ಅದ್ಯಾಯ 3
1
2
3
4
1 ಅತ್ರಿಂಡು ಪರಿಶುದ್ದರಾಯಿಕ್ಕಿರಂತ ಅನ್ನ –ದೆಂಬಿಗಿನ್ಲೆ, ಪರಲೋಕತ ಕರೆಯುವಿಕೆಕೋರು ಪಾಳುಗಾರರೆ, ನಂಬ್ರು ಒಪ್ಪಿಗೊಂಡಿಕ್ಕಿರ ಅಪೊಸ್ತಲನೂ ಮಹಾಯಜಕನು ಅಯಿಕ್ರ ಕ್ರಿಸ್ತ ಯೇಸುನತ್ತೆಯಿ ಆಲೋಚುಸಂಗೋ
2 ಮೋಶೆ ದವ್ರತ ಉಟುಕೊರದ್ದಿ ನಂಬಿಗಸ್ತನಯ್ಯಿ ಇಂದಂತ್ತೆನೆ ಈತನು ತನ್ನತ್ತೆಯಿ ನೇಮಿಸಿಕ್ಕಿರಾತ್ಗು ನಂಬಿಗಸ್ತನಾಯಿದು,
3 ಉಟುಕಿಂತ ಉಟು ಕಟ್ಟುನ್ನತ್ಗು ಹೆಚ್ಚಿನ ಗೌರವ ಇಕ್ಕಿರತಿಂಡು ಮೊಶೆಕ್ಕಿಂತ ಈತನು (ಕ್ರಿಸ್ತ ಯೇಸು )ಹೆಚ್ಚು ಮಾನತ್ಗು ಯೋಗ್ಯ ಇಂಗಿಚ್ಚುಗೊಂಡಿದು,
4 ಪ್ರತಿಯೊಂಡು ಉಟ ಎದೋ ಒಂಡು ಕಟ್ಟಿಕ್ಯದು; ಅನೇಕೆ ಸಮಸ್ತನು ಕಟ್ಟಿಕ್ಕಿರಾದು ದವ್ರೆ,
5
6
5 ಕರಣ್ಕೆ ಮೋಶೆ ಸೇವಕನಯಿ ದವ್ರತ ಉಟುಕೊರಾದ್ದಿ ನಂಬಿಗಸ್ತನಾಯಿಂಚು; ಅದು ಮುನುಕು ಪ್ರಕಟವಾಗುರಾಂತಯಿಲಿಕಿ ಸಾಕ್ಷಿಯಾಯಿಂಚು,
6 ಕ್ರಿಸ್ತನು ಮವ್ವುಯ್ಯಿ ತಟ ಸ್ವಂತ ಉಟು ಮೆನಿ ಅಧಿಕಾರಿಯಾಯಿದು;ನಂಬ್ರು ನಂಬ್ರುತ ದೈರ್ಯತತ್ತೆಯಿ ನಂಬ್ರುತಾ ನಿರೀಕ್ಷೆಯಿಂಡು ಉಂಟಾಗುರಾ ಉತ್ಸಾಹತ ಕಡೆತನಕ ದೃಡವಾಯಿ ಪುಡುಸುಗರಾಯ್ಯನೇಕೆ ನಂಬ್ರೆ ಅತನತ ಉಡು ಅಯ್ಯಿರೋ,
7
8
7 ಅತ್ರಿಂಡು (ಪವಿತ್ರತ್ಮನು ಸೋನ್ನುರ ಪ್ರಕಾರ –ನಿಂಗ ಈ ದಿನು ದವ್ರತ ಶಬ್ದತ್ಕು ಸವ್ವಿ ಕುಡ್ತೆಕೆ
8 ಕಾಟುಕೋರು ಇಂದಾಪ್ಪೋರು ಶೋದನೆಯ ದಿನುಕೊರು ದವ್ರುಕು ಯಸುರು ವರ್ರುಕನಿ ಸೆಂದುಕನಿ ನಿಂಗುಲುತಾ ಹೃದಯಲಾತ್ತೆಯಿ ಕಠಿಣ ಸೆಂದುಗುಮಾನಂಗ.
