¹ Yesu na lugha eghi,na ghenda munsi yabho. wakwamilili bhe bhamukwama. ² Obhu sabatu yaikeye,atandika kweghesiya omusinagogi; bhantu bhakaniye obhu waghuye bhakasweka,na mbabhugha:Oni aiye haa bhintu bhini?Nikwetegheleliyaki ahebheuwe oni?na bhini ni bhukoluwa bhya kolohuwe na ngalo siye? ³ Oni tali mulandi,mutabhani wa malia,lughanda lwa Yakobo,Yose,Yuda na Simoni?Na bhaanina bhe tali hamui natu?Na bhwa bhagha bhwele bhwabho bhwa kwe genga. ⁴ Noo Yesu abhaghambhila ati:Mulangi tali na kitinisa omunsi yabho,na mubhabhyaye bhe,na munumba yee. ⁵ Tagubiye kukola ala na kyokuswekaniya na kimui,itabhaye akumiye engalo siye abhalwaye bhamwibhamwi abha kiliya. ⁶ n'akasweka akutaikilija.Yesu ak'elighililiya mumapkengu gha mibili n'eghesiya. ⁷ dumbi abhilikila abha ekumi nabhabhili,n'atandika kubha sindika bhabhili-bhabhili,na kubhaha bhutoki omu myoyo sita ikilijiye. ⁸ Abhatanga kuheka ntanda yona,itabhaye nkoni;muta bha na mugati,na n'sahu,na sente mumuchipi; ⁹ kyonkaa mwebhohe bhilato,na muto lwala nkanji ebhili. N'abhaghambila:Munumba yona eghi mwataiyemum,mughikalemu kulundwa muli kuka. ¹¹ Na,niyabhayo hona mbali bhantu bhata kubhaliya na kubenga kubhategheleliya,mulugheyo,na mukunkumule nsyano y'ensi ya maghulu ghanu,n'obhu bhubhe bhukaiso ewabho. ¹² Bhaghenda,na bhalanga kwekukamu. ¹³ Bhakahuma milimu sikaniye,na bhaka sigha ma gita bhalwaye bhakaniye na bhaka bha kiliya. ¹⁴ Mukama Herode aghuwa makulu gha Yesu,oghu lina liye lyamanukuwe,n'abhugha:Yohana mubatiji ahumbukiye omumiku,n'abhwebhi n'ewe akukola bhikoluwa bhiye. ¹⁵ Bhanji bhaghila bhati:Ni Elia.Na bhanji bhaghila bhati:Ni mulangi ng'omui wa bhalangi. ¹⁶ Noo Herode,oghu aghuye ebhi,aghila ati:Ni Yohana oghu najindiye,niye ahumbukiye. ¹⁷ Kundi Herode enini aka kwata Yohana,n'aka mubhoha munkomo,nanga Herodia muli wa Pilipo,manwa nina wee,nanga aka muswela. ¹⁸ Na Yohana amughilagh'ati:Tikikusimilaniye kubha na muli wa manuwa nina wawe. ¹⁹ Herodia aka salilwa na Yohana,n'abalagha kumwitisiya. ²⁰ Noo tagubiye;nanga Herode obhagha Yohana,akali amukengiye nga musasa wamajima na kusena;akali amulindiye,n'obhu amughuye,akabha na kyeyuingo,akamutegheleliya na kudeduwa. ²¹ Nibhuo,kya toye kilo kya kukuha,obhu Herode,ajughujiye kilo kiye kya kubhyaluwa,abha kolela kighenu bhakulu bhee,na mwengei wa bhasilikali na mubhantu bha bhitinisa bha Galilaya; Mwala wa Herodia ataha mbali kighenu kili;Abhina n'adeda Herode n'abha ali nabho.mukama aghila ati mana bhukali;Unsabhe eki ukubala,na nkukuha kiyo. ²³ Atoda kumughambila na kulaila;Kyona eki ukunsabha nikukuha kiyo,nakaba kihande kya bhukama bhwanje. ²⁴ Obhu atoye anhuliya nini wee mbiki ni kumusabha?Na nina wee amukukamu;Mutuwe ghwa Yohana mubaji. ²⁵ Dumbi ataha ewa Mukama,na asabha na ghila ati:Nibaliye umpe mutuwe ghwa Yohana mubatiji. ²⁶ Mukama asughala;Noo bhwa kulaila kwee,n'abhwa bha sitamiye mukighenu,tabali kumubengela. ²⁷ Asindika dumbi mulindi omui,na kumulaghila alete mutuwe ghwa Yohana mubatiji. ²⁸ Mulindi aghenda kusala Yohana munkomo,n'aleta mutuwe asalani.aghuha mana bhukali na mana bhukali aghuha nina wee. ²⁹ Bhakwenda bha Yohana,obhu bhaghuye makulu bhakaasila mubhili ghuwe,na mba ghujika. ³⁰ Bhalangi,bhagumbagumbana na Yesu,bhamughambila bhyona ebhi bhakoliye na bhyona ebhibhegheseiye. ³¹ Yesu abhaghambila:Mwise apkembgu mu lwelele.Nanga akali aliyo bhamtu bhakaniye bhasaghana na bhakuka,na tabhabhagha na bhwele bhwa kuliya. ³² Bhaghenda omubhwati,bhwa kughenda omulwelele. ³³ Bhantu bhakaniye bhaka bhabhona mbaghenda na bhakabhakenga,n'omukibhugha kyona bhaligitagha na maghulu na bhasanganagha akikalo mbali bhaghendagha. ³⁴ Obhu bhalughiye mubhwati Yesu aka bhona bhantu bhakaniye,n'akakwatuwa ngughuma swabho,nanga bhakabha bhali nga ntama sitali na mulindi;Na tandika kubheghesiya bhintu bhikaniye. ³⁵ ngoku bhyalimbualiye,bhakwamilili bhee bhamwebhinga, na bhamughila bhati: ni lwelele na bhwele bhwaliye; ³⁶ ubhalaghe bhaghende mu misili na mumili sya hayihayi bheghulile bhyokuliya. ³⁷ Yesu abhakukamu ati: mubhahe enuwe bhonini bhyokuliya. noo bhamukukamu bhati:tuku ghenda kughula migati na sente maghana abhi,na singutuika? ³⁸ Na abhaghambila:muli na migati sitiya?Mughende mulole.Obhubhakengiye,na bhakamukukamu bhati:Etanu na nsui ebhili. ³⁹ Abhweki abhalaghila kubhasitamiya bhibula bhibula abhisingo, ⁴⁰ kandi bhakasitama mubhibula bhya bhantu kikumi na makumi atano. ⁴¹ Akakwata migati etano na nsui ebhili na, alola eghulu, asisabhila. Dumbi, abega migati, na asiha abhaghesebhuwa bhe, nikuwo bhasighabhiye kibula. Ne nsui esi ebhili abhatambuliya siyo bhona. ⁴² Bhona bhaliya na bhakuta, ⁴³ na bhaleta bhisolo ekumi na bhibhili bhisuye bhutwikatwike bhwa migati n'obhwatighayaye bhwe nsui. ⁴⁴ Abhaliye migati bhakabha bhali bhantu nkumi tano. ⁴⁵ Unuma dumbi, alaghila bheghesebhuwa bhe bhanine mubhwati na bhadume bhaghende luhande lunji , lwa Betesaida, obhweli obhu eye abhagha nalagha ekibula. ⁴⁶ Obhu amaliye kulagha, aghenda amwena, kusabha. ⁴⁷ Lwagholo obhubhu lwahikiye, obhwati bhukali bhunali agati ya nanja, na Yesu akabha ali enkaha aansi. ⁴⁸ Akabhona bhali na bhijibhu bhikaniye bhya kubasuka; nanga muwegha ghwaghenda nambali bhakwete kulugha. Bhalihai kumala mpongo ya kanaa, naghenda mbali bhali, alubatangilagha eguli ya nanja, na abalagha kubhasala. ⁴⁹ Obhu bhamubhone nalubatanga eguli ya nanja, bhamana bhati nkilimu, na bhatandika kutakangana; ⁵⁰ nanga bhona bhakabha bhamubhone, na bhakeyunga. Dumbi Yesu abhugha nabho, na abhaghila: musadikye, nisiye, mutabha na bhwobha! ⁵¹ Dumbi nanina mbali bhali mubhwati, na muwegha nguleka. Mbabha nabhwona na mbasweka munu; ⁵² nanga tabhakengiye maano ghe migati, nanga mitima yabho ekabha yomakakane. ⁵³ Amamala kubasuka nanja, mbaghenda mukyalo kya Genezaleti, na bhagimiya bhwati bhwabho akisiyo. ⁵⁴ 0bhu bhalughiye mubhwati, bhantu, dumbi mbakenga Yesu, ⁵⁵ bhaghenda omubhwalo bhona, na bhatandika kuleta bhalwaye amalili, hona nambali bhaghwilagha Yesu ali. ⁵⁶ Honahona nambali Yesu akigagha, mumibili, omubhibhugha keda mubhyalo, bhantu bhatagha bhalwaghe bhabho abhikalo bhya bhantu bhona, na bhamusabha abhasimilaniye bhakume kwonkaha alughoye luwe. Na bhona abhalukumagho bhakilagha.