¹ Mamau, adgina afafkin kun ki kun miginyi, atiro kalkal. " ² Abarina marim kwina i afafkin na miwancinkun" (A turo dilo ki sukur na alkawar), ³ " gada da thlab bilan nakun kwan kwamani gawa i duniya". ⁴ Afafkin, kwa thlinta gizhi mamu kun bai dami gezhi, gada kasin, a gabdinakshi ikun dima na gabad ki miginyi. ⁵ Guzabcin, asina adakun i ndak wunduwakun ki duniya na ladap sosai na gagintak tika, ikun jirewa gizha ci. A thlaminakshi ladab ka ki me kwa thlame Masihu. ⁶ Kwa thlama ladab kawai gada afafkin wunduwa kun a lawan kun kwa thlamekshi be bilan. Gada kasin, a thlama ladab kaki guzub Masihu, me thlam be mi Kakasku anchu da gizhikun. ⁷ Athlamina dakun gizhakun dakun gizhikun chakchak, kaki kwa thlame i miginyi ammani ndawa bai. ⁸ Gada jazgadu be bilan me nin tawanke thlamu, a ganni lada gara dari miginyi ko aci guzub ko aci guzub bai. ⁹ Ndak wunduwa, a thlamine guzabcinkun i divu gayi. kwa bonetakshi bai. kwazgadu ro nin me achi afak ikun chakcahk afik duk a dusku, a chi a tatka kwarak bai. ¹⁰ Idama, a thlaba na awayau ikun miginyi na ikun awayuk marum geri. ¹¹ A dawina kare zhiya ki Suku, gada kwardi sosai i da gabshu sapire lispir. ¹² Atiro thligid wa adak thliwai na didim bai, gada i adak gwamnati na kirmai zuwawin na ndak yuwa lijam lispir, na i adak lispir ki disku. ¹³ Gada kasin adawina kare thliri ki Kakasku, gada kwadimuna irdi i lakwtu ki lispir, na aku kwa thlamana tanke kwardi bilan. ¹⁴ Ardina digo, aku kwadawuna zayi a sulki jirewa. ¹⁵ Se kaki sonok zigir, kwadawi shiri nye wazik ki salami. ¹⁶ Banda kasin wan, amina parto ki bar jirewa mi kwadumuna tik be gawa aka baci kimangar tina na atu. ¹⁷ Kwa mi aryafik ra, na kasakar Nunuwa Suku, wato ramak Suku. ¹⁸ Fatawanke ikun nakwana na jaya, a thlama nakwana ikun dlugun Nunuwa Suku, ikun gizhakun, kullum kwa jib lawan na kimar kwa magita i miginyi gada ndawa na aibu bai. ¹⁹ Iye a thlamina magitau, na bi mina ramau, na thlan rama na awayau, na thlam rama go kalau na rami ashir herr Suku. ²⁰ Gada hergu i baci wanik me gatausak na sarka, gada na ram na awayau, kaki mi kullum na ramau. ²¹ I gususku kuwa, kwazgina iya na be na kunu. na halme nakunu, i tikikus, yaganau ga ki intau ikun Sukur aramadi kun tanke na chi kun gada sin. ²² Na wane na aci rikun musamman gada kwazigi yadda jakunu da karpapatikun. ²³ Salama Kakasku na intu bar jirewa dari Kakasaku afawa na miginyi Yeso kiristi. ²⁴ Herr da thlaba na ndak ntu miginyi Yeso Masihu na ntau me a dama bai.