¹ ಕಿಸ್ಥಡ ಯೇಸುಲಹುಂಡ ಜೀವ ವಾಗ್ದಾನ ಪ್ರಕರಂಗ ದೆಹುಡ ಚಿತನಿಂಕ ಯೇಸು ಕಿಸ್ಥಡ ಅಪೊಸ್ತಲದೈನ ಪೌಲಅನೆ ನೇನು ² ನಾ ಅತಿ ಪ್ರಿಯ ಕುಮಾರುದೈನ ತಿಮೊತಿಯಡ್ಕಿ ತಂಡ್ರಿಯಹಿನ ದೆಹುಡನಿನ್ಕ ಮಾ ಕರ್ಥದೈನ ಯೇಸುಕಿಸ್ಥನಿನ್ಕ ಕೃಪೆಯೂ ಶಾಂತಿಯು ಕಾನಿ. ³ ನೇನು ಪೊಗಳು ರಾತ್ರಿ ನಾ ಪ್ರಾಥನೆಲ ಮಿಮಲ್ನಿ ತಪ್ಕುಂಡ ಜ್ಞಾಪಕ ಚೆಸ್ಕುಂಟನು, ಕಾನಿ ಮಂಚಿ ಮನಾಸಕ್ಸಿಹುನ್ದೊಅಹಿ ನೇನು ನಾ ಪೋರ್ವಿಕಲು ಅನುಸಂಚಿನ ದೆಹುಡನಿ ಸೇವಿಂಚಿ ಸ್ತೋತ್ರಸಲಿಸ್ಥನು. ⁴ .ನೇನು ನೀ ಕನ್ನಿಲ್ನಿ ಜ್ಞಾಪಕಿ ಎತ್ಕೊನಿ ನಿನ್ನು ಚುಸಿ ಸಂತೋಷoಗ ಹುನಡಲಅನಿ ಅನಿಕೊಂಟನು. ⁵ ನೀಲಹುಂಡ ನಿಷ್ಕಪಟಮೈನ ನಮ್ಬಿಕಯು ನಾ ಜ್ಞಾಪಕಿ ವಚೆ, ಆ ನಂಬಿಕೆಯು ಮುಂದ್ರ ನೀ ಅವ್ವಅಹಿನ ಲೋವಿಲ ನೀ ಅಮ್ಮ ಅಹಿನ ಯೂನೀಕೆಲ ವಾಸo ಅಹಿಂದಿ ಅನಿ ನೆನು ದೃಡoಗ ನಮ್ಬಿಕೊನನು. ⁶ ದನ್ನಿಂಕ ನೆನು ನಿಕ ಇಚೆ ಮುಲಕಂಗ ನಿಕಿ ದೊರೆಕಿನ ದೆಹುಡ ವರಮು ಪ್ರಜ್ವಲಿಚತ್ಲ ಸೇಯಲ ಅನಿ ನಿಕಿ ಸೋಪ್ಥನು. ⁷ ದೆಹುಡು ಮಾಕಿ ಇಚಿನ ಆತ್ಮಬಲಮು ಪ್ರೇಮ ಮಂಚಿ ಬುದ್ದಿನ ಆತ್ಮಕನಿ ದಿಗಿಲು ಆತ್ಮಕಾದು. ⁸ ಈಟ ಹುನಪುಡು ಮಾ ಕರ್ತಡ ಸಾಕ್ಸಿ ವಿಸಯಮ್ಲ ವಾಡ ಸೆರೆಯೊಡಅಹಿನ ನೇನು ನಾ ವಿಸಮ್ಲ ನುವ ಸಿಗು ಪಡಕುಂಡ ದೆಹುಡ ಬಲಂಕಿ ಅನುಸಂರಗ ಸುವಾರ್ತೆ ನಿಮಿಥಂಗ ಅಹಿನ ಶ್ರಮೆಲ ಪಾಲುದಾರಅಹು . ⁹ ವಾಡು ಮಾ ಪಾನಿಅನುಸರಂಗ ಕಾದು ವಾಡ ಸ್ವಂತ ಸಂಕಲ್ಪ ಅಮಿಂಕ ಕೃಪೆ ಪ್ರಕರoಗ ಮಾಮಲ್ನಿ ರಕ್ಸಿಂಚಿ ಪರಿಶುದ್ದಮಹಿನ ಪಿಲ್ಚೆ ಮಾಮಲ್ನಿ ಪಿಲ್ಚಿನಡು. ವಾಡು ಲೋಕಮುಉತ್ಪಥಿ ಮುಂದ್ರಯೇ ಆ ಕೃಪೆನಿ ಯೇಸು ಕಿಸ್ಥದ್ಲ ಮಾಕಿ ಅನುಗ್ರಸಿಥಡು. ¹⁰ ಇಪ್ಪಡು ಮಾ ರಕ್ಷಕಡು ಅಹಿನ ಯೇಸು ಕಿಸ್ಥಡ ಪ್ರತ್ಯಷ ಮುಲಕಂಗ ದಾನ್ನಿ ವೆಲುಗಿಸ್ಥನು. ಈಡು ಚಾವುನಿ ಪಾನಿ ಲೆಕುಂಡಚೆಸಿ ಸುವಾರ್ತೆ ಮುಲಕಂಗ ಜೀಮ್ನಿ ವೆಲುಗಿಸ್ಥಡು. ¹¹ ದನ್ಕೊಸಮು ನೇನು ಸೊಪೋಡುಅಹಿ ಅಪೋಲೋಸ್ಥದೈಹಿ ಅನ್ಯಜನಲಿಕೊಸಮು ಉಪದೆಸಿನಚೋಡುಅಹಿ ನೇಮಕಐಯನು. ¹² ದೀನ್ ನಿಮಿತ್ತನಿಂಕ ಈ ಶ್ರೆಮೆಲ್ನಿ ಪೋದ್ಥ ಹುನ್ನನು. ಕನಿ ಸಿಗ್ಗು ಪದಲೆದು; ಯಂದುಕಂಟೆ ನೇನು ನಮ್ಬುನ್ಡೂಡು ತೆಲಸು. ನೇನು ವಾಡ್ಕಿ ಒಪಿಚಿಂದನಿ ವಾಡು ಆ ರೋಜನ್ಮ್ನಿ ಕಪಡೆದಂಕಿ ಬಲಂ ಹುನೋಡುಅನಿ ದ್ರುಡoಗ ನಮ್ಬಿಕೊನನು. ¹³ ನುವ ಕಿಸ್ಥಯೇಸುಲ ಹುಂಡ ನಮ್ಬಿಕೆನಿ ಪ್ರೆಮಯು ಹುಂಡೂಡುಅಹಿ ಇನಿನ ವಾಕ್ಯಲ್ನಿ ಬದ್ರಂಗ ಪೊಟ್ಕೋ. ¹⁴ ಮಾಲ ಜೀವಿoಚೆ ಪವಿತ್ರಾತ್ಮ ಮುಲಕಂಗ ನಿಕಿ ಒಪಿಂಚಿ ಆ ಮಂಚಿದನಿ ಚೇಹಿ ಕಾಪಾಡು. ¹⁵ ಆಸ್ಯ ಸೀಮೆಯಹುಂಡೂಲಂದುರು ನನ್ನೀ ಹುಡ್ಸಿ ಪೋಯ್ಲಿಅನಿ ನಿಕಿ ತೆಲಸು ವಲ ಆಸ್ಯ ಸೀಮೆಯಡು ಹುನ್ನಳು. ¹⁶ ಒನೇಸಿಫೊರಡ ಇಟೂoಡಕಿ ಕರ್ತಡ ಕರುಣೆ ಸುಪಿನ್ಚನಿ. ಯಂದುಕಂಟೆ ವಡು ಅನೇಕ ಸಾರಲು ಉತೆಜನ ಪಡಿಂಚಡು. ನಾ ಬೇಡಿಲ್ಕಿ ಸಿಗ್ಗು ಪಡ್ಲೆದು. ¹⁷ ಅಹಿನ ವಾಡು ರೂಮ್ಲ ಹುನ್ನಪುದ್ಡು ಶ್ರದೇನಿನ್ಕ ನನ್ನು ಪುಡಿಕಿಕೊನೆ. ¹⁸ ವಾಡು ಆ ದಿನಮ್ಲ ಕರ್ತಡ ಕರುಣೆನಿ ಕಂಡಕೊನಕಿ ಕರ್ತಡು ವಡ್ಕಿ ಇಚಡು. ಇಫೆಸಲ ನಾಕಿ ಎಂತೋ ಉಪಚರಂ ಚೆಸಡುಅನಿ ನಿಕಿ ತೆಲಸು.