लिउ २
1
इस्राएलि तिबि नाङला ज्यार किरु लुङ तेम्बा तिबा लेसुङ तुक राङ क्यानि खिरे पाला साङ ज्यार किरु लोबेन तिबा गिउ तिबिकि ना तोङु खाले गिपा तिला खुन गिउ । तेमे तिबाला थार्बा तेरु लोबेन तिबाला साङ हिन मिसिउ । तिबिकि तेमे दाक्पि खाला टिबु नासा खुन्गिउ तिबिकि ।
2
आला मिकि तिबि किर्मु सेम्गि तिङ्ला स्युगु तेमे तिबि लाका नेसुर राङ लाम ल्यामु तिबा गेरिकि कि मोतु स्युगु ।
3
तेमे फाबा किरु लाका कि किसाला खिराङ तानि छाले क्यानि ख्यापसाङ लाङु तेमे तिबाला मता फगु दि आला मोथउ । तिबा नासा डप ति निष्क्रिय मेत ।
4
च्यिलासिसिन कन्ज्यक कि दिक्पा किरु देवा च्येन कि थु तिबाला साङ तिजोराङ माताङ तिबाला यार नाटि नाङला ज्याङ वाइ । ठिम माछेकु साक च्याताक थनि तानि नुप नाक्पि नाङला ज्याक वाइ ।
5
तेमे नाङला तङि जम्बुलिङ ला साङ माताङ वरु दिक्पा वतु मि नोआ ला दाङ ज्येन मेरा दिन ला थार्बा बिन्सुङ छि छ्र्यातक कि दिक्पा मेतु जाम्बुलिङ नासा क्यासुङ ।
6
तेमे दिक्प मेतु मि तिबाला काङ गिसिनि छ्या देदुला सदोम दाङ गमरा सिरुप ग्यासा ति थाल्जामा ला जो सुङ । तेमे तिबा नासा टोङु कि दिक्छेन हिन सिनि छ्या तेनसुङ ।
7
हिन्सिनाङ खिरेकि दिक्पा मेतु लोता ला थार्बा बिन्सुङ ति मि दि अराजक ताङ फाक्चा लाङदे मिति किसि आला सेम ला दुक्प नक ।
8
च्यिलासिसिन तिबा तानि देसिन तिबि पार्ला देसिन तिबि क्याबु लाका लानि दिक्पा मेतु लोत थुला सेम्ला दुक्पा लानि नक ।
9
तिकि किसाला दिक्पा वतु तिबाला खक्पा लासा दादा नेसु च्युक क्यानि थार्बा तेर्गो क्युइ । तेमे दिक्छेन तिबाला च्युक क्यानि ठिम किरुप ग्याक्ला दुक्पा तेरु लकि लाका ला च्युक क्यानि टेगे देगोक्यु सिनि खोरुङला छ्या वाइ ।
10
दि दि ओङबि कि मेलेबा सेम् दाङ लाका मेलेबा कि दाङ कादेन तिबाला मेङेयदु दाङ दाक्पि गा किरु नक तिबिकि कि सवा लिङकि तिबा ला मोतु जिबा मिकिउ ।
11
देवाचेन कि थु तिबा तानि मिला सिना आला ङार ताङ सेपा वाइ । हिन्सिनाङ तिबिकि चावा कि गमाला तिबि खाला मोतुप ठिम खुङमुथुपु ।
12
तेमे दि च्यु मेतु पालाङ च्युक क्यानिसाङ नासा दाङ लाक्पा ला लाङु ला जोबु हिन । तिबि काङ तामगि ठिम क्यिउ ति च्यिला हिन छ्या मे ङयेउ तिबा नासा तोङु गेरिक ।
13
दाक्पि क्याबु किय लाका मेलेबि परिणाम किराङ तिबाला यार्के माग्यागु तिबा ङिमाला ङिङ साङ क्यानि देक्यु । तेमे तिला माताङ दब्बा तिबा हिन । खिराङ तानि स्याच्ये साम दिसिन । दाक्पि जुनाक ला तिबा ङिङ साङ क्यानि गाकिउ ।
14
तिबि मिक ति स्याम्डेन किरुपला ल्यानि गिउ तिबिकि दिक्पा क्यानि नाम लाङ मा डाउँ तिबिकि थिला वतु सेमला मेलेबा लाका ला फाबा क्यिउ तिबि सेम्गि मेलेबा फाबा किरु लाका ला ग्यिपा ङ्येतु गिउ तिबा मता सुकु कि पेजा तिबा हिन् ।
15
तिबिकि ल्यामु लाम ताङ वाइ तिबा चिमि चेनि फार छुर क्यानि दिक्छेन कि ला लाङु बोअरकि पुजुङ बालाम तिकि तिङला स्युबु वाइ ।
16
तेमे तिकि खिरे दिक्पा कि हाप्कि ङ्ये सुङ च्यिक होरु मेथेदु ता तिकि मि ताम क्याना लुङ तेम्बि ङ्यगपा वतु लाता ति क्याङति बिन सुङ ।
17
दि मि तिबा पुङ मेतु छ्यु दगेराङ हिन तिबा लुङबि खुर्नि गाउ मुसिप दगेराङ हिन तिबि ला ङ्यावा जोनि जागु वाइ ।
18
तिबा ग्वाङ मेतु तङबा सेम क्यानि सेम क्यु तिबिकि ओङबि कि जोक सेम नेसुर प्रलोवन ला ज्यकु ।
19
तिबिकि तिबाला डेल्ग्यु सिनि कादेन तेर्क्यु तेमे तिबा दाक्पु दि डेनाक्पि कि यक्पु हिन । च्यिला सिसिन मिला च्यिन तिकि ग्याल्गिबे तिकि यक्पु डिउ ।
20
काङ सिसिन तिकि चावा दाङ थार्बा तेरु येशु ख्रिष्टला थोङनि साङ लोङराङ तिराङ जम्बुलिङकि टेमा खा लाका नेसुर थार्नि साङ लोङ तेराङ ग्युर्सिन ति मि दि ताङला सिना साङ मेलेबा दासाला ति ख्योलग्यु ।
21
दिक्पा वतु कि लाका थोङनि साङ लोङराङ तिबाला बिन्दु चेङि का देन ताङनि ग्युरु सिना साङ तिबिकि दिक्पा छ्या मा ङ्येबु दि ल्यामु हिन ।
22
तिबिला दि पे हिन्दुप ताम हिन कि दि दाक्पि क्युबा लाराङ ग्युर्नि सेउ । टुनि बिन्दु फाक्पा दाक्चिर नाङला राङ फार छुर क्यु ।