¹ Ewad-in ɣaysa əd nəttulab-net assəlim n egarəw wen sen, daɣ akal ən garassenatan. ² Izzəbbat du ɣaysa turəf n aman ɣas iggad-du sər-əs əmeggaru iyyan izəkwa. ³ Izəkwa en da a daɣ ayha amaran indar y aytedəm akərrad-net əs wala issasaran. ⁴ iyəwanan akərrad ən fassan-net əs sassaran asaɣan idaran-net əs sassaran ən təzoli miššen ad iɣtəs awen kul wər t-illa i tay nəkkan d arat ⁵ iha izəkwa en da d ədɣaɣan ehad-ezal izayyak italay iman-net əs təhun. ⁶ Miššan as ogga ɣaysa daɣ igad ozal-du sər es issəjad-as. ⁷ Idkal aggasuf wa ihan aləs wa əməsli-net wellen inna : ma daɣi tareɣ ɣaysa barar ən missina di n əmadkol? əgmaya daɣ ak fəl missina adi wər təlhəka. ⁸ inna awen fəlas das-inna ɣaysa aggəsuf wa labasan əgmed d aləs di! ⁹ Təzzar issestan -tay ɣaysa , inn-as me isəm-nak ? inn-as aggəsuf : esəm-in egan fəlas igət a nəga. ¹⁰ Ad itansay aggəsuf wen ɣaysa fəl a tay-wər ikkəs daɣ akal en. ¹² As itaggu awen idân əsəgən əggen ən ladayan fəl tasaga ən təkaswart təhozat den. ¹¹ Ad tansayan kel əsuf en ɣaysa ganin as : sukanaɣ iladayan en a tan nəggəz. ¹³ ird-asan ɣaysa s awen .əgmadan kəl əsuf aləs wen əggazan iladayan. əddəggagan-du ladayan en fəl təzəggədit ən təkaswart, ad titəreggen daɣ egarew. ətšan-tan aman əmosan əššin efdan n aladayan. ¹⁴ Təzzar ozalan madanan ən ladayan win, əgan isalan y əɣrəm wen əd ɣələyɣəlayan-net. əglan-du aytedəm y ad ənəyan awa iga den. ¹⁵ osan du ɣaysa. ənayan aləs was kala ad t-əhan kəl əsuf, iqqim, ilsa, təqqal t-idu tayttay-net təzzar ərmaɣan. ¹⁶ əgan asan aytedəm win əggəyyatnen y awen, isalan kul n awa itawaggan y aləs en d awa igrawan iladayan, ¹⁷ təzzar ad tansayan ɣaysa a dasan-igməd akal -nasan . ¹⁸ Itaggaz ɣaysa turof n aman as d-inkar aləs wa əgmadan kəl əsuf a t-itansay ad t-ayyu a dər -əs idaw. ¹⁹ wər das -irda ɣaysa s awen miššen innas : aglu əqqəl ehan nawan d aytedəm-nak, təməlaɣ-asan arat kul awa dak-iga əməli əs təhanit-net. ²⁰ Tizzar igla aləs en ikka akal igân esəm ;dekafon ad immal arat kul wa das iga ɣaysa y aytedəm . tobaztan təkunt ket-nasan ²¹ iqqal ɣaysa,olay egaraw s əsəlim-net wa hadan.təlas fall-as tamattay təgget tiddawt. ²² təzzar osa-du aləs igân esəm jayɣus,imosan iyyan daɣ muzaran n ahan n əlɣibada ən kəl-Ǝlyəhud. ²³ inay ɣaysa ɣas,issəjad dat əs.onsay ɣaysa,inn-as: tabarart-in a tətamattit,areɣ daɣ-ak a sər-əs nidaw təssəwəraq-qat ifassan-nak ad təzzəy. igla ɣaysa iddew dər-əs. ²⁴ təlkâm-as tamattay təgget,tətanabhal fall-as. ²⁵ tamattay en,tah-et təntut təgât maraw elan d əŠŠin iffay daɣ-əs əzni. ²⁶ tənây alɣazab aggen daɣ fassan ən nasmagalan aggotnen.awa təla kul as daɣ-san tu-tənɣa.miŠan edag n ad təggudəy,təwat a fall-as təg təwərna-net ²⁷ .tantut ten kala ad təslâ y awa gannin aytedəm əs ɣaysa.təggaz-in tamattay ta təhat dəffər təgərgas ən ɣaysa,tədas tekaršayt-net, ²⁹ fəlas tənna daɣ man-net: as ədasa kuddeɣ isəlsa-net,ad əzzəya. ²⁸ da da ad tədas tekaršayt-net ənta daɣ-as iraz əzni wa daɣ-as inaqqalan,təfray i təɣəssa-net as təzzay daɣ təwərna ten. ³⁰ tamazayt ten da a daɣ ifray ɣaysa y assahat iyyat as tay təgmad.imalallay-du əs tamattay,inna : mi idasan isəlsa-nin. Ǝnnan-as nəttulab-net : ³¹ tahannaya tamattay ta fall-ak tətanabhalat,mas təganna"mi di-idasan? ³² dər iga awen da ya issəlal ɣaysa tamattay asawad-net y ad inəy wa t-idasan. ³³ təzzar tərmaɣ təntut,təndaw-tat taysəst,fəlas təssân daɣ təmazalt ta təga den.təkka-du ɣaysa,təssəjad dat-əs,təmal-as tidət ketnet. ³⁴ inn-as: tabarart-in əzəgzan-nam sər-i a kam-izzozayan.aglu daɣ alXer,təzzaya daɣ təwərna-nam. ³⁶ miŠan wər-din-iga ɣaysa tenbay daɣ awa itawannan den,inna y əmuzar n ahan wa n əlɣibada ən kəl-Ǝlyəhud: ad wər tərməɣa,əttəf ɣas əzəgzan-nak. ³⁷ igdal ɣaysa i tamattay a dər-əs tidaw.igla,wər iddew ar əd butros əd yaqub əd yaXya wa n amdray ən yaqub.Ǝddewan əd jayɣus wa n abba ən tabarart s aɣaywan-net. ³⁸ as din- osan inay ɣaysa tamajarwayat n aytedəm hallinen,sakalalan. ³⁹ iggaz-in fall-asan,inn -asan: mafel təmijarwayam təhallim? təbarart-nawan wər tat-aba,edəs ɣas a təga ⁴⁰ .təzzar ojaban dəɣ-əs. izzizgartan ketnasan,wər d-iqqim ar imarwan ən tabarart əd nəttulab-net win dər d-iddew,təzzar iggaz dər-san edag wa daɣ tənsa təɣəssa ən tabarart. ⁴¹ obaz əfus-net,inn-as: talita qum! almaɣna n awen: tabarart ənneɣ-am,ənkur-du!tənkar-du tabarart daɣ tamazayt tenda,təjawankat ⁴² .tabarart ten,maraw elan-net d əŠŠin.awa sər-san iga awen daɣ əsəmməkləl əhagan. ⁴³ irɣam-asan ɣaysa wəllen fəl amel n awen y awedəm waliyyan,dəffər adi inn-asan a tat-akfin a tətša.