2 ¹ .ಹಮರು ಕರ್ತೊಥೈಲೋ ಯೇಸು ಕ್ರಿಸ್ತೋನು ಪ್ರತ್ಯಕ್ಷಂ ನು ವಿಷಯಂ ತಿಬೀ ಹಮೇ ಇನು ಫಾಯ್ ಭೇರಾವೊನು ವಿಷಯಂ ತಿಬೀ ತಮ್ನೆ ಬೇಡಿಲೆಮ್ತೆ ಚಾತ್ ಅಂಕೆಕ್ಲೆ- . ² .ಕರ್ತೊನುದೀನ್ ಹಮ್ನಾದ್ ಫಾಯ್ ಚುಕೀನೆ ದೇವಾರಾತ್ಮ ಪ್ರೆರಿತಂ ಥೈಲುನುಡಿ ಚಾಗ್ಡೆ ಥಾವೋದೆ ಪೌಲೋ ಕಿದೊಕಿನೆ ಥಾವೋದೆ ಪೌಲ್ ಅಮ್ ಲಚ್ಚೋಕಿನೆ ಥಾವೋದೆ ಚುತೆಬೀ ಕೆತೆಬೀ ತಮೆ ಬುದ್ದಿಗೆಟ್ಟಿನೇ ಕಳವಳಮ್ತಿ ನಮ್ಬೊಮೋ . ³ .ಚು ವಿದಮ್ಮೆಬೀ ಮೋಸಂ ಕರೆನಾಂ ದುಯ್ಲೇವ್ ;ಚಾತ್ನೆ ಅಂಕೆಕ್ಲೆ ಪಸ್ಟ್ಮತಭ್ರಸ್ಟತೆ ಸೃಷ್ಟಿ ಥೈನೆ ಅದರ್ಮೋ ಸ್ವರುಪೋ ಬೈಲ್ನೆ ಆವೇಲು ಹೊರ್ತ್ ಎ ದೀನ್ ಆವ್ತುತಿ . ⁴ .ದೆವ್ಕೀನೆ ಕೆವ್ರಾವಿಲೆಕೀ ಚು ಪುಂದಾ ಕರಾವಿಲೆಕೀ ಎ ಹಂದು ನಾಶನಮ್ನೆ ಅದಿನಂ ಥೈಲೋ ಮಾನ್ವಿ ಎದುರಿಸಿನೇ ಏತ್ತಿ ಮೇಲ್ ಥೈನೇ ಎದ್ ಹೆಚ್ಚೀಸಿಲಿನೆ ಎ ದೆವ್ಕೀನೆ ಕೀಲಿನೆ ದೆವ್ನು ಗರ್ಭಗುಡಿಮೆದ್ ಬೇಸೇ. ⁵ .ತಮಾರ್ ಫಾಯ್ ಉತ್ತೋತಗ್ಡೆ ಆ ಸಂಗತಿ ಹಂದು ಕಿದೇಲು ಹದ್ದನ್ ಕೈಮರ್ಕೀ. ⁶ .ನೋಯ್ತೆ ಎ ಮಾನ್ವಿ ನೆಮಕಂ ಥೈಲು ಟೈಮ್ಮೆದ್ಹೊರ್ತ್ ಬೈಲ್ನೆ ಆವೊನೆ ಚಾತ್ ಅಡ್ಡಿ ಕರೆಕೀ ಎ ತಮ್ನೆ ಮಾಲಮದ್ ಸೇ . ⁷ .ಅದರ್ಮಂ ಹಮ್ನಾಬೀ ಗುಪ್ತಂ ಥೈನೆ ಇನು ಕಾರ್ಯಂ ಸಾದಿಸೇ;ತೇ ಹದ್ದುತೋಡಿ ಅಡ್ಡಿ ಕರ್ನಾರೋ ಕಾಡೀನಾಖೆತೋಡಿ ಎ ಗುಪ್ತಂ ಥೈನೆದ್ ರೇ. ⁸ .ಕಾಡಯ್ನೆ ಚಿದಾಯ್ನತೋದ್ ಎ ಅಧರ್ಮೋ ಸ್ವರುಪೋ ದಖಾಯ್ ; ಇನೇ ಯೇಸು ಕ್ರಿಸ್ತೋ ಇನು ಮ್ಹೊನು ಉಸಿರ್ತೀ ಮಾರೇ,ಇನು ಪ್ರತ್ಯಕ್ಷತೆನು ಪ್ರಕಾಶಮ್ತಿ ಸಂಹರಿಸೇ. ⁹ .ಎ ಅಧರ್ಮೋ ಸ್ವರುಪಮ್ನು ಪ್ರತ್ಯಕ್ಷಂ ಸೈತಾನ್ನು ಮಾಟಮ್ನೇ ಅನುಗುಣಂ ಥೈಲುರೆ . ಎ ಮೋಸಂ ಕರೇತೆ ಸಕಲಂ ನು ಮಹತ್ಕಾರ್ಯಂ ಸೂಚಕಕಾರ್ಯಂ ಅಧ್ಬುತ ಕಾರ್ಯಂ ಆತ್ತಿಬೀ ದುರ್ನಿತಿನು ಹಂದಾ ವನ್ಚನೆತಿಬೀ ಭೆರಯ್ನೆ ನಾಶನಂ ನು ವಾಟ್ಮೆ ಸೇತಿವ್ಯನು ಹಂದಾನೋಲ್ತಿಬೀ ಸಂಬವಿಸೆ . ¹⁰ .