chapter 1
1
ಕಿಸ್ಥಡ ಯೇಸುಲಹುಂಡ ಜೀವ ವಾಗ್ದಾನ ಪ್ರಕರಂಗ ದೆಹುಡ ಚಿತನಿಂಕ ಯೇಸು ಕಿಸ್ಥಡ ಅಪೊಸ್ತಲದೈನ ಪೌಲಅನೆ ನೇನು
2
ನಾ ಅತಿ ಪ್ರಿಯ ಕುಮಾರುದೈನ ತಿಮೊತಿಯಡ್ಕಿ ತಂಡ್ರಿಯಹಿನ ದೆಹುಡನಿನ್ಕ ಮಾ ಕರ್ಥದೈನ ಯೇಸುಕಿಸ್ಥನಿನ್ಕ ಕೃಪೆಯೂ ಶಾಂತಿಯು ಕಾನಿ.
3
ನೇನು ಪೊಗಳು ರಾತ್ರಿ ನಾ ಪ್ರಾಥನೆಲ ಮಿಮಲ್ನಿ ತಪ್ಕುಂಡ ಜ್ಞಾಪಕ ಚೆಸ್ಕುಂಟನು, ಕಾನಿ ಮಂಚಿ ಮನಾಸಕ್ಸಿಹುನ್ದೊಅಹಿ ನೇನು ನಾ ಪೋರ್ವಿಕಲು ಅನುಸಂಚಿನ ದೆಹುಡನಿ ಸೇವಿಂಚಿ ಸ್ತೋತ್ರಸಲಿಸ್ಥನು.
4
.ನೇನು ನೀ ಕನ್ನಿಲ್ನಿ ಜ್ಞಾಪಕಿ ಎತ್ಕೊನಿ ನಿನ್ನು ಚುಸಿ ಸಂತೋಷoಗ ಹುನಡಲಅನಿ ಅನಿಕೊಂಟನು.
5
ನೀಲಹುಂಡ ನಿಷ್ಕಪಟಮೈನ ನಮ್ಬಿಕಯು ನಾ ಜ್ಞಾಪಕಿ ವಚೆ, ಆ ನಂಬಿಕೆಯು ಮುಂದ್ರ ನೀ ಅವ್ವಅಹಿನ ಲೋವಿಲ ನೀ ಅಮ್ಮ ಅಹಿನ ಯೂನೀಕೆಲ ವಾಸo ಅಹಿಂದಿ ಅನಿ ನೆನು ದೃಡoಗ ನಮ್ಬಿಕೊನನು.
6
ದನ್ನಿಂಕ ನೆನು ನಿಕ ಇಚೆ ಮುಲಕಂಗ ನಿಕಿ ದೊರೆಕಿನ ದೆಹುಡ ವರಮು ಪ್ರಜ್ವಲಿಚತ್ಲ ಸೇಯಲ ಅನಿ ನಿಕಿ ಸೋಪ್ಥನು.
7
ದೆಹುಡು ಮಾಕಿ ಇಚಿನ ಆತ್ಮಬಲಮು ಪ್ರೇಮ ಮಂಚಿ ಬುದ್ದಿನ ಆತ್ಮಕನಿ ದಿಗಿಲು ಆತ್ಮಕಾದು.
8
ಈಟ ಹುನಪುಡು ಮಾ ಕರ್ತಡ ಸಾಕ್ಸಿ ವಿಸಯಮ್ಲ ವಾಡ ಸೆರೆಯೊಡಅಹಿನ ನೇನು ನಾ ವಿಸಮ್ಲ ನುವ ಸಿಗು ಪಡಕುಂಡ ದೆಹುಡ ಬಲಂಕಿ ಅನುಸಂರಗ ಸುವಾರ್ತೆ ನಿಮಿಥಂಗ ಅಹಿನ ಶ್ರಮೆಲ ಪಾಲುದಾರಅಹು .
9
ವಾಡು ಮಾ ಪಾನಿಅನುಸರಂಗ ಕಾದು ವಾಡ ಸ್ವಂತ ಸಂಕಲ್ಪ ಅಮಿಂಕ ಕೃಪೆ ಪ್ರಕರoಗ ಮಾಮಲ್ನಿ ರಕ್ಸಿಂಚಿ ಪರಿಶುದ್ದಮಹಿನ ಪಿಲ್ಚೆ ಮಾಮಲ್ನಿ ಪಿಲ್ಚಿನಡು. ವಾಡು ಲೋಕಮುಉತ್ಪಥಿ ಮುಂದ್ರಯೇ ಆ ಕೃಪೆನಿ ಯೇಸು ಕಿಸ್ಥದ್ಲ ಮಾಕಿ ಅನುಗ್ರಸಿಥಡು.
