¹ Ogu wena anyakukwikiriza Yesu nuwe Kristo azairwe Ruhanga, n'ogu wena agonza nyakumuzara agonza kandi oli ayamuzaire. ² Ntumanya ngu ntugonza abana ba Ruhanga, obworaba tungonza Ruhanga, kandi tuteka omunkora ebiragirobye. ³ Habwokuba okugonza kwa Ruhanga nukwo okwelinda ebiragerobye kandi ebirageriobye tibigumere, ⁴ habwokuba abazarwa na Ruhanga basingura ensi, bunu nubwo obusingusi obukusingura ensi, nukwo okwikiriza kweitu. ⁵ Noha alikusingura ensi, araba atali ogu arikwikiriza ngu Yesu nuwe Mwana wa Ruhanga? ⁶ Nuwe Yesu Kristo ayeizere nameizi n'esagama; tigali maizi gonka, baitu n'esagama, na Moyo nuwe aha obwakaiso ebigambo binu, habwokuba Moyo guli mazima. ⁷ Haroho abasatu baha obwakaiso: ⁸ Moyo, ameizi n'omusahi,banu basatu nibahikirizana. ⁹ Kokuba tutunga obwakeiso obwabantu obwa Ruhanga bukoto, habwokuba obwakeiso nubwo bwamanyisa obw'Omwanawe. ¹⁰ Ogu wena arukwikiriza Omwana wa Ruhanga aina obwakeiso bunu muli uwe; ogu atakwikiriza Ruhanga amufwora muc'ebisuba, habwokuba tali kwikiriza obwakeiso bwa Ruhanga yatutebize Omwanawe. ¹¹ Mbunu obwakeiso, ngu Ruhanga akora obwomezi obutahwaho, n'obwomezi obwe buli mw'Omwanawe. ¹² Anyakwina Omwana aina obwomezi, rutaina Omwana wa Ruhanga, taina obwomezi. ¹³ Nkabahandikera ebigambo binu, nukwo mumanye mwina obwomezi obutahwaho, inywe abali kwikiriza Omwana wa Ruhanga. ¹⁴ Twina okunihera kunu muli uwe ngu kuba tusaba ekintu kyona nkoku gonzakwe natuhura. ¹⁵ Obworaba ntumanya natuhura kyona ekitwamusabire tumazire kukitunga. ¹⁶ Kuba omuntu arora mugenziwe nakora ekibi ekitakumutwara mukufwa, asabe, na Ruhanga n'amugarura obwomezi, haroho ekibi ekikutwara mukufwa baitu tali ekyo ekinkugambaho. ¹⁷ Kutahikira kwona kibi, kandi tiharoho ekibi nkeki ekitakutwara omukufwa. ¹⁸ Ntumanya ogu wena anyakuzarwa na Ruhanga tasisa, beitu ayerinda wenka, kandi omucolya tamukwataho. ¹⁹ Nitumanya tuli baruhanga, kandi ensi yona eri hansi y'omunyanzigwa. ²⁰ Ntukimanya ngu Omwana wa Ruhanga akaija, kandi yatuha amazima, kumanya amazima kandi tuli mumazima Omumwanawe yesu Kristo. ²¹ Anyakuli Ruhanga mazima kandi obwomezi butahwaho. Abana bato mwelinde kuramya ebisisani.