya gagwe hela jaaka ba ne ba tlile jaaka legadima go tla go re phatlalatsa, maikgantsho a bone a tshwana le a motho a kometsa motlhoki mo lefelong le le iphitlhileng. ¹⁵ O raletse lewatle ka dipitse tsa gago, mme wa kgobokanya metsi a magolo. ¹⁶ Ke utlwile,mme dikarolo tsa me tse di ko teng tsa roroma! molomo wa me wa dira modumo. Go bola go tla mo marapong a me, le ka fa tlase game ka thoromako jaaka ke emetse ka tidimalo go tla ga batho ba ba re tlhaselang. ¹⁷ Le fa setlhare sa mofeige se sa tswe makwati gape se sa ungwe go tswa mofineng; le fa go ntsha maungo ga setlhare sa motlhware go le ko tlase ditshimo le tsone ga di ntshe dijo; le go akanya gore letsomane le kgaotswe mo lesakeng le gore ga gona dikgomo mo merakeng, se ke se ketla se dirang. ¹⁸ Le fa go ntse jalo, ke tla a ipela mo go Modimo Yawe. Ke tlaa itumela ka lebaka la Modimo wa poloko yame. ¹⁹ Morena Yawe ke nonofo yame e bile o dira dikgato tsame jaaka tsa phuduhudu. O dira gore ke tsamaele ko pele mo mafelong a me a a ko godimo.-Go moopedi mogolo, mo mathaleng a dikatara tsame.