¹ Jesus na baghabeghe ningele gutsu synagogue, ghona mute a ba na lekake laghadena. ² Baate ba bade vane, ba talenga Jesus, bo bombe lolo a boghe ndè letsughu la pigha. Bo ba saghenge yilemba mu kutule ndè tchiambe. ³ Jesus na lèle mutu muene wa ba na lekake lakania ndé: Tèmenè, wè tchike va mutema a nzo. ⁴ Tsovana, Jesus na dume bate ba ba bavane djide: letsughe la pighe mutu a togha sade lebue? Mutu a toghe sade libi? Ba toghe fuise mutu moyi voba niandè a kuada? To bo ni ba ba lingi. ⁵ Jesus na kengese bo botchi, na kechi, niutu ni ya volo mu mbata bunono bua mitema mia bo, ndè na lèle mutu mwè ndé: Sokele lekake lawè. A wo na sokele lekake, Jesus na bogha lekake lendi. ⁶ Va ketia vane, ba pharisiens ni ba pole, ni ba yende kunde na Herode mu saghe lesoghe la bome Jesus. ⁷ Jesus, bona ba duki bendi ni ba yende ghu tunga mubu wa vè na ngulu. ⁸ Piti a baate, ya mate ghu Galilée na Judée, Jerusalem, na ghu missenge mia Judée, mia Idumée na ngula Jourdain yéna, na ngule missenge mia Tyr na Sidon; mapiti ma bate mfuamovè, ma yoghe ma Jesus a sadenga, ni ma yade ghu mbogha ndè. ⁹ Jesus na lèle ba duki bendi ndé kotelani mè mbunghu muti piti a bate ya lotela ka ndè ya bameghenga. ¹⁰ Ndè boghenga bate mfuabovè, botchi ba ba belenge ba tondenge kukele va pedia ndè. Ba saghenge mu bembe ndè. ¹¹ Va maniuni ma mabi ma monenge ndè, mo ma kutunenge va busu buendi na chimenenge: wè muana Nzembi. ¹² To Jesus na leghenge bo ndé: kolani mè dungesse ti mè muana Nzembi. ¹³ Jesus na yende ghu yulu mukongo, na tede baate ba ndè tondo, ni ba yade va pedia ndè. ¹⁴ Ndè na sole lekumi na bole(ba ndè vè ndoghe ya batome) mu bade na ndè na mu tchindeghe bo mu y longesse mambe ma Nzembi. ¹⁵ Na vè bo bungudi bwa funze maniuni ma mabi. ¹⁶ Na sole lekumi na bole: Ndè na loghe Simon ndoghe ya pierre; ¹⁷ Jacques muana Zebedée, Jean muanagua Jacques, ndè vè bo ndoghe ya Boanergès (ba tede ti ngedi); ¹⁸ na André, Philippe, Barthelemy, Matthieu, Thomas, Jacques ya muana Alphée, Thaddée, Simon ya Zelote, ¹⁹ tso na Judas Iscariot wa kabe ndè. ²⁰ Bo ni ba yende ghu nzo, to piti a baate ya yade mfuayovè, Jesus bona ba duki bendi ba sa toghe ti tchiade vè. ²¹ Ngagha Jesus ba yoghe matsanga, bo ni ba yade mu yibonghe ndè; to bate ba lèle mu mbata ndè bo ndè ka lèdi. ²² Ba scribes ba ba mate ghu Jerusalem, bonabo ni ba lèlenghe bo: leniuini la Beelzébul a ma ningele ndè ghutso mutéma. Ndè funzu manioni ma mabi na pinze a Beelzébul. ²³ Jesus na kokese bo, na yambele bo na makokoma; na fulu bo ndé: mubeli bugni a toghe luane na mubeli ngana ndé? ²⁴ Ghutso bulonge bu mochi, ti bate ba bisse bughu lebigha, bulonge muene bua tsamegha. ²⁵ Ba ngua nzo mochi bonabo ti ba sa bughu lebighe vè, nzo na yo ichi fuade moyi vè. ²⁶ Ti mubeli a luana ndè muene, ndè chi ba bade na bungudi vè, a chi ba fuade moyi vè, ba tukule wotchi. ²⁷ Muyibi a chitoghe ningele ghu nzo mutu ngua miange, ndè ka yiba bitsale biotchi ghu ndè vè pa ghadendè mu tole biotchi? ²⁸ Na mumbuli mè lèle béna: Nzembi na boghele mabi ma baate botchi, na pongo a bo nayo. ²⁹ To mutu wa vongele leniuni la buyimba, Nzembi a sa ka boghele ndè vè, wona na kua mbèlè ya mubunamubu. ³⁰ Jesus a lèle bona muti bo ba lèle bo ndè na leniuni la libi. ³¹ Ngua Jesus na bane ba nguendi ni ba yade, to bo ba bade ghu ndande, bo ni ba tchindeghe mutu ghu yi tède ndè. ³² Pitia baata ya tsaghela, ya dinge ndè ba toma bendi ni ba lèle ndè: Ngua wè na bane ba ngua wè ghu ndande ba lidi wè ba saghe. ³³ Jesus na kale bo ndé: nguemè na bane ba nguemè,bana? ³⁴ A mana kengesse baate ba ba bade matsaghela, ba dinge ndè,ndè na lèle ndé: Kengesse a ni ghuni nguemè na bane ba ngueme bena. ³⁵ Mutu wotchi wa sade ma Nzembi a tondo, mutu wona muana ngueme, kedia mè tso na nguemè.