¹ Mbabasuka luhanda lunji lwa nanja, omu kyalo kya " Gaderiniens". ² Obhu Yesu alughiye mu bhwati, nabhona omumaso ghe musasa oghu kiilimu kikwetwe. ³ Musasa oghu abhagha na ka yee nambali bhakujikagha bhantu na muntu tangugubiye kumubhoha nakali na mpingo. ⁴ Nanga bhunji na bhunji abhagha na bhyoma omumaghulu na akali abhohewe na njeghele, noo akatuhakaka bhyoma n'enjeghele, na muntu nomui tabhagha na mani gha kumukwata. ⁵ Akalagha, kilo na kisana, omubhitulo na mumyena, mna takangana kandi n'ejombaga na mabhale. ⁶ Akabhone Yesu aseliye, naaligita, nateliya omumaiso yee, ⁷ Naataka na mumelo ghunamulito munu: Yesu mana wa Luhanga w' eghulu munu mbiki bhili agati yanje nawe? Nkusabhiye mulina lya Luhanga, otambonabhoniya. ⁸ Nanga Yesu akighambila ati: otuwe omumusasa oghu, uwe kilimu! ⁹ Kandi, Yesu akibhuliya ati: lina lya we nuwani? kyamukukamu kiti nisyoni kigambi nanga tukaniye. ¹⁰ N'esengeleliya Yesu atahuma ebhilimu enja ya kkyalo. ¹¹ Amwena oghu, bhukali bhuliyo bhuhiyo bhwa mpunu asyaliyagha. ¹² N'ebhilimu bhya mwesengeleliyagha bhiti: otusindike mwesi mpunu, nikuywo tusitahemu. ¹³ Nabhisimilaniya. N'ebhilimu mbilughoo omusasa oghu mbitaha mumpunu, na bhuhiyo bhwa mpunu hai nkumi ebhili, syaligita na sya dikila omu nanja. ¹⁴ Abhalisiyagha mpunu esi bhaligita mukibhugha n'omumubili, mbanaha makulu. Bhantu mbaghenda kulola ebhyabhayoo. ¹⁵ Obhubhakidiye mbali Yesu ali, mbabhona omusasa w'ebhilimu, oghu akabha ali mubhuhiyo, asitamiye, aluhete, mubhusemeye, mbabha na bhwobha. ¹⁶ Abhabhone ebhyabhagho omusasa wa bhilimu n'empunu, mbaghambila bhantu abhasiyoo. ¹⁷ Dumbi bhatandika kwesengeleliya Yesu alughe mukwalo kyabho. ¹⁸ Nguku Yesu aninagha mubhwati, omusasa oghu bhilimu bhyali bhikwete amusabha kilaghilo kyakukala naye. ¹⁹ Yesu amubengeleliya, noo amughila ati: oghende omwawe, omubhawe, na obhaghambile bhyona ebhi Mukama akukoleye, kandi nanguku akughaniye. ²⁰ Naghenda, nawanja kuha makulu omutahuni ya Dekapoli bhyona ebhi Yesu amukoleye. Bhantu bhona bhasweka. ²¹ Yesu omubhwati abasuka luhande lunji lwa nanja, mbali kigamba kikaniye kya bhantu kyali kigumbane. Akabha ali akpengu ya nanja. ²² Nibhuo, omui wa bhakama bha Sinagogi, lina liye Yailo, oghu, obhu amubhone, n'ekubha mumaghulu ghe. ²³ Namwesengeleliya ati: muhala wanje ali ampiko, wise omutoho mikono, nikuwo akile kandi atunge bhwomili. ²⁴ Yesu naghenda na Yailo. Na kigambi kyamani kya bhantu kya ghenda kimugumbiye. ²⁵ Kuni, abhagho mukali oghu akabha ali na bhulwaye bhwa kuhuamu samagha kuhila myaka ekumi n'ebhili. ²⁶ Akabhonabhonela mumikono sya bhagegi bhakaniye, akabhuliya kyona eki abhagha nakiyo, na tatungiye kujunuwa kwona, noo akaghenda nanasabha. ²⁷ Amakaghuwa mbakumiya Yesu, omukali oghu nasila enuma syakigambi, kandi nakuma elughoye luwee. ²⁸ Nanga abhughagha ati: nguli nakumiye kwonka anjungu yee, ningu kiliye. ²⁹ Nahonaho, samagha neleka kuseseka, kandi n'ehighuwa akiliye. ³⁰ Yesu nihighuwa ala onini mani ghamukehiye mumubhili, na egaliya agati ya kigambi, abhuliya ati: nani akumiye njungu syanje. ³¹ Abheghesebhuwa bhe bhamughila bhati: obhone ngoku kibula kya bhantu kikukweme, otoda obhuliya oghu akukumiyo? ³² Dumbi nalolakaka, kulola oghu akamukumoo. ³³ Obhu omukali akengiye ekyamubhaghoo, naatukumila, n'ekubha mumaghulu gha Yesu, namughambila majima ghona. ³⁴ Noo Yesu amughila ati:muhala wanje, nikilija yawe ya kujuniye; oghende omubhusinge, kubhona kwawe kwa hoye. ³⁵ Nanabhugha, bhantu bhasa kulugha ewa mukama wa Sinagogi abhaghila bhati: muhala wawe akuye; abhweki notalibhaniya munu mmweghesiya? ³⁶ Kyonkaha Yesu, atakwamangane nebhi bhighambo, naghambila omukama wa Sinagogi ati: otobhaha kantu, wikilije kwonkaha. ³⁷ Kandi tasimilaniye muntu kumuhelekeleliya, akakubha atali Petelo, Yakobo na Yohana nduku wa Yakobo. ³⁸ Bhakakidiye munumba gha Mukama wa Sinagogi, nambali Yesu abhone bhantu bhakaniye mbalila kandi mbatakangana. ³⁹ Yesu na taha munumba, abhaghila ati: abhwaki mukwete kulila, nibhu mukolekana mutiyo bhwaki? Omwana oni takuye, noo awesaghiye. ⁴⁰ Bhantu mbamusekelela. Kyonkaha, atwesye bhantu bho atighalamu na ese na nina bha manabhukali oghu na bheghesebhuwa bhe bha satu, kandi bhataha mbali bhalangaiye omuku ghwa muana oghu. ⁴¹ Yesu namukwata amukono, amughila ati: "Talitha Koumi" ,ekimanikisiye: manabhukali, omuke, nakughambiye. ⁴² Dumbi manabhukali amuka, kandi nawanja kulubatanga; nanga abhagha na myaka ekumi n'ebhili. Abhabhyaye bhe na bheghesebhuwa bhakala bhaswekiye. ⁴³ Yesu abhakonkomelela ati bhataghambila muntu n'omui ebhyabhayo. Dumbi aghila abhabhyaye bha manabhukali oghu ati bhamuhe bhiliyo.