1
Paulusi, Silvano, ne Timoteya ku nkereke ya Batesalonika ka Nyambe Shwetu no Nfumu Jeso Kiresite. E chishemo ne mpore zibe nenwe.
2
Tuna kuha o buitumelo kwa Nyambe kebaka lyenu mwenshe, shinaho tuna kumi kuwanga mwi ntapero zetu.
3
Tu azyare twati reki habuso bwa Nyambe ne Tata wetu e mitendo yenu ye ntumero, mitendo ye rato, ne nsepo yoku lindira kezo zishikezya ku Nfumu wetu Jeso Kiresite.
4
Bayawe enwe mu shakiwa kwa Nyambe, tuzyi ye namiketa,
5
kakuli o burumiwa bwetu kali ke zywii bulyo nibwa kezya, kono nika manta, mu Ruho Ruchenete, nike nkorwisiso hawa. Kenjira iswana, nenwe hape muzyi ye katuli bantu bobuti mukati kenu ke baka lyenu.
6
Nimwa ba a bantu batu ziiza ni bo Nfumu, shinaho nimwa wana ezywi ko bukukutu ne mboterwa ku Ruho Ruchenete.
7
Kabulyaho, nimwa ba o mutala kubonshe mwa Masedonia nibena Acha abo bazumina.
8
Kakuli okuzwa kwenu zywi lyo Nfumu nilya lira, mi kali mwa Masedonia ne Acha bulyo. Kono, mu chibaka chonse omo niyaya e ntumero yenu kwa Nyambe. Kabulyaho, kwaazya echo tubotere o kuamba.
9
Kakuli abo beni baha e mbuzi ye mukezyero nji katu kwesi mukati kenu. Ba amba buti nimwa zokera kwa Nyambe okuzwa kwi mizimu kuku berekera Nyambe ozywa hara niwe niti.
10
Baha e mbuzi yokuta ye mulindire Mwane o kuzwa ku wiru, ozyo na busa ku bafu. Ozyu ndi Jeso, ozywa turukurura ku bukali obo bukezya.