10
ಇಪ್ಪಡು ಮಾ ರಕ್ಷಕಡು ಅಹಿನ ಯೇಸು ಕಿಸ್ಥಡ ಪ್ರತ್ಯಷ ಮುಲಕಂಗ ದಾನ್ನಿ ವೆಲುಗಿಸ್ಥನು. ಈಡು ಚಾವುನಿ ಪಾನಿ ಲೆಕುಂಡಚೆಸಿ ಸುವಾರ್ತೆ ಮುಲಕಂಗ ಜೀಮ್ನಿ ವೆಲುಗಿಸ್ಥಡು.
11
ದನ್ಕೊಸಮು ನೇನು ಸೊಪೋಡುಅಹಿ ಅಪೋಲೋಸ್ಥದೈಹಿ ಅನ್ಯಜನಲಿಕೊಸಮು ಉಪದೆಸಿನಚೋಡುಅಹಿ ನೇಮಕಐಯನು.
12
ದೀನ್ ನಿಮಿತ್ತನಿಂಕ ಈ ಶ್ರೆಮೆಲ್ನಿ ಪೋದ್ಥ ಹುನ್ನನು. ಕನಿ ಸಿಗ್ಗು ಪದಲೆದು; ಯಂದುಕಂಟೆ ನೇನು ನಮ್ಬುನ್ಡೂಡು ತೆಲಸು. ನೇನು ವಾಡ್ಕಿ ಒಪಿಚಿಂದನಿ ವಾಡು ಆ ರೋಜನ್ಮ್ನಿ ಕಪಡೆದಂಕಿ ಬಲಂ ಹುನೋಡುಅನಿ ದ್ರುಡoಗ ನಮ್ಬಿಕೊನನು.
13
ನುವ ಕಿಸ್ಥಯೇಸುಲ ಹುಂಡ ನಮ್ಬಿಕೆನಿ ಪ್ರೆಮಯು ಹುಂಡೂಡುಅಹಿ ಇನಿನ ವಾಕ್ಯಲ್ನಿ ಬದ್ರಂಗ ಪೊಟ್ಕೋ.
14
ಮಾಲ ಜೀವಿoಚೆ ಪವಿತ್ರಾತ್ಮ ಮುಲಕಂಗ ನಿಕಿ ಒಪಿಂಚಿ ಆ ಮಂಚಿದನಿ ಚೇಹಿ ಕಾಪಾಡು.
15
ಆಸ್ಯ ಸೀಮೆಯಹುಂಡೂಲಂದುರು ನನ್ನೀ ಹುಡ್ಸಿ ಪೋಯ್ಲಿಅನಿ ನಿಕಿ ತೆಲಸು ವಲ ಆಸ್ಯ ಸೀಮೆಯಡು ಹುನ್ನಳು.
16
ಒನೇಸಿಫೊರಡ ಇಟೂoಡಕಿ ಕರ್ತಡ ಕರುಣೆ ಸುಪಿನ್ಚನಿ. ಯಂದುಕಂಟೆ ವಡು ಅನೇಕ ಸಾರಲು ಉತೆಜನ ಪಡಿಂಚಡು. ನಾ ಬೇಡಿಲ್ಕಿ ಸಿಗ್ಗು ಪಡ್ಲೆದು.
17
ಅಹಿನ ವಾಡು ರೂಮ್ಲ ಹುನ್ನಪುದ್ಡು ಶ್ರದೇನಿನ್ಕ ನನ್ನು ಪುಡಿಕಿಕೊನೆ.
18
ವಾಡು ಆ ದಿನಮ್ಲ ಕರ್ತಡ ಕರುಣೆನಿ ಕಂಡಕೊನಕಿ ಕರ್ತಡು ವಡ್ಕಿ ಇಚಡು. ಇಫೆಸಲ ನಾಕಿ ಎಂತೋ ಉಪಚರಂ ಚೆಸಡುಅನಿ ನಿಕಿ ತೆಲಸು.