¹ Yezu kə zɛ n wɔ kədò ń nə ń cèrhè kàrmɔ lyì bí ni mwə y nyi ni, lyì nánzhəzɔ bə ń nyí bə n'ê cili ń zɔmà nέ. ² n zɛ n zù bǔ-bwəl wẽ, lyì bí gakó y'à wɔ bù-cǔ w yó, n zɛ ń nə, n zɛ ń nə ńcèrhè be we nánzhəzhɔ ǹdə səswaálsɛ n zhe: ³ cili-nə: tə-dùr-nə mədù ń yà ndu ń la ń twã dú: ⁴ ń gə nə ń dwì yi ní; jíjí byǎ bέ jàlà ló tɛ sɔmá nyí ni; ⁵ cúmsi jí bi; jàlà ló pàtá yó; ⁶ sə nənyɔnɔ w tú o lyĩ rə k'a cì rə nèsé gə yə tɛ zwì yilə, ⁷ rə jàlà ló sɔr cəcəl wə, rə lyĩ sɔr rέ pyέnέ rɛ, rə yə byǎ ce yé, ⁸ jàlà ló cɛ kὲbέ è càn we, èdù ce byǎ shí-èlyè, è ce byǎ shí-shəldù, è dõ mó byǎ zɔm, ⁹ n zɛ n wɔ : lò mɔbɔ ǹ zhe zha ǹ la culu sə cili ¹⁰ ń gə tú n bə ń ŋwέnέ ń dúdú yi ní, ń tùntúmə yí ń nyí ni bə lwəl mo bə byili bi səswlá y kùr rí; ¹¹ n wɔ bɛ: wɔ àmyὲ nɛ Yi byili rə tənà y è y'à shèè mó; sə è gə wɔ lyì bí dwã yilə; ¹² kɔn gakó wɔ ǹdə səswalsɛ; bə n'ê nyǐ e jà bə bə nə nɛ yé, bə n'ê cili bə jà bə bə nyɛ yé, mùnì ga bə bək'a pyìrhí bə wun sə a pə pɛ bə dwəəré sǔbri yé ¹³ n kə n wɔ bɛ: à bə səswalá y kὲbέ kùr nyɛ? etər à m'ǎ tó né à nyὲὲ sə dwã bέ kùrə; ¹⁴ tə-dùr-na mó wɔ hYi zɔmὲ rέ ń nə ń dwì; lyì jàlà wɔ sɔmà y nyí rí, bə gə cili Yi zɔmὲ rέ ¹⁵ Shətana bə e vùr tὲbέ bə dù bə wẽ mó ¹⁶ jàlà myɛ wun ní wɔ pàtá, bə n'ê cili Yi zɔmὲ rέ bə zwe re làləà ǹdə wu-nyɔ; ¹⁷ e jà bə t'â yẽ rə pɛ nèrh bə wẽ yé,bə t'â pyέnέ yé, zwini ráá nɔnɔ gə zɔ bɛ Yi zɔmὲ rέ yilə bə gə bə wun ¹⁸ jàlà wun nyɛ ǹdə sɔr ta, bə gə cili Yi zɔmὲ rέ, lũ w kɔbɔ twələ né ǹdə ò nəcὲn rέ ǹdə wẽ dwã yǎl ¹⁹ n'ê pyέnέ Yi zɔmὲ rέ bə wẽ rə t'â ce byǎ yé, ²⁰ jàlà ló cɛ kὲbέ è càn wẽ, wɔ lyì bí byὲbέ bə gə cili Yi zɔmɔέ rέ bə zwẽ rə ce byǎ, èdù shí-èlyè, è dõ shí-shəldù, èdõ zɔm ²³ n kə n kə n wɔ bɛ: bə y'a kwè pàntέmέ bə cĩ nəbwέnέ kùr w ràà pal kùr wə? è də pàntέmέ jàà w bə n'ê cĩ ní nà? ²² kɔn tὲnέ rə shèè rə t'â dὲ du yé ²¹ , lò mɔbɔ ń zhe zhã ń la culu sə n cili ²⁴ n kə n wɔ bɛ: dὲn-na à cìn à zɔmὲ nέ culu mú wẽ, bə m'a mɛrhɛ bə ce ku w cɔbɔ à n'á mɛrhɛ á ce né á pɛ á dwã bέ nɛ mɔ wẽ, ²⁵ e jà bə súlí bə pə àba, bə m'a pə lò mɔbɔ ń zhe ne n súlí, sə mɔbɔ ń bə zhe, bə b'a zwẽ tὲbέ ń zhe mó myɛ cìcì ²⁷ gə zɛ ń nə dὲὲ ráá ń nə ń yìlì ń twã nɛ myɛ ń yəl kɔn gə la nέ tó yé ²⁸ cɛ y cìcì n'ê jὲrὲ è lyĩ jíjí rə byì rə ce yó, rə ce byǎ bə byì, ²⁹ jòró yi gə yú wə bə zɛ bə jər ³⁰ n kə n wɔ bɛ kədò: wɔ bəkɔn nə b'ǎ zə nə m'é myɛrhɛ Yi tənà yá? ráá səswalá kɛ nə b'ǎ ji b nə m'é byili è wɔ nέ? ³¹ è n'ê mɛrhɛ ǹdə cǒ byǐ nàmmárá bə kwè bə dù tɛ cèmé byǎ dwə dwã we ta, ³² è gə lyĩ e byì, è n'ê jǐrh cǒ nànfɔlɔ, e ce jὲrh nánfwàlsɛ cúmsi n'ê twí sə jòm wɔ sə twí sə jòm sə ywəl mó wə. ³³ wɔ ǹdə səswalsɛ ń mə n bwəl hYi zɔmὲ rέ, kɔn mɛrhɛ bə gə wɔ bə b'a nyὲὲ rə kù rí ní, ń yà ń tá ń zɔm ǹdə è də səswalá dɛnnɛ ń tó yé, ³⁴ sə è gə wɔ ń kwã-lyì cìcì mú yilə, ń yà ń nə ń byili bi kɔn gakó kùrə ³⁶ , n zɛ zə ń tùntúme bé n zù bǔ bwəl ré ń yà ń ŋwέnέ rə we mó wə, ³⁷ bǔ-bwələ dwã y'à ŋwέnέ gàà, zho nánfɔlɔ j'a shí tɛ o zɛ, ò n'ô dom nɛ mɔ, bǔ-bwəl ré já sú ǹdə nɛ ³⁹ è gə wɔ Yezu myɛ yilə, ń yà ń zə yó-kɔɔ n kwɛ ń yó ń pyě tɛ ń dɛ, bə zɛ bə n'ê zhὲrh mɔ bə zhe: yó-cəbal, ǹ tá ǹ cili nə la cú mú sõ nà? ³⁸ ń gə bwìrhì n zɛ, n bú zho wə, n wɔ nɛ mɔ nɛ; zhǐ shέέ, ń yẽ ǹ sɔɔ w nɛ, rəmyέ yó zho w j'a kwĩ, cɛ y j'a zɛ è zhǐ shέshέ ⁴¹ n zɛ n wɔ bɛ: bəkɔn yil á dùr ywẽ? ⁴⁰ etəra, á yə Yi ni zhí nà? ywẽ nánfɔlɔ zə bɛ, bə zɛ bə n'ê zɔm ǹdə dwã bə zhe: mɔbɔ èta mɔ, wɔ etər lò, zho ǹdə nɛ m'ê zwẽ ń nyí ni?