तीतुस 1
1
पौलुसा री तरफा न जो परमेश्वरा रा दास सा होर यीशु मसीह रा चेला सा,परमेशवरा रै चुनेदै लोका रा बशाह, होर तेसा सच्चाई होर भक्ति रै मुताबिक सा l
2
तेसा अनंत जिन्दगी री आशा पेन्धे,जूणी री प्रतिज्ञा परमेश्वरे जो झूठ नेई बोली सकदा हमेशा न केरी सा l
3
पर ठीक बौक्ता पेंधे आपणै वचना रै मुताबिक परचारा रै द्वारा प्रगट केरु, जो आसरे उद्धारकर्ता परमेश्वरा रै हुकमा रै मुताबिक मुम्बे धिनु सा l
4
तीतुसा रै नाँ जो बशाह री सहभागिता रै मुताबिक बचारा न मेरा सचा बेटा सा, परमेश्वर पिता होर आसरै उधारकर्ता मसीह यीशु री तरफा न तौभे ली नुग्रह होर शांति मिलदी रौहे l
5
मैं तैबै तू क्रेता न छौडू की तू बची हुन्दी गल्ला रा सुधार केरे,होर मेरे हुक्मा रै मुताबिक शहरा - शहरा जाईया चेले बै नियुक्त केरला l
6
जो निर्दोष होर एकी लाड़ी रै लाड़ा होले,जुणी रै शौहरू आळै बिश्वासी होले, होर जुणी न गलत कौमा रा दोष नेई होला l
7
किबेकी मुखया बै परमेशवरे रा भण्डारी होणे री तेईए निर्दोष हुआ लोडी; ना हठी, ना झिक केरनुआला, ना पिणु आला, ना मारनु आला, होर ना बुरे कौमा रा लोभी ।
8
पर पाहुणचारी केरनु आला, खरे रा चाहणु आला, सैहन केरनुआला, न्याय केरनुआला, पवित्र होर आपणे आपु बे बशा न केरनुआला।
9
होर विश्वासयोग्य वचना पेन्दे जो धर्मा उपदेशा रै मुतविक सा, मजबुत रौहा; कि खरी शिक्षा सैघे उपदेश देले; होर बैहस केरनु आले रा मुह भी बन्द केरी सकले ।
10
किबेकि बोहु लोका बिना मतलबे रै बैहस केरनुआले होर धौखा देणु आले सी; खास केरिया खतना केरनुआले रै मौझे न ।
11
इन्ना रा मुह बन्द केरु लोडी: ऐ लोका बुरी कमाई री तेईए गलत गल्ला सिखाईया घौरे रै घौर बिगाडे सी ।
12
तिन्ना मौझे न एक माहणु जौ तिन्ना रा भविष्यवणी केरनुआला सा; बोला सा, कि क्रेती लोका हमेशा झुठे, दुष्ट गौरु होर आलसी पेटु होआ सी।
13
ए गवाही सेच्चि सा, तेबे तिन्ना बे सखती सैघै चताऊणी देया केर, कि ते विश्वासा न पक्के होले ।
14
होर ते यहुदिया री कथा काणी न होर तिन्ना रै हुक्मा पेन्दे मना ला सी, ज़े सच्चाई न भट्टकी जा सी ।
15
शुद्ध महाणु री तेईऐ सब चिजा शुद्ध सी, पर अशुद्ध होर अविश्वसी री तेईऐ किछ भी शुद्ध नेई आथि: पर तिन्ना री बुद्धि होर विचार दुऐ अशुद्ध सी ।
16
ते बोला सी, कि आसे परमेश्वरा बे जाणा सी: पर आपणे कौमा न तेई रा इन्कार केरा सी, किबेकी ते गन्दे होर हुक्म नी मनणु आले सी: होर कोई शौणले कौमा रै लायक नी आथी ।