¹ Vbi na, elọkakuo bi Imiọn le rivbi Judia da họn khi ekhẹn Gentiles miẹmọi Sosẹlẹbua hon. ² Li Pita kerẹ lodẹ vbi Jerusalẹmu, elemiẹhọn soruẹẹ rẹ ebi Pita Ui dia; ³ e rẹ ta, "ọ deba elei ruẹẹ, e gbo ebae kugbe. ⁴ Ama, Pita da ke rọlẹmọi muaẹo kuere, ọ tai, ⁵ I lerọmọn vbẹvboi si Joppa, li rẹ miẹo kha da vbokhumeimi muemi lọgbai sotọi, adi ̃ukpi-i ọvbehọ sọe emẹ vbe ziri. ⁶ I kao wọi, I da ooi. I mireami le mọikpai enẹ, isogo, elerẹkẹin si, bi efiami vbohumu. ⁷ I da hikhuruin tama mẹ, ''Akhọre, Pita,gbe lu e.'' ⁸ I tai, ''I zọ kọ, ọlọmọẹin, 'ọhiọ, emi lọifuan isẹ o mẹ vbunu ghe.'' ⁹ Ama ọluruin da chie ayẹn vbokhumeimi Ebosẹlẹbua tai khọfuain, ọyai kha ta khọi fuan.'' ¹⁰ Ọna sunu Igilea, emi erẹmẹ kpẹ si chie lodẹ okhumeimi. ¹¹ Idumukan I miẹi Imọhe ea muzain vbodao oa li mai ri, la ze rẹmẹ vbi Caesarea. ¹² Eti lọfuan tama mẹ rẹkhaẹn li kha zihiẹn. Elimiọmẹ ehan na erẹkhaẹmẹ lodẹ ọloa. ¹³ Ọ tama mai, ebọẹn mi angẹli vboa siọẹn, ọ ta, ''zagbọn lodẹ Joppa, lei eti saimọni lagbo etiọi Pita re. ¹⁴ Ọ tẹmọi mavba lọ miẹ bi oa sẹ fan.'' ¹⁵ E bi niaẹn tẹmọi, Eti lọfuan da vare ziaẹn, elabọ lọi vare zimai vbigbanre. ¹⁶ I yee ẹmọi Sosẹlẹbua re, ebọi ta,''Jọni ata ọrẹ ramẹ samẹ lagbọn, ama Eti lọfuan arẹ samẹi vba.'' ¹⁷ Vbi na, Osẹlẹbua kha ke rihọmohan niaẹn elabọlọi ,rẹmai li mai rẹ miẹ ọlọmọẹin, Jesu kristi họn, ọi ke khẹmẹ li keọi kheye?" ¹⁸ E ke helẹmọi na, e da ha-a, ama e rọkhai Losẹlẹbua, e rẹ ta, ''Oselebua gbo ri aoẹkẹin deluẹẹn li ekhẹn Gẹntiles.'' ¹⁹ Vbi na elevbẹn khakha vbemọi Stivini lagbei eso rivbi phoenicia, Cyprus, bi Antiọch, ama e temọi Jesu ma ekhẹn Jusi ọkpa. ²⁰ Ama, eso vbu seaẹn, lei daivbi Cyprus bi Cyrene vare vbi Antiọch gbo ni ekhẹn Griki tẹmọi, tamaẹn egbe gbẹmọi si Ọlọmọẹiun, Jesu. ²¹ Obọi Sosẹlẹbua rẹkha aẹn, elebuin miẹhọn, e deba ọlọmọẹin. ²² Ẹmọi siaẹn da sẹ vbọsẹ si Jerusalẹmu, e da zi Banabas lodẹ Antiọk. ²³ Ọ ke mihọmohan sosẹlẹbua vbe vbọ, ọghọghọin; ọ suaẹn udu lei re rudu erẹmẹ lọlọmọẹin. ²⁴ Ọhiọ egbe gbọmọhe ọ, ọvuọin vbeti lọfuan bi arẹovbọ, agbọn lebuin da deba ọlọmọẹin. ²⁵ Banabas da lodẹ ọ fẹẹ sọlu vbi Tasiọsi. ²⁶ Ọ ke miọin, ọ rẹọi vare vbi Antiọk e kugbe magbọn le buin emi vbọsẹ vbukpe ọkpa. A da sẹrẹ aeti elemiẹhọn, "ele ubi kristi," vbi Antiọk. ²⁷ Vbọ lẹghẹ na, Ihiẹin eso da vbi Jerusalẹmu vare vbi Atiọki. ²⁸ Otuọkpa vbu seaẹn ui Agabus, ọ akhọre tamaẹn khohami lọkhua khọ fi vbotọi agbọn erẹmẹ. Ọ na sunu ẹghẹ si Claudius. ²⁹ Vbọ na, elemiẹhọn, ebọdọde meti sẹ, re rikpaobọ zimiọn le rivbi Judia. ³⁰ E uọ na, riegho li Banabas bi sọlu rie zi elikpesa.