¹ Ifal ɣaysa edag wen, təzzar ikka aɤrəm wa daɤ idwal, ² əlkama-nas nattaluban-net. As iga əzəl wan tasanfawt, iggaz ɣaysa əsəssəɤri daɤ ehan n alɤibada wan kel alyahud. Agen daɤ aytedəm wi d-as əslanen tobaz-tan təkunt ganin: endek s-as tey dahan aratan wi?Ma təmos masnat ta tey tətawakfat da, təzzar ma n əmmək as itag t-əlmaɤjujaten ti əs fasan-net? ³ Awak werge əmakras ən nan, rures ən Maryama, əmaqqar ən Yaqub əd Yosas əd Yahuda əd Simɤon? Uhun timadrayen-net, ak illanat garenaɤ da? Awən da a dasan igdalan a sər-əs əzzəgzənan. ⁴ Mišan inn-asan ɣaysa: Annabi wer itawalka ar daɤ aɤrem wadaɤ iwa, idwal daɤəs, gər šəqqaɤan-net d-aɤiwan-net. ⁵ Wer-ifrəg igi ən talmaɤjujat waliyat daɤ dagen win. Imiranan wər nəggət ɤas a issəwar ifassan-net, izzozəy-tan. ⁶ isimaklal sər-es iba n əzəgzan-nasan. Illil ɤaysa tiɤarmaten tin ahoznen, isasaɤru aytedem. ⁷ ɣaysa əɤra-du əzəl iyyan ataliban-net win marraw d əššin, ikfen tarna fəl kel-əsuf, ⁸ a tan-izamazal s əššin əššin. omar tan y-ad wer awiyan arat waliyan daɤ əššikəl-nawan, ar təburək. Ad wər tawiyam attaɤam, aɤrəg, wala za tefelt daɤ n-əfdan-nawan; ⁹ əsəlat iɤateman-nawan, amaran ad wər tawiyam sanatat təkadkaden. ¹⁰ Təzar in-nasan: ehan was tənəftaɤam wər-tay təgmedam s-iyyan ehan iket təham taɤrəmt tədi. ¹¹ As tosam edag daɤ wer kawan s-afadalan aytedem təzar wer dawan esessaman, arat wa olaghan a t-imosan a təgmədam edag wədi tarmad, tabakbakam əgoddrar fəl d-aran-nawan, fəl ad əqqəl adi təgiya fəlla-san. ¹² Ǝglan ataliban ad taggin isalan n-əlinjil y aytedem fəl ad utaban. ¹³ Ǝglan takassan kəl əsuf agot-nen daɤ aytedem, təzar zagayan əs widi imiranan agot-nen zizuyan-tan ¹⁴ Isla əmnokal Herod Antipas isalan ən ɣaysa, fəlas tessaley n-issəm ən ɣaysa təwad edag kul, wiyyad ganin : << Yaxya wa isalmaɤan daɤ aman inkardu! awendaɤ a-fəlas ila tudabat n-igi ən talmaɤjujaten.>>, ¹⁵ wiyyad əntaneɤ da ganin: << Eli awa, annabi šilat ən widaɤ oqay-nen.>> ¹⁶ As isla Herod awen, inna: << Awa Yaxya wa isalmaɤan! idas as din ənkadaɤ eɤaf-net, mišan enkardu daɤ tamatant.>> ¹⁷ Herod Antipas ənta iman-net a omaran s ad etarmas Yaxya, i s-əkrad tay i sassagay daɤ kasaw, fel əddəlil n-azalaf wa iga Herodəyas təmosat ta ɤur Filibus, amaran Filibus imos amdray ən Herod. ¹⁸ Ǝnta Yaxya igan-as harkuk: << Herod, Xaram fəlak ad ¹⁸ tarkabaɤ daɤ amadrey-nak taɤures. ¹⁹ təgzar Herodeyas Yaxya fəl awen daɤ, təzzar təgmey a daɤəs t-əssukəs iman; ²⁰ mišan əndara-as du ad tag-awen; felas Herod a iksudan Yaxya, izatey as imos awadem oɤadan, zəddigan; a di-daɤ a fəl togaz. As isadargan Herod i Yaxya, a das d-iba a d-isan awa daɤ z-isəmmədren. ²¹ Mišan əzəl iyyan, təgraw Herodeyas əsaru iknan n-atəgu iman-net, imosan aɤalay n əzəl wa daɤ iwa Herod. Ǝzəl wen isassaga daɤəs Herod saksas zəwwəran, issimagarat du daɤəs imuzaran n-alxakum-net, əd muzaran ən sojitan-net, d aytedem wi əlanen almaɤna dat šəttawen-net. ²² Təggaz-du elles ən Herodeyas edag wa daɤ əggaɤan aytedem, təssənta ewəɤ. Oggam herod əd naftaɤan-net eweɤ wa tətag, təzzar inn-as: əgmi daɤi awa tarəɤ ket net a dam taga. ²³ Olas harwa innas awa daɤi təgmaya ket-net a-dam takfaɤ, kud imos tuzante n-akalin tan n-amas. ²⁴ As dəd təzgar tənna i-mas: << ma daɤəs z`əgmiyaɤ?