¹ Ke tla palamelela ko ntlong e e ko godimo ya bolebeledi ko ke tla nnang teng ke lebeletse ka thata go utlwa se a tla se mpolelelang le gore aa ke tla tlogela go ngongorega game. ² Modimo Yawe a nkaraba are, "o kwale ponatsego e, o kwale go bonala mo matlepeng gore yo o balang a taboge ka yone. ³ Ka gore ponatshego e keya nako e e tlang, mme ko pheletsong e tla bua a bo e diragala. Le fa e ka diega, o e emele. Ka gore e tla tla, mme ga e kake ya diega. ⁴ Bonang! Bao ba dikeletso tse di sa siamang baa ikgogomosa. Mme basiami ba tlaa tshela ka tumelo ya gagwe. ⁵ Ka gore mofine o latlhisa mokawana yo o mabela tsela gore a seka a nna le kutlo, mme o godisa keletso ya gagwe jaaka lebitla le leso, ga e kgotsofale. O ikgobokanyetsa ditshaba tsotlhe kabo ene abo a ikgobokanyetsa batho botlhe. ⁶ A tse tsotlhe ga dina go baka dikgang tsa go mo sotlaka le go opela dipina tsa tshotlo ka ga ene, ba re, " Go matlhabisa ditlhong go yo o oketsang se e seng sa gagwe. O ya go tsaya lebaka le le kae o ntse o ikgagapelela se eseng sa lona. ⁷ A bao ba ba le lomang ba tla seke ba tsholediwe ka bonako, le ba ba le tshosang ba tsosiwe? o tlaa nna motswasetlhabelo wa bone. ⁸ Ka gore o setse o utswetse batho ba le bantsi, botlhe ba ba tshelang ba tla go utswela. Ka gore o tsholotse madi a batho abo o kgokgontsha lefatshe, le ditoropo, le botlhe ba ba nnang mo go lone. ⁹ Go matlhabisa ditlhong mo go bone ba ba agang matlo ka madi a a sa itshekang, gore atle a age ntlo ya gagwe ko godimo ko e sireletsegileng teng. ¹⁰ O tlisitse matlhabisa ditlhong mo ntlong ya gago ka gore o gatakile ba bangwe gape o iphutsitse. ¹¹ Matlapa a lebotana atlaa goeletsa mme le ditlhomeso di tlaa araba. ¹² Go matlhabisa ditlhong mo go bao ba agang motse ka tshololo ya madi, le bao ba ba agileng toropo ka madi a tsietso. ¹³ A gago tswe mo go Modimo Yawe wa masomosomo gore ba a aga mme go tla nyelediwa ke molelo, le ditshaba tse dingwe di tla bo di berekela lefela? ¹⁴ Mme lefatshe le tla bo le tladitswe ka kitso ya kgalalelo ya Modimo Yawe jaaka metsi a apesa lewatle. ¹⁵ Go matlhabisa ditlhong mo go bao ba ba nosang baagisanyi ba bone, lona ba le tsenyang botlhole go fitlhelela ba tagiwa gore le tle le bone go sa ikategang ga bone. ¹⁶ Le tla tlhabisiwa ditlhong tse di tseneletseng go nale tshegofatso. Le tla e nwa le lona, le bo le supa gosaikategang ga gago. Kopi ya ga Modimo Yawe ya letsogo le legolo e tla boela ko go wena, mme matlhabisaditlhong a gago a tlaa feta tlotlo ya gago. ¹⁷ Kgokgontsho e e diragetseng ko Lebanone etla go tlatsa kutlobotlhoko mme go tshenyo ya diphologolo e tla go tshosa. Gonne o dirile tshololo ya madi gape o kgokgontshitse lefatshe, ditoropo le botlhe ba ba nnang mo go tsone. ¹⁸ Medingwana ya lona ya disetwa ele tswela mosola kaeng? Ka yo o e bopileng, kana yo o dirileng a dirisa tshipi, ke morutabana wa maaka; ka o tshepha tiro ya matsogo a gagwe fa a dira medingwana ya disetwa e e sa bueng. ¹⁹ Go matlhabisa ditlhong mo go bao ba ba rayang dikgong bare, tsoga! kana mo letlapeng, Emelela! A dilo tse dia ruta? Bonang, ka di apesitswe ka selefera le gauta, mme gagona botshelo mo go tsone. ²⁰ Mme Modimo Yawe o mo Tempele ya gagwe e e boitshepo! Le didimaleng fa pele ga gagwe , lefatshe lotlhe."