¹ Gada sutuku a dlabina dek guguza dari Suku, kaki kutlai ki ntau. ² Kwa dlama rakan ikun ntau kaki mi Masihu ntutuwa da bar na aro geri gadaja sanam mi karak fawa i Suku. ³ Nda kema ramatapai bai i witakunn ko rama ke mi belanbai, ko mbamba, gada sugu kalkal bai ikun dawa mi go aibu ki Suku. ⁴ Da dlabana wana watkubai na rama gatla na gawa dlebgenu gid sutuku kalkalbai. Gada kasen nda dlaba na saksakta Suku i gadava kun. ⁵ Azigina na sutku, go baci tapai ko baci wana vatku ko baci mbamba, gada atu cham zata garen na gadabai i wunduwa Suku. ⁶ Kwaiva nin wambai dalivacikun na rama vatku gada sune shitan Suku afuwayi ada mamu mi a kemurabai. ⁷ Gada kasen, kwanupka ada na akshi bai. ⁸ Gada waci kwakun basu ayuwa pelik, amman gusku kwakun bayan ke Suku, arakina na ka kutli bayan. ⁹ Gada kutli bayan nupkina kalu Suku, adalta na jirewa. ¹⁰ Na maka be mi Kakasku anchu. ¹¹ Kwa nupka ada na ndak gezhi ayuwa bai ikun wanakshi mi go kutlai, gadasu adina nakshi i patata. ¹² Gada dlamin gara bi shirau da rami be mi akshi a dlamau i kun asir. ¹³ Gada be tawanke da dena aci iri bidla, aviran gara i patata. ¹⁴ Gada be tawanke mi a patata ni dlamingara bidla. Gada sen da rama, "Adlinaci baci yuwan, na aldi mutu, Masihu ke abidla adakun", ¹⁵ Gada kasun, a dlamina ankal na mbasa kun, kwa dlaba ka kakabauccin bai, se ndak asen. ¹⁶ A dlamina wana na lakwtu tlapar, gada yuwangu belan bai. ¹⁷ Gada sutku, kwa dlaba kakabauccin bai amman azigina be Kakasku anchu. ¹⁸ Kwa dlam kuyo na sema bai, gada sutku aya nakun i halvatku, gada kasen, a niya na Nunuwa Suku. ¹⁹ Kwa rama i gatukun ikun zabura na ruwa ke zabura na ruwa ke Nunuwa Suku, kwa ruwa ke sakarta Suku. ²¹ A jibina adakun gada lawan kermai Masihu. ²² Amatin, a barina adakun i masaskin kun, kwa kake mi kwa dlamau i Suku. ²³ Gada misik, acine ada coci, wato teka geri,acina ada geri baci ra teka geri. ²⁴ Ka ke mi coci a dega Masihu, amatinke dolle da degi misaskishi i kun betawanke. ²⁵ Misaskin, a ntutina amatinkun, kakemi Masihu ntutu coci, har da bari ada geri gada gara. ²⁶ Gada Masihu barna ada geri gada coci, gada atugu da dlaba go aibu, gada aci viyinatu na am, da vi rama geri. ²⁷ Masihu vinatu gada dabari ada geri i coci bi saksakta, go aibu ko be dagai ginawa kusu, gada da dlab mi go aibu. ²⁸ Gada kasen gamsadin, dlamungara dolle da ntutuci amatukshi ka adakshi. Nin mi ntutu amagiri ntutu ada geri. ²⁹ Gada, na nin mi galte kuru ada geri bai, se dai da ankaltatu, da baritu be mi atu anchu kake mi Masihu a dlamau na coci. ³⁰ Gada gwidwa teka Masihu. ³¹ Gada sutku, nin aiva na afej geri na mi geri da nipkinakshi ida gayi akshi a dlaba nakshi tika gayi. ³² Asertuku marem, na rama Masihu na coci. ³³ Gwid na kasen, Amau ke dolle da dlam ladab i misik gara.