>> tənn-as anna-net << əgmi daɤəs əɤaf ən Yaxya wa isalmaɤan aytedem daɤ aman.>> ²⁵ Taqqal du təmawat ten tarmad əmmənokal Herod tənn-as: << əɤaf en Yaxya wa isalmaɤam aytedem daɤ aman as areɤ a di tey təkfa amaradaɤ, ensa daɤ attabla.>> ²⁶ Arat wen iɤšad əwəl n əmmənokal hulen, mišan wər era a das-ugəy, fəl əddəlil ən təhuday ta das-iga d, əddəlil ən n aftaɤan-net. ²⁷ Iazamazal alwaq didaɤ iyyan daɤ goumay-tan-net innas a das dawey əɤaf ən Yaxya wa isalmaɤan daɤ aman. Igla Goumey ifras-du əɤaf ən Yaxya daɤ kasaw. ²⁹ Ǝwaytey-du daɤ attabla. Ikfay i təmawat ten, Tabarart dəɤ təkfey i mas. ²⁸ As əslan ataliban ən Yaxya wa isalmaɤan daɤ aman arat wa igan da , əglan əkalan-du taɤəssa-net ənbalan-tat. ³⁰ Ǝqqalan-du nəmmuzal winad izammazal ɣaysa da, əssoɤalan-as isalan n arat wa əgan, d awa sasaɤran aytedem. ³¹ Inna-as ɣaysa: << iyyawat, akat-anaɤ edag issufan fəl ad tassanfim a əndərran. Ǝd əllant aytedem agot-nen galinen əd wiyyad dəd taqqal-nen, daɤ a adi ikka-awen-as wər ələn wal-arat n alwaq en tattay. ³² Təzar əgazan turef n aman, matakwayan əglan, əkkan edag issufan din-ikitayyen. ³³ haney-yan-tan aytedem aggotnen as əglan, təzar əzdayan-tan.Ǝgmadan-du aytedem tigharmaten tin enginen den, ozalan əs daran nassan. Azaran-nin i ɣaysa d əttaliban s-ədag wa əkan. ³⁴ As d əzzəbbat ɣaysa tureft n aman inay taməttey agget tebdad, təggaztay tahanint-nassan, fəlas əmosan zund ayfəd wer n əla əmadan. Təzar a tan-isasaɤru aratan aggotnen. ³⁷ Innasan ɣaysa: << akfat-tan kawaneɤ iman-net a ətšan? >> Mišan ənnan-as: << awak a tareɤ ad n agglu fəl dasan-du n azanzu tigəlwen ən sanatat təmad ən katəbi, təzar n akfen atšan? >> ³⁸ Olas ɣaysa innasan: << Ma dər oggda awa təlam daɤ təgəlwen?Aglet əsənat-du? >> Ǝglan har d-əsanan, aqqalan-du ənnan-as<< səmosat təgəlwen, d əššin manan>>. ⁴¹ Təzar əgmay daɤ attaliban-net a-tan saqiman daɤ yel es təzunawen, təzar igan awen əs tattaran. ⁴⁰ Aqqiman əs-tattaran ən təməday təməday n awadem əd win səmosat səmosat təmerwen n awadem. ³⁹ Itkal tigəlwen tin səmosat əd manan win n əššin təzar iggəzzay ijənnawan, iga igodan i Massina. D əfer adi, ikaramkaram tigəlwen, təzar ikfenat y attaliban-net, fəl a-tanat uzanan i təmətey. Izun ɣaysa imanan win əššin y aytedem kul. ⁴² Ket nassan ətšan har iyəwwanan, ⁴³ təzar əššədawan attaliban ən ɣaysa awa d-əqqiman daɤ manan əd kərəmkəraman ən təgəlwen, Ǝtkaran daɤ-san maraw əzmaman d əššin. ⁴⁴ Win ətšanen tigəlwen əmosan səmos əfdan n aytedem. ⁴⁵ Wala ay-ihogan , išahaššal ɣaysa attaliban-net ad əggəzan turəf n aman izaranas-in s-əmi n agarəw wen sen, set ən Betsyda.Issəgla ɣaysa taməttey. ⁴⁶ Dəfər as tat isəgla əftan adɤaɤ a ditagu tiwatriwen. ⁴⁷ As iga ehad, turəf n aman tahan attaliban ən ɣaysa təgiregarey daɤ amas n agrew.