¹ Gaɗa kun na aɗa kun kwaz gadu, yaganaucin, ni ja iri kun ki vatku bai. ² Kwas gana yadda nda gizatu ja, kuru nda zhərwi ja i Filibi ka ki mi kwasgau. Ja na awayau gəzhi i kun Kakasəku gaɗa dlam rama labar herr ki Səku i kun ravan. ³ Gaɗa gabaɗ ja i kun ki gabshu bai, ko i kun rashi aibu bai, kuma ki babata gə nən bai. ⁴ Gaɗa sen, ka ki mi Suku yakintu ja, da barija aman ki labar herr gəri ja ramau kasən. Ja ramau gaɗa ja bərgeti ndawa bai amman gaɗa ja bərgeti Səku. Gaɗa aci ne a gwadata gəzha wa. ⁵ Ngalte ja dlami kun miya karak bai, ko zəger gayi, ka ki yadda kwasgau, ko kwaɗayi da ɗəbsa, ka ki mi Səku ne saida ja. ⁶ Ja maki gətlap da ri kun ko ri ndawa dama bai. Da jan chin da ja morota kərmai ki mbasu mawanaucin Masihu. ⁷ Amman, ja sa na aɗa ja a wita kun ka ki mi mai a ntu kutli gara. ⁸ Gaɗa kasau ja na ntau kun. Rama labar herr ki Səku rugara bai ne ja kəmu karak dlamau kun bai. Amman har na barik aroja gada kun. Gaɗa kwa dlam na kun bik ntau i ja. ⁹ Atani na, yaganaucin, gaɗa wana wa na bəder wa. Dəviɗ na afa ja wana tlapar gaɗa ja jekta nən wambai. I lakwtu ja dlame kun wagərma labar herr ki Kakasəku. ¹⁰ Kun saida, Səku ke kasən, ka ki mbasa ja mi go aibu, na ki adalta, na bik nyuwa bai i ri kun wara kwa dlam iman. ¹¹ Kasən ke, kwas gana ka ki mi ja dlamau kun gabaɗ na dauzata ka ki afək na gutlai gəri, ja willa kun kuru ja dauzata na bari kun awayau, ja saidati, ¹² gada kwa dlam rakan i dəvo bəlan ki Səku, wara dauri kun i garva gəri. ¹³ Gaɗa kasən ne ja sanbarkata Səku fatawanke. Gaɗa kwa gənu saktu Səku darija, wara kwa kəmau kwa gəni rama Səku ka ki rama gə nən bai, amman kwa gə ni na jirewa ka ki rama gə nən bai na jire, ka ki mi rama Səku. Təlam tuku a tune a wana i wita kun ndawa wara kasaktu. ¹⁴ Gaɗa kun yaganaucin, kwa dlam nakun bi gugza i cochachin Səku wara a Yahudiya i kun Masihu Yeso gaɗa kwa sa bone zada ki ja dari ndak larda kun ka ki mi akshi ke sau i aikwak Yahudaucin. Yahudaucin gu ne təki Yeso Məgənyi na nabaucin. Yahudaucin gu ne raika ja a saksakta Səku bai. Amman akshi na hal ki kuri ndawa. ¹⁶ Kuma haramtidiwa rama na kərdadin gaɗa akshi daba rra bai. Gaɗa sən fatawanke akshi a kun aibu. Dakine-kine afuwayi aɗakshi i dama. ¹⁷ Ja kuwa yaganaucin, nda bərnaja darik kun ke lakwtu rap, ki jirewa i gəzhi bai. Ja sa awayau ja na pərdi lawan jampel i ci. ¹⁸ Ja ntutu iri kun. I'u Bulus, zəker gayi bai, amman lispir daptina ja. ¹⁹ Wa pək ɗa i tam i kəma, ko pərdai, ko wa i arpuk pariya i kəma Yeso Məgəngyi gafa ni gəri? kun bi ko, na kakinai ndawa? ²⁰ Gaɗa kun ne kərmai ja na pərdai ja.