¹ Ọlẹghẹ na, ọmọhe ọso ri vbi Caesarea, aetiọi cornelius, ọ lo rigbalegbe khian ² ọmọhe lọ kakabọ miẹhọn, ọẹn bi oa sọe kakabọ rọkhai loselebua; ọ regho leleirlọẹn, ọ gbo lerọmọn zoselebua ẹghẹ erẹmẹ. ³ Elabẹghẹ aogo Isi-in seyọkpa, ọ miẹn vbevbohie khi angẹli soselebua gaọi re. Ọ langẹli tamai, "Cornelius,'' ⁴ Cornelius kao wọ langẹli, ofẹn mu ọi, ọ rẹ tamai, ''E mia miẹi sir?" Ọ langẹli rẹọi, ''Erọmọin sẹ bi họmohan sẹ zelẹsọn gbe lodẹ okhumu bi aeyere vbodao soselebua. ⁵ Vbi na zagbọn lodẹ Joppa lei eti ọmọhe la etiọi Saimọni Pita. ⁶ Ọ dehia kpẹn Tanner la etiọi saimọni loa sọe ri vbegbẹda lọkhua (olokun). ⁷ Ọlagẹli ke khuaegbe, Cọrnelius da eti oguomadia sọe eva bi igbalegbe ọkpa vbele bia rekhaoin ⁸ Cornelius tamaẹn emi erẹmẹ, O da zeaẹn lodẹ jọppa. ⁹ Elabi aogo ekhan sukpẹ ẹ li zeva, le ke rẹ rivbukpodẹ sikẹ ọlevboi, Pita hẹokhumu ọ lerọmọn. ¹⁰ Ohami rẹgbọi, ọ da fẹẹ ebọe, ama ebe kei yebae, ọ rẹ miẹo, ¹¹ ọ miẹi okhumu tuzea, eba hiẹ emiọn vade vbotọi emi lọ kakabọ gba vade vbotọi, adiukpi-i ọvbehọ odenẹ sọe. ¹² Vbẹ kẹoin ueami ọdọdan vbọ lagbọna rẹ sẹ vbefiami. ¹³ Ẹghẹ ẹn, uruin niọi tẹmọi, ''akhore, Pita, gbe lu e.'' ¹⁴ Ama Pita tai, ''Izọkọ, ọlọmọẹin; uẹin khi sẹ emi lọifuan ghe.'' ¹⁵ Ọluruin chie gbo vare zọi ugbọzeva; ''Eboselebua khiẹa, kha kie etiọi ọlọgbiuan.'' ¹⁶ Ọna sunu Igilea, a da siọlẹmi ovbokhumu. ¹⁷ Lọ li miẹoi kerẹ mui Pita eo kuere, eba rẹi ta, Imọhe li Cornelius zei muzain vbe za khian ovbugba, la rẹ rọloa maẹn. ¹⁸ Emiain sa-an Saimọn Pita dehia. ¹⁹ Ebi Pita sisẹ o o uhọmọn, Eti rẹ tamai, ''kao wọi, Imohe ea fẹẹ. ²⁰ Akhọre, dotọi re, rẹkhaẹn, kha o ọi, ọhiọ ẹmẹi zeaẹn''. ²¹ Pita sotọi, ọ rẹaẹn, ''Ẹmẹi vba fẹẹ. Emi vba rẹ vare?'' ²² E tai, ''ọlọrigbalegbe khian la etiọi Cornelius, ọlọfuain lọ rọkhai loselebua, luhomuroo erẹmẹ si Jusi tegbegbẹmọi sọe, angẹli lọfuain Sosẹlẹbua tamai lọi etiẹ, luọda kpitan mai.'' ²³ Pita da hiẹaẹn ovboa. Eyeọkpa sukpẹ ẹ li zeva, Pita bi imiọin eso da rẹkhaẹn da vbi Joppa lodẹ. ²⁴ E di Pita ke rẹ ukpẹ ẹ liọ. Cornelius etimọ ọi bi elesikẹai erẹmẹ koko amuzan khẹ Pita. ²⁵ Ẹghẹ li Pita ke rẹ vare, Cornelius deuhọmọn rẹ ruọi. ²⁶ Ama, Pita muọi akhọre, ọ tamai, "akhọre, ọmọhe I gboi u." ²⁷ Pita ke niọin tẹmọi, Ọ oi vbẹkẹoa gare agbọn sikoko. ²⁸ ọ tamaẹn, "Ivba vbọ ẹin khuhi di Ọivbi Jusi rẹlẹ zi uhọmuroo ọvbei. Ama Osẹlẹbua rẹmanẹ li kha etioya ọvbei lọi fuan. ²⁹ Ọẹn ọzẹi li da vare, li rẹ mielaze rẹmẹ. Vbina I miai vba, emi vba da etiemẹ?" ³⁰ Cornelius da tamai, ẹ ẹ ọsikpẹẹ ene, vbọ leghẹ laghe rina, I lerọmọn elabi aogo Isi-in vboa mẹ, I miẹi omohe muzain vbodao mẹ bikpọn lọ hian ovbẹo. ³¹ Ọ tai, 'Cornelius, Oselebua herọmọn sẹ bi Ihọmohan lu u lelẹson gbe roselebua yeẹre. ³² Zọya lodẹ Jọppa, lọi eti ọmọhe la etiọi Saimọni, agbo etioi Saimọni, agbo etioi Pita. Ọ rivboa si Tanner la etiọi Saimọni, vbegbẹda lọkhua ọ kha vare, ọ niẹ tẹmoi. ³³ Isọkpa en, ọẹin rẹ zuhọmọn rẹ. U fuẹkẹin lu rẹ vare. Vbi na sizọ, Imai erẹmẹ siegbe koko vbo daosẹlẹbua, li mai ọrẹhọn ebọmọẹin ọwẹ lu ta.'' ³⁴ Pita da taunua ta, ''Ata, I dawe Oselebuai uizọ deba dabi họya ọ, ³⁵ etiẹn, vbuhomuroo ọdeọde, ọlọ rọkhai nai, ọ uemi ọfuan, ọẹn miẹ yama. ³⁶ Uẹin uhọmọn lọ zerẹ ekhẹin Israeli, lọrẹ regbegbo wewe sọfure khian vbobọ si Jesu kristi lọ uọlọmọagbọn erẹmẹ. ³⁷ Ivba vbọ ẹn ebe sunu, lamiẹin vbotoi erẹmẹ si Judia, lọ bẹẹi vbi Gelili, ẹghẹ li Jọni rẹ wewe Isame; ³⁸ emi rẹzi Jesu si Nazaret, eboselebua revbi ọi vbuhọmọn bi Eti lọfuan bi ahu. Ọ hian hian auebehọmọn, muagbọn egbe daan lesun kpokpo, ọhiọ Osẹlẹbua debai. ³⁹ Ẹo mai sẹi vbemi erẹmẹ li Jesu ui, vbotoi si Jusi bi Jerusalemu. E gbeọia, ebei muọi khuan vbohumoran, ⁴⁰ ama, Osẹlẹbua khuaeọi ukpẹ ẹ li zea, ọ da rọi ma, ⁴¹ ọi uagbọn erẹmẹ ama elẹo siaẹn sẹi losẹlẹbua kpẹ zẹ-Imai le debai ebae, amen lọ rẹ akhọ vbidin remẹ. ⁴² Ọ tama mai akhian ọwewe, Imai rọsẹi ọvbọ khọ na Osẹlẹbua zẹi lọ guẹzọ selerivbọ bi eleubloi. ⁴³ Ọẹn ohẹin erẹmẹ uarẹkan sọe, la da miẹ, ọlọi miẹ,Ọlọi miẹhọn, ọmin arẹhọmọn sọkhọọ vbe i-in sọe." ⁴⁴ Ebi Pita sẹghe tẹmọi, Eti lọfuan da o eledaehọ vbegbe. ⁴⁵ Elehiehọn eso le tẹmọi omuẹẹ bi elerekhan pita vare re yunua, ọhiọ, ihọmohan seti lọfuan vare zi Gentiles. ⁴⁶ E họin khe li Gentiles zuroo ọdọdan, ẹ rọkhai Losẹlẹbua. Pita da ayẹn, ⁴⁷ Amiọ lọ ta la kha samẹ le lẹvboi na, ẹvboi lemi eti lọfuan ebi mai miẹ?" ⁴⁸ Ọ da samẹ niaẹn vbei-in si Jesu kristi. E rẹ tamai dehia kpẹaẹn vbikpẹẹ eso.