3 अतै जिआं कि पवित्र मणु बणदै हिन्न ता तुसु मन्ज ना व्यभिचार अतै ना कस्सी किस्मां रा अशुद्व कम या लोभ-लालचा री चर्चा तक ना भोआ। 4 ना निर्लज्जलता, ना मूढ़ता री गप्प, ना ठट्ठे री क्जो कि एह गप्पा शोभा ना दिन्दी हिन्न बल्की धन्यवाद ही हुणआ गच्छा। 5 क्जो कि तुसै जाणदै हिन्न कि कसी व्यभिचारी, अशुद्व मणु, लोभी मणु, जैडा कि मूर्ती पूजणै रै बराबर हा मसीह अतै प्रमात्में रै राज्य री मीरासी ना हिन्न। 6 कोई तुसु जो व्यर्थ गप्पा मन्ज धोखा ना देय्आ, क्जो कि इन्है जिन्है कमां री बजहा थऊं प्रमात्में रा गुस्सा हुक्म ना मनणैं बाळै पुर भड़कदा। 7 ऐत तांईं तुसै तंयारे सहभागी मत भोआ। 8 क्जोकि तुसै ता पैहलै नैहरै मन्ज थिऐ पर अबै प्रभु री ज्योति मन्ज हिन्न, ता ज्योति री औलादा सांईं चला। 9 क्जो कि ज्योति रा फळ सबी किस्मां री भलाई, धार्मिकता अतै सच्चाई हा। 10 अतै एह परखा कि प्रभु जो कै भान्दा। 11 अतै नैहरै रै निष्फळ कमां मन्ज सहभागी मत भोआ बल्की तैत पुर उलाहना देय्आ। 12 क्जो कि तंयारै गुप्त कमां री चर्चा भी लज्जा री गप्प हा। 13 पर जिआं कमां पुर उलाहना दिन्दै हिन्न सो सब ज्योति थऊं सामणैं इन्दै हिन्न, क्जोकि सब किछ जो समणैं लैईणैं बाळा ज्योति हा। 14 ठेरी बजहा सितै सो बल्दै हिन्न कि,
15 ऐत तांईं धैना सितै हैरा, कि किनी चाल चलदै हिन्न, निर्बुद्व सांईं ना पर बुद्विमाना सांईं चला। 16 वक्त जो मुल्यवान समझा क्जो कि धैड़ै बुरै हिन्न। 17 ऐत तांईं वेअक्कलै मत बणा, धैन दी करी समझा कि प्रभु री कै ईच्छा हा? 18 अतै अंगूरी शराब रै मतवाळै मत बणा क्जो कि ऐतिओ पी करी लुचपन भुन्दा, पर आत्मां मन्ज परिपूर्ण भुन्दै गच्छा। 19 अतै अ्प्पु मन्ज भजन अतै स्तुतिगान अतै आत्मिक गीता गाऊ करा अतै अपणै-अपणै मनां मन्ज प्रभु रै साहम्णैं गान्दै अतै किर्तन करदै रेय्आ। 20 अतै हमेशा सबी गप्पा तांईं इन्दै प्रभु यीशु मसीह रै नां मन्ज पिता प्रमात्में रा धन्यवाद करदै रेय्आ। 21 अतै मसीह यीशु थऊं डरी करी अक्की दुऐ रै वशा मन्ज रैऊ करा। 22 हे लाड़िओ, अपणै-अपणै लाड़ै रै वशा मन्ज इआं रेय्आ जिआं कि प्रभु रै। 23 क्ओ कि लाड़ा लाड़ी रा मुण्ड़ हा जिआं कि मसीह यीशु कलीसिया रा मुण्ड़ हा अतै अप्पु ही देह रा उद्धारकर्ता हा। 24 पर जिआं कलीसिया मसीह रै वशा मन्ज हा तिआं ही लाड़ी भी हर गप्पा मन्ज अपणै लाड़ै रै वशा मन्ज रैहन।
25 हे लाड़ओ, अपणी-अपणी लाड़ी सितै प्यार करा जिआं कि मसीह यीशु भी कलीसिया सितै प्यार करी के अपणै आपा जो तैस तांईं दी दिता। 26 कि तैस जो वचनां सितै पाणी रै स्नान सितै शुद्व करी के पवित्र बणां। 27 अतै तैस जो अक्क तेजोमई कलिसिया बणांई करी अप्पु बल्लै खरैड़ा, जैत मन्ज ना कलंक, ना झुर्री, ना कोई ईन्हीं चीज भोआ, बल्की पवित्र अतै निर्दोष भोआ। 28 ईआं एह भी ठीक हा, कि लाड़ा भी अपणीं लाड़ी सितै अपणै जिस्मां सांईं प्यार करा। जैडा अपणी लाड़ी सितै प्यार रखदा, सो अपणै आपा सितै प्यार रखदा। 29 क्जोकि कोई भी कदी अपणै जिस्मां सितै बैर ना रखदा बल्की तठेरा पालन-पोषण करदा जिआं कि मसीह कलीसिया सितै करदा। 30 ऐत तांईं कि असै तसेरै शरीरा रै अंग हिन्न।
32 एह भेद ता बड़ा मोट्टा, पर अऊँ मसीह अतै कलीसिया रै बारै मन्ज बल्दा। 33 पर तुसु मन्ज हर कोई अपणी लाड़ी सितै अपणै सांईं प्यार रखा अतै लाड़ी भी अपणै लाड़ै रा ड़र मनां।