10
1
అన్నదెంచిమారే ఇశ్రాయేలు రక్షణ పొందు విండు నటు హృదయాభిలాష అసుకు విషయం కోరు నాను దేవురుకు చెయిర ప్రార్ధనయై యిక్కిదు.
2
అయాదేవురు మేని ఆశక్తి యిక్కిరాయిండు అసులు గూర్చి సాక్ష్యం చొన్నాకిరే ఆనికే కూడ అసులు ఆశక్తి జ్ఞానాను సారం ఆనరు అల్లా.
3
అందుండికే అయా దేవురు నీతి ఎరుసుల్లాగుండా అసుకు స్వానీతిని స్థాపింప బూనిగేటి దేవురు నీతికి లోబుగుల్లా విశ్వాసం ప్రతి ఆవు నీతి కలుగుర్తుకు క్రీస్తు
4
విశ్వాసం యిక్కిర ప్రతి అవుకు నీతికలుగుర్తుకు క్రీస్తు ధర్మశాస్త్రంకు సమాప్తియై కీదు.
5
ధర్మశాస్త్ర మూలమాగు నీతిని నీతిన నెరవేర్చరావు అత్తువలన జీవించాకు యిండుమోషే రాయాగదు.
6
ఆనికే విశ్వాసం మూలవాన నీతి యినగ చొన్నుగుదు ఏదు పరలోకం కోకు యిండికే క్రీస్తును దీక్కు ఎత్తేర్తుకు యిల్లాగుండికే
7
ఏదు అగాధం కోకు దిగాకు యిండికే క్రీస్తు చెత్తోనాసుల కోరిండు మేనుకు ఎత్తేర్తుకు యిండు నీను నీ హృదయంకోరు యిండుగుమా.
8
అదు ఇదుండు చొన్నాగుదుకు వాక్యం నీమాటి నీ వాయికోరు నీహృదయం కోరు యిక్కిదు అదు నంగ ప్రకటించర నింగు విశ్వాసం.
9
అధైదిండికే యేసు ప్రభువిండు నిటు వాయోటిఒప్పిండు దేవురు చెత్తోనాసుల కోరిండు అత్త ఎద్ధిపిచ్చుచు యిండు నీ హృదయం కోరు విశ్వచించినికే నాను రక్షించ బుగారో.
10
ఏలయనగా నీతి కలగరట్టు మొనసం హృదయం కోరు విశ్వచించాకురక్షణ కలిగారట్టు వాయొటి ఒప్పిగుం.
11
అందిండికే అత్తుమేని విశ్వాసం ఎక్కిరాయ ఏదు కూడ సిగ్గుపడడని లేఖనం చొన్నాగుదు.
12
యూదిడిండు గ్రీసు దేశసుడుండు బేధం ఇల్లా ఉండు ప్రభువే అడ్దేరుకు ప్రభువై యిందు కనుక ప్రార్ధించేయిరాసుకు అడ్డేరు మేని కృప కాటుర్తుకు ఐశ్వర్య వంతుడై యిక్కిదు.
13
అంతు కిండికే ప్రభువు పేరున పుడుసు ఏదు ప్రార్ధన చేయాకరో అయ్యా రక్షించ బుగాకు.
14
అయా విశ్వచించుల్లాగుండా యాన ప్రార్ధన చేయాకు కేకుల్లాగుండిందికే యాన విశ్వచించాకు చొన్నరాయ యిల్లాగుండా అయ యేనకేకాకు.
15
చొన్నరాయ పంపుల్లాగుండిందికే యాన చొన్నాకు యిత్తు విషయంయై ఉత్త వానత గూర్చిన సువార్త చోన్నరాసుకు పాదంగ ఎంతనో సుందర వానయిందు రాసికీదు.
16
ఆనికే అడ్డేరు సువార్తకు లోబుగుల్లా ప్రభువా నంగ చొన్న వాతల ఏదు నమ్ముచు యిండు యెషయా చొంచల్ల్యా.
17
కాగా కేటికే విశ్వాసం వారాకు కేకాటం క్రీస్తున గురించిన వాత వలన కలగాకు.
18
ఆనికే నాను చొన్నురైదిండికే అయా కేకుల్లా? కేకుసల్లా? అసుకు స్వరం భూలోకం అడ్డిన అసుకు వాతలు భూదిగంతములు వరకు బయలు దేరుచు.
19
నాను చోనుర్దుదిండికే యిశ్రాయేలుకు తెవిల్లాగుండకీదు జనం ఆగుల్లారాసుకు వలన నింగులుకు రోషం పరిపిక్యారే అవివేకం యిక్కిరు జనం వల్ల నింగులుకు ఆగ్రహం పరిపిక్యారే యిండు మిన్ని మోషే చొన్నాగుదు.
20
మరియు యెషయా నన్న దేవురుల్లారసులుకు నాను దొరికినే నన్న దేవుల్లారాసులుకు నాను కందిబూదే యిండు చొన్నాగుదు
21
ఇశ్రాయేలు విషయం కోరునికే అవిదేయులై ఎదురుడు మొనుసుర్దుకు నాను కీయిలు చాపికిరే యిండు చొన్నాగుదు.