3
1
.ನು ವಾತ್ ಚಾತ್ ಅಂಕೆಕ್ಲೆ , ಸಹೋದರರಾವ್ , ಹಮರ್ ವೋಲ್ತಿ ಪ್ರಾರ್ಥನೆ ಕರೋ .ಕರ್ತೋನು ವಾಕ್ಯಂ ತಮರುಮೆ ಹಬ್ಬೇಲು ಪ್ರಾಕಾರಂ ಚಾಚಾಬೀ ಬಜ್ಜಿ ಹಬ್ಬಿನೇಪ್ರಖ್ಯಾತಿ ಹೊಂದೆಮ್ ಬೀ .
2
.ದೇವ್ ಹಮ್ನೆ ಮೂರ್ಖರ್ ಥೈಲಾ ದುಸ್ಟಲೋಕ್ನು ಹಾತ್ತಿ ತಪ್ಪಿಸೆಮ್ಬೀ ಪ್ರಾರ್ಥಿಸೋ ;ಹನ್ದನ್ಮೆಬೀ ಕ್ರಿಸ್ತೋನು ನಂಬಿಕೆ ಕೈಮರ್ನಿ .
3
.ಕರ್ತೋ ನಂಬಿಗಸ್ತೋ;ಎ ತಮ್ನೆ ದೃಡ ಪಡಿಸಿನೆ ಕೆಡುಕೊನು ಹಾತ್ಮೆದಡೆನಾಂ ಕಾಪಾಡೇ.
4
.ಆಜ್ನಾಪಿಸ್ಯೆತೆ ಪ್ರಾಕಾರಂ ತಮೆ ಕರೋಕಿನೆಬೀ ಮೊಗ್ಗರ್ಬೀ ಕರೋಕಿನೆಬೀ ತಮರು ವಿಷಯಮ್ಮೆ ಕರ್ತೋನು ಮೂಲಕಂ ಹಮ್ನೆ ಭರವಸಂ ಸೇ .
5
.ದೆವ್ನು ಪ್ರಿತಿಮೆಬೀ ಕ್ರಿಸ್ತೋನು ತಾಳ್ಮೆಮೆಬೀ ಭೆರಾಯಂ ಕರ್ತೋದ್ ತಮ್ನೆ ಸಲವೋದೆ .
6
.ಸಹೋದರಾರಾವ್ ,ಹಮೆತೀ ಹೊಂದೆಲು ಬೊಧನೆ ಅನುಸರೀಸೆನಾಂ ಅಕ್ರಮಮ್ತಿ ಸಾಲೆತೆ ಪ್ರತಿ ಸಹೋದರನೆ ತಮೆ ದೂರ್ಥೈಲ ರ್ಹೆವೋನು ಕಿನೇಹಮರು ಕರ್ತೋ ಥೈಲೋ ಯೇಸು ಕ್ರಿಸ್ತೋನು ನಾಮ್ಮೆ ತಮ್ನೆ ಆಜ್ಞಾಪಿಸ್ಯೆ.
7
.ಹಮ್ನೆ ಅನುಸರಿಸೀನೇಕಂ ಸಾಲೋನುಕಿನೇ ತಮೆದ್ ಮಾಲಂ ಕರ್ಲಿದೆಲಾ ಸೇವ್ ;ಹಮೇ ತಮರುಮೆ ಅಕ್ರಮಂ ಥೈನೆ ಸಾಲ್ಯಾತಿನಿ;
8
.ಹಮೇ ಪೈಸಾ ನಾ ಅಲೆಮ್ ಚಿನು ಫಾಯ್ಬೀ ಖವ್ನು ಖಾದಾತಿನಿ;
ತಮರುಮೆ ಎಕ್ಲುನೆಬೀ ಭಾರ್ಥಾವೊನ್ ನೋಯ್ಕಿನೆ ದಿನ್ರಾತ್ಕಸ್ಟಮ್ ತಿಬೀ ಪ್ರಾಯಾಸಂತಿಬೀ ಸಪ್ಡಾವಿನೇ ಜೀವನಂ ಕರ್ಲಿದಾ .
