लिउ ५ 6
1
ती ङिन्ला टाबातिबा फेलिन् गाल्सुङ् । ग्रिक ताम् लापुप् यहुदितिबिकि हिब्रु तिबि खाला लानि मुताम् देन्दुप् स्युसुङ्, च्यिले सिसिन् तिबि पार्ने युसिम्तिबाला ङिमिटाङ्गि साप्च्ये गोतुप्ला याते मिक्यिनक् ।
2
लोमा च्यिङ्ङिकि टाबा तिबाला काताङ्नि "सा्च्ये-थुङ्ज्ये गोतुप् लाकाला ङिराङ् येँ देतुप्ला ङिरेकि कन्ज्यक्कि सुङ्ला मोकोचिम् क्यिरुप ती लेमु मीन् ।
3
तिकि क्यिसाला उज्युनुप्तिबो, खिरे पार्नेसुर मि मेरा दिन्ला दोम् । तिबा ती तेर्कि ङो स्येबु, रिक्पा ताङ् थु चेङिकि क्येङ्गुप् वस्यि । तेमे तिबाला ङिरेकि दि लाका ह्रे थुप्स्यि ।
4
ङिरे कला सि गोसिन्, ङिराङ् दि नाम्लाङ् मोपोर ताङ् सुङ्कि लाकाला येक्यित ।" सिनि सिक्यासुङ् ।
5
तिबि ताम् दि मिछक् तेर्ला सेम्ला गाल्सुङ् । तिकि क्यिसाला तिबिकि मोबा ताङ् थु चेङिकि क्येङ्गुप् स्तिफनस्, प्रखरस्, निकनोर, तिमोन, पर्मिनास ताङ् एन्टिओखियाकि यहुदिला इमा क्यिरुप् निकोलाउसला दाम्सुङ् ।
6
कन्ज्यक्ला मोबा क्यिरुप मितिबाला लोमातिबि दङ्ला टिँ लेम्नि तिबिकि लाक्पा ज्याङ्नी मोपार क्यासुङ् ।
7
दुक् क्यानी कन्ज्यक्कि सुङ् टाम्सुङ तेमे यरुशलेमला टाबा तिबाङ् आला फेल्सुङ् । तेमे क्षोने आलाकि दि मोबाला सेम्ला लासुङ् ।
8
ता काटिन् ताङ् ङार्कि क्येङ्नि स्तिफनसकि मितिबि पार्ला याम्छेन् गेर्पु ताङ् तातिबा क्षा देँदिन् नक् ।
9
ती हिन्सिनाङ् ते ताङताङ्गुप् मिछोक् सिरुप् क्षोखाङ्कि मितिबा, कुरेनितिबा, अलेक्जेन्ड्रियाकि मितिबा ताङ् किलिकियातिबि दाला एशियाकि मि लाला लासुङ् । दि मितिबा स्तिफनस तानि खाँदा स्योरिन् नक् ।
10
हिन्सिनाङ् स्तिफनसकि ताम लापु रिक्पा ताङ् थु चेङिकि ङार ती तिबिकि जे माथुप् ।
11
ती तिङ्ला तिबिकि मि लालाला क्षाक्ला काताङ्नी 'ङिरेकि स्तिफनसकि मोसा ताङ् कन्ज्यक्कि खाला कन्ज्यकला मारे तोङ्गुप् सुङ् तिबा लापुप् ती कोनि वे ।" सिनि सि च्यिसुङ् ।
12
तिबिकि मि तिबाला, क्षोछोग्कि क्षेतिबाला ताङ् क्षाला खामु होतुप्तिबाला तेङ्नि स्तिफनसकि तेन्दकला लाङ्नि मिछोक्ला टिँलेसुङ् ।
13
तिबिकि पाङ्बु जिनक्पातिबा क्षातेन्नी "दि मिकि दि दासा चेङिला ताङ् ठिम्कि खाला ताम लापुप् मोतोङ्नक् ।
14
नासरतकि दि येसुकि दि दासा नातोङ्गित तेमे मोसाकि ङिराङ्ला बिन्दुप् क्यिताङ्तिबा पोक्यित सिनि तिकि ताम् क्याबु ति कोनिवे ।" सिक्यासुङ् ।
15
मिछोक्ला जोम्बु मि तेर्कि तिलत ल्हासुङ् तेमे तिकि ङोतुङ् ती कन्ज्यक्कि थुकि ङोतुङ् दके थोङ्सुङ् ।