¹ Utlwa lefoko le Modimo Yahwee a le buileng kgatlhanong le wena ; batho ba Iseraele, kgatlhanong le lelwapa lotlhe le ke le ntshitseng ko lefatsheng la Egepeto, '' ² Ke ikgethetse wena fela mo malwapeng otlhe a lefatshe. Jalo ke tsile gole otlhaela maleo otlhe a lona.'' ³ A bobedi bo ka tsamaya mmogo fa e se fela fa ba dumalane? ⁴ A tau eka duma mo sekgweng e sa tshwara sengwe? A tau e nnye e ka kgorotlha mo bonnong jwa yone e sa tshwara sepe? ⁵ A nonyane e ka wela mo selageng go sena sepe se e se okang se e se beetsweng? A selaga se ka tlola sa ikopela gotswa mo mmung se sa tshwara sepe? ⁶ Lonaka lo ka gelebetega mo toropong mme batho ba se ka ba tshoga ? A sebetso se ka tla mo toropong Modimo Yawee a sa se romela? ⁷ Ammaaruri Morena Yawee ga a kitla a dira sepe ntleng le gore a ba a senoletse batlhanka ba gagwe, baporofiti lenaneo la gagwe. ⁸ Tau e rorile; ke mang yo o tla sekeng a boife? Morena Yawee o buile; ke mang yo o tla sekeng a porofiti? ⁹ Bua se phatlalatsa mo dikagong tse di thata tsa Ashetota, le mo dikagong tse di thata tse di mo lefatsheng la Egepeto; o re, ''Kgobokanang mo dithabeng tsa Samarea mme le bone tlhakatlhakano e kgolo e e mo go ene, le kgatelelo e e mo go ene. ¹⁰ Gonne ga ba itse go dira se se siameng- se ke puo ya ga Modimo Yawee- Ba ikokotleletsa dintwa le tshenyego mo dikagong tsa bone tse di thata.'' ¹¹ Jalo he, se ke se Modimo Yawee a se buang, ''Mmaba o tla dikaganyetsa lefatshe. O tla digela fatshe dikago tsa lona tse di thata a bo a thukhutha dikago tsa lona tse di thata.'' ¹² Se ke se Modimo Yawee a se buang, ''Fela jaaka modisa a falotsa maoto a mabedi fela mo leganog la tau, kana ka karolwana ya tsebe, ka tsela e e ntseng jalo batho ba Isaraele ba ba nnang kwa Samaria ba tla namolwa, fela ka ntlhana ya setilo kana ka ntlhana ya bolao.'' ¹³ Utlwang mme le pakele ba ntlo ya ga Jakobe- se ke se se buiwang ke Modimo Yawee, wa masomosomo, ¹⁴ ''Gonne ka letsatsi le ke tla otlhayang maleo a Iseraele, ke tla atlhola gape dialetara tsa Bethele. Dinaka tsa aletara di tla kgaolwa di bo di wela fa fatshe. ¹⁵ Ke tla senya ntlo ya mariga ka ntlo ya selemo. Matlo a magolo a a kgabisitsweng a tla nyelela le matlo a magolo a tla nyelela, - se ke puo ya ga Modimo Yawee''.