9
.ತಮರುತೀ ಪೋಷಣೆ ಹೊಂದೊನೆ ಹಮ್ನೆ ಹಕ್ ಕೈಮರ್ಕಿನೇ ತಮ್ನೆ ಅಮ್ ಕರ್ಯಾತಿ ,ತಮೆ ಹಮ್ನೆ ಅನುಸರಿಸೋನು ವಲ್ತಿದ್ ತಮ್ನೆ ಮಾದರಿಥೈನೆ ರಿದ್ಯೇ ಕಿನೆದ್ ಅಮ್ ಕರ್ಯಾ.
10
.ನೋಯ್ತೆ ಹಮೇ ತಮರು ಫಾಯ್ ವುತ್ತಾತಗ್ಡೆ - ಕಾಂ ನಾ ಕರ್ನಾರೋ ಖೌನು ಖಾವೊನ್ ನೋಯ್ ಕಿನೆ ಆಜ್ಞಾ ಪಿಸೆಲಾ ಸಿದ್ಯೇ ಅಕ್ಲುದ್ .
11
.ತಮರುಮೆ ತೋಡ ಭಾಂಡು ಚು ಕಾಮ್ಬೀ ಕರೆನಾಂ ಬಿಸ್ರಾವ್ ನು ಕಾಮ್ಮೆ ಮಾತ್ರಂ ಮುಡ್ಡಿ ಘಾಲಿನೆ ಅಕ್ರಮಂ ತೀ ಸಾಲೆ ಕಿನೆ ವಾರ್ತಾ ಮಾನಂ ಹಂದೆಲಾ ಸಿದ್ಯೇ.
12
.ಅವ ಥಾಯ್ಲ ಇವ್ನು ಕಾಂ ದೊತಾನೆ ಎದ್ ಸಂಪಾದಿಸೇಲುಮೇ ಖೌನು ಖಾವೋನು ಕಿನೇ ಕರ್ತೋ ಥೈಲೋ ಯೇಸು ಕ್ರಿಸ್ತೋನುಮೆ ಹಮೇ ಆಜ್ಞಾಪಿಸಿನೆ ಪ್ರಬೋಧಿಸ್ಯೆ .
13
.ತಮೆತೆಬೀ ಅಸ್ಸಲ್ ಕರೋನುಮೆ ಭೆಸರ ಗೋಳ್ಮೋ.
14
.ಆ ಪತ್ರಿಕೆನು ಮುಲಕಂ ಥೈನೆ ಕಿದೆಲಾ ಸಿದ್ಯೇತೇ ಹಮರು ವಾತ್ನೆ ಚುನ್ತೆಬೀ ಮ್ಹೆಥಾಯ್ಲೋರ್ಹೆಕ್ಲೆ ಇನು ದೊಡೆ ಗುರುತ್ ಮ್ಹೆಲ್ಲಿನೆ ಇನೇ ಸಿವ್ಡೋತಾಯಂ ಇನು ಸಹವಾಸಂ ಮೇ ಭೆರಾಮೊವ್.
15
.ತೆಬೀ ವೈರೀಕಿನೆ ಗನೆನಾಂ ಸಹೋದರೋ ಕಿನೆ ಗನಿಲಿನೆ ಬುದ್ದಿ ಕೇವ್ .
16
.ಶಾಂತಿ ದಾಯಕೋ ಥೈಲೋ ಕರ್ತೋ ಎದ್ ಸದಾಕಾಲಮ್ಮೆಬೀ ಸಕಲ ವಿದಂ ಮೆಬೀ ತಮ್ನೆ ಶಾಂತಿ ದಯಪಲಿಸೋದೆ
17
.ಕರ್ತೋ ತಮರ್ ಹಂದಾನು ದೊಡೆ ರ್ಹೆವೋದೆ .
.ಪೌಲ್ ಅಂಕೆತೆ ಹು ಸ್ವಂತಮ್ನು ಹಾತ್ತಿ ವಂದನೆ ಲಚ್ಚೆಲೋ ಸೇಮ್; ಹಂದಾ ಪತ್ರಿಕೆಮೆಬೀ ಆದ್ ಗುರ್ತ್; ಅಮ್ಮದ್ ಮಾರು ಹಾತ್ನು ಬರಹಂ .
18
.ಹಮರು ಕರ್ತೋ ಥೈಲೋ ಯೇಸು ಕ್ರಿಸ್ತೋನು ಕೃಪೆ ತಮರ್ ಹಂದಾನ್ ದೊಡೆ ರ್ಹೆವೋದೆ .