लिउ १
1
येशु ख्रिष्ट यक्पु ताङ प्रेरित सिमोन पत्रुस नेमा अरे कन्ज्यक ताङ थार्वा तेरुप मि येशु ख्रिष्टकि दिक्पामोतुप ला अरे कुन्बु मोबा ङयेतुप तिबाला ।
2
कन्ज्यक ताङ येशु अरे चावा चावा च्यु काटिन ताङ लोदिमु खिराङला बाङिङ ओङ सित ।
3
दाक्पि सवा ताङ किताङ ल्यामु नेमा ओरुङला कातोङु कन्ज्यक च्यु नेमा ओरुङला कन्ज्यककि कला ङार कि मिजि ताङ मोबा किरुप ति माक्याबा मेगु ताम तिवा तेरिक बिदुप वाइ ।
4
दि ताम नेमा खोकि ओरुङला कुन्बु ताङ बोमु ना तिबा बिदुप वाइ । तेमे खिराङ जम्बुलिङकि दिक्पा तिबा ताङ्नि कन्ज्यककि कला युला ओङुब ङ्येसित ।
5
दिकि किसाला थुप्पु चो टिबु किरुप छाल्नि खिराङ कन्ज्यक मोबा नेमा ल्यामु ताङ च्यु थपेकि ।
6
थुल्यामुला खाङ सिक्यासिनाङ ङयेदुप , खाङसिक्यासिनाङ ।
7
ङ्यादुप खाल , दाक्पि इजि नुक तिबि तगेराङ ङ्यिङ्ज्ये , इजि नुकला ङ्यिङज्ये क्याबु खाला ङ्यिङ्ज्ये ल्हाक्पा थपे क्यासिन ल्यामु डिउ ।
8
तेमे दि ताम तिबा खिराङला वासिन ताङ ल्हाक्पा डोइ डोसिन खिराङ येशु ख्रिष्ट च्यु नेमा नाम्लाङ आमोक्ष्योबु ताङ मेलेबा मोडोइ ।
9
तेमे सुला दि ताम चिज्यिक वासिन ताङ चाकि ताम क्या थोङसिन ति स्यार्बा हिन् । तिकि तोङि दिक्पा नेमा चेङि मागल सिरुप ताम ज्येक्यु ।
10
तिकि किसाला नुक तिबा दाक्पि ताम ताङ चुनाउ ओथुङ जपला चो थुक्यिबे तिजो राङ क्या ल्हो । खिरेकि दि ताम तिबा क्यासिन खिराङ मिडिलु ।
11
दुक क्यानि अरे चावा ताङ थर्वा तेरुप येशु ख्रिष्टकिन आदासाला साक ग्याल्खोला स्युकु ला खिरेकि कि ङ्येक्यु ।
12
तिकि किसाला खिराङला दि खेर ओथुङ ताम तिबा क्ष्या असिनाङ ङा लोरिङ सिउ ।
13
नाम साक ङा दि जुबु खुर्नि वाइ दि ताम तिवा खिराङला स्याङसे कि जितुप ला दि ताम तिबा नासाम ताङेज्यितुप ङे लागिला ल्यामु यक् दिन सिरुप ङाला छोर्कि नोक ।
14
खाङसिनि सिसिन अरे चावा येशु ख्रिष्टकि ङाला छ्या तेदुपो लाम तगेराङ ङ्ये दि पाल ला टिबुराङ तोङु सिनि ङाला क्ष्या वाइ ।
15
ङ्या लोदिमु तिङला साङ खिरेकि दि ताम तिबा ङियमिटाङ नासाम तोङ थुप्सित सिनि ङा थुपुचो किरुप छोलिन किउ ।
16
खाङसिनि सिसिन अरेकि अरे चावा येशु ख्रिष्ट ङार ताङ ओङुपो कला खिराङला लाप्सिन मेलेबा तानि जोबु दन्त्य पेए तिबाला तिमाय , हिन्सिना, हिराङ खोकि दुक्पाकि ओथुङ थोङुप मि हिन् ।
17
तेमे खोकि कन्ज्यक आवा नेमा ताङ्देन ताङ सवा ङ्येसुङ गिज्या तगे सवा नेमा दिनोक दक्पुजिक ओरु लेपु हिन् । दि ङ्ये ङ्यिङ्ज्ये क्याबु पुज्युङ हिन ति तानि ङा लोदिमु गालप वाइ ।
18
हिराङ रेवा तानि चेङि पम्दकला वासिन खिरेकि द्येवाचेन नेमा लेपुप ताम ति इरे कोसुङ ।
19
हिराङ तानि वातुप लुङतेम्बा ताम खेर क्यानि ओथुङ गालुप वाइ । तिला खिराङ ङयेदुप ल्यामु किरुप छ्योल्मु । दि ति चेक चेक ठादिङि मागाल्बा ताङ खिराङ तिबा सेम्बा टोप्कि कर्ज्यङ मेङ साक नाक तिङिला वारुप कोपि तगे ।
20
खिरेकि दि ताम तोङला क्ष्या ङयेत कि क्ष्यो ला टिबु लुङदेन लुङतेम्बाकि दाक्पि ताम नेमा लेपुप मिन
21
हिन्सिराङ दि चेङि थुनमा गिपा कन्ज्यक तर्फ नेमा ताम किरुप मि नेमा लेपु जाई ।