¹ Poli, Yesu Krista tɔ́ŋrɔn, mun ɲìnɛ̀nɲɛ̀n Jɔsɔ se, Ń Tɔtɔn Yesu Krista se, mún ki n̂ Ɲɔntaltɔn ɔ. ² Ki tè Timote to, nɔkɔ̀ŋl ń tikɛl dye Jɔsɔ ɲɛ̂l ta: jarfyɛ, munurja mɔ fù ri ɲamɔgbâl mɔ tɛɛ̀n á to, mun liblaàn n̂ Tɔ Jɔsɔ fù nì ŋmeltɔn Yesu Krista se! ³ Á talɲɛ̀n mun kɛɛln mun tɛ̀ á to, ń kɔ́ɔŋn gbâr mun ye Macedoni, gbâr mun ye ń b'à kɛɛln tɛ̀ á to, d'á ki tɛŋn Efesi, nɔkɔ̀ŋl á ki twɔŋn tokpar sɔ́ɔ tɛ̀ jir máɛ̀ to nɔkɔ̀ŋl yí be dɔkaarn mɔ kɛɛlntê bo. ⁴ Yíi b'à mɔtìn tɔnkar gbukal fù nì dɔkɔ́ŋnkaarn kurbe ɲɛ̂l bɛl to bo. Fù mun gbɔtyaŋn tyɛɛ́ŋ sɔ́ɔ bré, à be Jɔsɔ klɛwɔ besé se, gbɔ to hlɔja mɔ. ⁵ Fù twɔŋn ŋmelî ki, fù ki kyon narbé ɔ mun ni blaàn nuryɛŋn féné mɔ, ki sɛɲɔn mɔ, fù nì Jɔsɔ to hlɔjabê gbɔɛ̀ mɔ. ⁶ Jir máɛ̀ r'á ká à fù gbukɛlî se, yì k'á byéen búr tɔŋnkaarn gbukɛl to. ⁷ Yì r'à shi, yì ki tɛŋn Jɔsɔ twɔnɲɛnî ŋmeltê, dà yì gbɔɛ̀ lóon fù nì, yì à kpɛŋn ɲɛnɲɛ̀n gbɔɛ̀ mun fléen, yì wo fù mɔ fá shi bo. ⁸ Ń wo à kaɲɛ̀n Jɔsɔ twɔnɲɛ̀n nì to bo, mun ɲɔn ń ki klɛwɔ téln kwo à nɔ. ⁹ Hlɔtabè mɔ, ń à shi dé Jɔsɔ, twɔŋn ɲɛnî wo ɲɛnɲɛ̀n jimin télnmɔ nɔkɔ̀ŋl bo, kɛ̀ à ri ɲɛnɲɛ̀n jimin jaarî ɛ̀, kwɔntokatê, Jɔsɔ gbɔ flɛlɛtɔn, fù nì jurumu flɛtê, Jɔsɔ gbɔklɛ kaarntê, fù nì Jɔsɔ gbɔ to kɛŋlɲɛtê, yì tikɛl saarî jimin krɔtê, jimin krɔtê. ¹⁰ Nɔkwɔtê, jimikɔlɔɛ̀, jimi ɲraɛ̀, kɛŋnlótê, kɛŋntamɔntontê, fù nì gbɔ mun nɔnkurn burjirɲɛ̀n Jɔsɔ gbukɛlî kɛɲɛ̀n. ¹¹ Ki yan Jɔsɔ ɲɔnbê jarfyɛ gbukalî narsɔ́ɔ to, Jɔsɔ ǹ gbukalî narsɔ́ɔ gbɔ nɛnè ń kpɛŋn. ¹² Ń fuló tè tɔnî mun faŋ tɛ̀ mún to, Ɲmeltɔn Yesu se, fù mún mun yì gbɔ̀n jimin téln mɔ nɔ, ¹³ ki mún ɲínɛ́nɲɛ̀n à klɛwɔ to, mún mun ki tyalè Jɔsɔ ɲínaɲɛ̀n tɔn ɔ ín, dabrɛtɔn jimin fléen, fù nì jimin jaar sɔ́ɔ. Kɛ̀ Jɔsɔ ri munur ja, bóló bo, ń fù gbɔɛ̀ klɛ ín mɔn fá hlɔ kaarnbê mɔ; ¹⁴ fù ni ŋmɛ́ɛn ŋmeltɔn jarfyɛ ki mɔ ɲurkwo ki bur Jɔsɔ to gbɔ jabi mɔ fù nì gbɔ tìyàbê mun tɛ̀ŋnɛ̀n Yesu Krista mɔ. ¹⁵ Fù gbukɛlî ki hlɔ ɔ, à ri ɲɔn, yì ki mun tose, dé Yesu Krista ri byɛ̀ díryɔŋ mɔ ki gbɔjaaltê teln, mun ki mɛmun ɲɛro brɛ ɔ. ¹⁶ Kɛ̀ ari tɛjel gbɔ̀n, mún n'à jela Yesu Krista mɔɲimɔn ki ŋmɔ́n mún tutyɛŋl mɔ, gbɔ mun n'à jela mún ki tɛŋn ɲayɛntɔn jimin se, mɛmun à to hlɔja dɔkaarn shi mɔ. ¹⁷ Gbâr kurn nɔ̀kɔŋl fâŋl, klo kaarn, ŋmɔ́n kaarn, Jɔsɔ mɔ́n byéen, Ayanɛ, Sɔjani ɲɛnflɛɲɛ̀n ki Jɔsɔ fù ɔ, gbâr mun nɔ̀kɔŋl ye! Amina. ¹⁸ Ń bè twɔŋnɛnmɔnî tè á to, n dye Timote, ki yan Jɔnɔsɔ gbukɛlî mun ló a gbɔ ɲɛn mɔ tyal, ki yan fɛ to, à ki kɛŋl ɲɔn ɲɛn. ¹⁹ Á b'à Jɔsɔ hlɔjabê to kpɛŋnja talɲɔnmɔ, fù talɲɔnî ɛ̀, fù mɔ́n byéenî fù nì Jɔsɔ hlɔjabê, k'à se yí kpɛŋn. ²⁰ Fù jimin tyémɔ Himene, fù nì Alexandri ri tɛ̀ŋnɛ̀n, ŋmɛ́ɛn mun gbɔnɛn Sutɛnɛ gbɔɛ̀, nɔ̀kɔŋl yì be Jɔsɔ yin nína bo.