ಎ ಸತ್ಯಂ ನು ಉಪ್ಪರ್ಪ್ರೀತಿ ನಾ ಮ್ಹೆಲೆತೆ ಕಾರ್ನಮ್ತಿ ರಕ್ಷಣೆ ಹೊಂದೆನಾಂ ನಾಶಂ ಥಾಯ್ . .ಕಾಡಯ್ನೆ ಚಿದಾಯ್ನತೋದ್ ಎ ಅಧರ್ಮೋ ಸ್ವರುಪೋ ದಖಾಯ್ ; ಇನೇ ಯೇಸು ಕ್ರಿಸ್ತೋ ಇನು ಮ್ಹೊನು ಉಸಿರ್ತೀ ಮಾರೇ,ಇನು ಪ್ರತ್ಯಕ್ಷತೆನು ಪ್ರಕಾಶಮ್ತಿ ಸಂಹರಿಸೇ. ¹¹ .ಕಾರ್ನಮ್ತಿ ದೇವ್ ಅಸತ್ಯಂ ನಡ್ಸೆತೆ ಭ್ರಮೇನೆ ಇವ್ನು ಫಾಯ್ ಮೊಕ್ಲಿನೆ ಎ ದುಟ್ಟು ನಮ್ಬವನೆ ಇವ್ನು ಫಾಯ್ ಮ್ಹೇಲೆ . ¹² .ಸತ್ಯಂ ನಮ್ಬೇನಾಂ ಅನಿತಿಮೆ ಆನಂದಂ ಕರ್ನಾರಾ ಹಂದಾಬೀ ಆ ಪ್ರಕಾರಂ ನ್ಯಾಯ ತಿರ್ಪ್ನೆ ಮ್ಹೆಥಾಯ್ . ¹³ .ಪ್ರಿಯರ್ ಥಾಯ್ಲ ಸಹೋದರರಾವ್ ,ತಮೆ ಪವಿತ್ರತ್ಮೊತಿ ಶುದ್ದಿಕರೆಲಸೆವ್ತೆ ಸತ್ಯಮ್ನು ಉಪ್ಪರ್ ನಂಬಿಕೆ ಮ್ಹೆಲಿನೆ ರಕ್ಷಣೆ ಹೊಂದೊನ್ ವಲ್ತಿ ದೇವ್ ತಮ್ನೆ ಆದಿತಿ ಆರ್ಸಿಲಿದೊತಾರ್ ಹಮೇ ತಮರು ವಿಷಯಂ ಮೇ ಚಾಗ್ಡೆಬೀ ದೇವ್ನೆ ಕೃತಜ್ಞತ ಸ್ತುತಿಕರೋನೆ ಬದ್ದರ್ ಥಾಯ್ಲಾ ಸಿದ್ಯೇ . ¹⁴ .ತಮೆ ಅಮ್ಮದ್ ರಕ್ಷಿಸಲ್ ಪಡಿನೇಹಮರು ಕರ್ತೋ ಥೈಲೋಯೇಸು ಕ್ರಿಸ್ತೋನು ಪ್ರಾಭಾವಂ ಸಪ್ಡಾವಿಲೆವೊನುಕಿನೆ ದೇವ್ ಹಮರು ಸುವಾರ್ತೆನು ಮೂಲಕಂ ಥೈನೆ ತಮ್ನೆ ಬಲಾಯೋ . ¹⁵ .ಅಮ್ ಸೇ ತಾರ್ ಸಹೋದರರಾವ್ ,ದೃಡಂ ಥೈನೆ ಉಬ್ಬಾರೆವ್ .ಹಮೇ ವಾತ್ತಿ ಥಾವೋದೆ ಪತ್ರಿಕೆತೀ ಥಾವೋದೆ ತಮ್ನೆ ಮಾಲಂ ಕರೇಲುಭೋಧನೆ ತಮೆ ಬದ್ರಂತೀ ಹೈಲಿದೆಲಾರೇವ್. ¹⁶ .ವುರೀ ಹಮ್ನೆಪ್ರಿತಿಸಿನೇ ಹಮ್ನೆ ನಿತ್ಯಂ ಥೈಲು ಆದರಣೆ ಉತ್ತಮಂ ಥೈಲು ನಿರೀಕ್ಷೆ ಕ್ರುಪೆತೀ ಅನುಗ್ರಹಿಸೇಲು ಹಮರು ಬಾಪ್ ಥೈಲೋ ದೇವ್ ಹಮರು ಕರ್ತೋ ಥೈಲೋ ಯೇಸು ಕ್ರಿಸ್ತೋ ತಮರ್ ಹೃದಯಂ . ¹⁷ ಸಂತೈಸಿನೇ ಸಕಲ ಸತ್ಕಾರ್ಯಮ್ಮೆಬೀ ಸದ್ವಾಕ್ಯಮ್ಮೆಬೀ ದೃಡಪದೀಸೋದೆ.