¹ Bulus, Sila na Timoty i coci ki Tassalonicaucin i kun Kakasəku Afək na Məgəngyi Yeso Masihu. Herr na salam i kun. ² Fatawanke ja gode ta i Kakasəku gaɗa kun ka ki mi ja sana kun i Məgəngyi ta ja. ³ Ja tana kun fatawanke i kəma Səku wa na afək wa, na wana kun ki tuman be mi a kəma i kun Məgəngyi Yeso Masihu. ⁴ Yaganaucin bi ntau Səku, jasgana daura mi da dlami kun, ⁵ ka ki mi yadda labar herr da ndew iri kun i təlam rugara bai, amman i kun kərmai, i Nənuwa Səku, kasən dari tatka. Kasən ke kwaz gana ja zada ndawa tawan ja wita kun kaɗa kun. ⁶ Kwa dlam na kun nda gugza na ja na ki məgəngyi ka ki mi kwa gənu təlam gu i kun kabine na kuno darik Nənuwa Səku . ⁷ Gaɗa kasən, kwa dlam na kun bik gugza i ndawa wara a Makidoniya na Akaya wara bar na i man mak. ⁸ Dari kun ne ramak Səku da zaji na rawanke, i Makadoniya na Akaya rukshi bai. Cham kasau, na ntau rame kun be dama bai. ⁹ Akshi na aɗak shi a bar labar ni ja i ri kun. Akshi ramu ri zata garəm gaɗa Səku bar aro. ¹⁰ Akshi a ramau ma kwa zaga ni wən Səku da dəsku wara aci tla-tlau da mutu. A ci ne Yeso, wara ra wa da shitan mi aye ni.