¹ Amaran kay, tamar s əssesaghra wan tidet. ² Annu i medan win washarnen ad aqqelan aytedem lammod-nen əlanen almaghsud, ganinen tidet, z addognen dagh zegzan nassan, taha tahakey əd tazidert. ³ əmmək wen dagh as ilzam a tay taginate tidoden tin washarnen. Amər-tanat sad əttef-nat ezzubun nas-nat dat Massina. ad wer tazam-nat wala z-eqqel alxal nasnat tessay nəsmed. əqqel-net tidoden tamar-nen s-əmmazal narat wa olaghan. ⁴ ədgez-net dagh amar ən tidoden tin madroy-nen s-ad iri-nat medan-nasnat əd bararan-nasnat. ⁵ aqqel-net tidoden ənnoda-nen dagh wəlan nasnat eganat alxal zəddigan. anattaf-net d-əshaghelan ən ghawnatan-nasnat, alegh-nət, abardag-nət i medan nasnat. As iga-di wer zi təwelku awal ən Massina. ⁶ Tamar harwa s əmmek wen dagh medan win madroy-nen, a deqqalan aytedem lamod-nen. ⁷ A taqqela almital n amašaɤal ən Massinagh itagin timazalen olaghnen, d essəseɤra zəddigan ətkalan Massina, ⁸ awal šəddigan as wertila i daɤes zanin ark-arat. aššeytan iman-net wer ifreg a daɤes eɤšad. ⁹ Amer eklan y ad tabardagan i messawsan dagh arat kul, ad wer der-san tamazaghan, ¹⁰ wala za tətakaran arat waliyan, kalar ad saknin har faw alɤadalat, fel seghmar daɤ idufan win n əga daɤ Əmali di n ənessefsi nana. ¹¹ Felas tedarfit ən Massina ta təmosat eres wa i safsin aytedem a dəd tənnafalalat. ¹² Təssasaɤ-r-ana fel ad n-ammazey əd mazalan win wer əra Massina, əd win tara n-addunia, təzar nagu tamaddurt təkfat es tetey, tanimanak əd tara ən Massina. ¹³ Arat wa a tey nagu n issigad n əga attama n-əzel issifalawasan, imosan ənefilal n-adkul ən Massina di maqqaran a t-imossan ənessefsi nana ɣaysa Əlmasix. ¹⁴ Ənta a ikfan iman-nət, fəl adanaɤ iss-əderfet daɤ i təla əššəred, izəzdəgana, n aqqəl tamətey a səres təskatat. ¹⁵ Əmel aratan win di, agu y-əššaɤel wa igi n-ales ilan battu. a-tu wer iməl i-kay olkan.