¹ Awa nak Bules, akli ən Miššinaɤ, anammazul ən ɤaysa əlməsix. Issiwari Maššinaɤ əzuk n a dawiyaɤ əs tarrayt tan əzəgzan y aytedan win issanafran. əssusənaqan tidət ta tanza takfit təmədurt daɤ əɤdalan i miššina. ² Awen daɤ a tan zakfin attama ən təmədurt ta təɤlalat. təmədurt ten miššina wan tidət wər nətuggu bahu a igan arkawal net . ³ Alwaq was otas miššinaɤ maɤlas nana ad i sannafalal awal net s almaɤiza was du tawaflasa s igi net. ⁴ Ǝhulaq qayn Titəs təmosa zun bararrin wan tidət dər əddrawa azəgzan. Ǝgmaya daɤ miššina di n aba nanəsepsi nana a fəlak i zəzzəben aramat d alxer. ⁵ Oyeqayn daɤ akal ən kret ad səkkəsuwa awa din iqiman daɤ aššəɤəl nana. Tizar taga daɤ aɤrəm iɤmaran daɤ tədawat ta taytəhat. Aktu aratan win s kay omara a tan əmmosnen. ⁶ As hak iyyan daɤ iɤmaran ihor ad wer illa malad. izlaf tantut iyyat da illa bararan əzəgzannen wer n illa malad ən tanay da. ⁷ Ǝnta amɤmar ən tədawat miššina at izzozaran i tamətay net ya dimos awedan əs wər t illa i dəɤəs dinayan arkarat. Wər itkel iman net dənnəg aytedəm wər itukas əwəl net wər imos imməswi n asməd. Wər imos əmməkennes wala deɤ immədši n alxaram ⁹ Kalar arat wa tilzaman a d imos aləs han məgura itag immazalan win olaɤnen imos ag almaɤsud nəməzzəleləɤ nimizdag inodan daɤ əwəl net. ⁸ Iglay wəllen daɤ lukum y awal wa illa alasal səmmək was itawasassaɤra as iga adi ad igrəw fəregat nad i tamar aytedəm səsəssəɤra wan tidət i tagu. Ifrəg deɤ a di sətəddu y aytedəm win nəmazray nen. ¹⁰ Ǝhan aytedəm oggotnen kəl əlyahud wer nəbbərdag yawadəm wala iyyan hulen win əmmənkadnen əlkamnen i ɣaysa. ¹¹ Saxrakan aytedəm s awalan nassan win agotnen wər nənfa sarat.əhər imawan nasan. saxrakan i ɤawnatan agotnen. sasaɤrin arat wər təgin ar fəl ad igrəwan azzref səmmək issikarakadan. ¹² Iyyan daɤ kel kret a innan falasan ; kel kret inəsbuha amosan,n aljuhal, əd əfak wər nəsəmmedrin ar daɤ tidəswen nasan. ¹³ Awa inna den ket net tidət, daɤ adi səsməm falassan fəl a d ezzegzanan əs tidət. ¹⁵ Arat kul zəddig i win zaddognen miššen win wər n zəddig ugayan s zəgzan wər t illa a zəddigan gursan. Tətwen nasan əd gərran nasan kul əxrakan. ¹⁶ Ganin əssanan miššna as iga awen nəmaggagan dəres. Ǝmosan inəxaraman inəffəllag wər n təg təmazalt walliyyat tolaɤat.