9
10
11
9 ನಿಂಗುಲುತಾ ಬೆರಯ್ಯ ನನ್ನತ್ತೆಯಿ ಶೋದುಸುಸುನು,ನನ್ನತ್ತೆಯಿ ಪರೀಕ್ಷೆ ಸೆಂಚುನು, ನಾಡುರುಕಪ್ಪತು ವಾಟುಕಾಲು ನಟ ಕಾರ್ಯಾಲ ಪಾತುಸುನು ,
10 ಅತ್ರಿಂಡು ನಾನು ಆ ಸಂತತಿಯಲ ಮೆನಿ ಶನ ಯಸುರು ಸೆಂದುಗೊಂಡು –ಅಯಿಗ್ಯ ಯಪ್ಪೋತಿಗು ಹೃದಯತ್ಕೊರು ತಪ್ಪಿಹೊಕ್ಕುನು,ಇಂಡು ಸೋನ್ನುಸು,ಅಯಿಗ್ಯ ನಟ ಮಾರ್ಗತ ತಿಲ್ಜುಗುಲ್ಲ
11 ಹಿನಾಗು ಇಂದಪ್ಪೋರು –ಅಯಿಗ್ಯ ನಟ ವಿಶ್ರಾಂತಿಕೋಕು ಸೇರೇದಿಲ್ಲನು ಇಂಡು ನಾನು ನಟ ಯಸುರುಕೊರು ಪ್ರಮಾಣ ಸೆಂದೇ ಇಂಡು ಆತನು ಸೋನ್ನಿದು ,)
12
13
12 ಅನ್ನ್ –ದೆಂಬಿಗಿನ್ಲೆ , ಎಚ್ಚರಿಕೆತಿಂಡು ಪಾತುಗೊಂಗೋ; ಜಿವಸ್ವರೂಪನಾಯಿಕ್ಕಿರ ದವರತ್ತೆಯಿ ಉಟ್ಟುಹೊಗುರ ಅಪನಂಬಿಕೆ ಇಕ್ಕಿರಂತ ಕೊಟ್ಟಿ ಹೃದಯ ನಿಂಗುಲುಕೋರು ಯತ್ಗು ಇಕ್ಕಿರದಲ್ಲ ,
13 –14 ನಿಂಗುಲುಕೊರು ಒಂಡಾನೆಕೂ ಪಾಪತಿಂಡು ಮೋಸಹೊಗಾದೆ ಕಠಿಣರಾಗರಕನಿ –ಈ ದಿನು ಇಂಡು ಅಕಿರಾಪ್ಪೋರೆ ಪ್ರತಿನಿತ್ಯನೂ ಒಂಡಾಳತ್ತೆಯಿ ಒಂಡಾಳು ಎಚ್ಚರಸಂಗೋ ,
14
15
14 ಮೊದಲಿಂಡು ಇಕ್ಕಿರ ನಂಬುರುತಾ ಭರವಸೆತಾ ಅಂತ್ಯಾತ ತನಕ ನಂಬ್ರು ದೃಡವಾಯಿ ಪುಡುಸುಗುರಾದಾನೇಕೆ ಕ್ರಿಸ್ತನುಕೋರು ಪಾಲುಗಾರರು ಅಯ್ಯಿರೋನಲ್ಯ್ಸ!
15 ಈ ಹೊತ್ತು ನಿಂಗ ಆತನ ದ್ವನಿಯತ್ತೆಯಿ ಕೋಟೆಕೆ ಇಂಡು ಸೋನ್ನರಪ್ಪೋರು (ನಿಂಗುಲಾತ ಬೆರಯ್ಯ )ಯಸುರು ವರ್ರುಕನಿ ಸೆಂದಾತರ ನಿಂಗುಲುತಾ ಹೃದಯಲಾ ಕಠಿಣ ಸೆಂದುಗುಮಾನಂಗ,
16
17
18
19
16 ಕೆಲವುರು ಆತನು ಸೋನ್ನತ್ತ ಕೋಟಾಪ್ಪೋರು ಯಸುರು ವಾರ್ರುಕನಿ ಸೆಂಚುನು; ಅದೆನಾಗೋ ಮೋಶೆ ಮುಖಾಂತರ ಐಗುಪ್ತತಿಂಡು ವಂದಯ್ಯದ್ದಿನು ಅಲ್ಲ
17 ಅನೇಕೆ ನಾಡುರುಕಪ್ಪತು ವಾಟುಕಾಲು ಆತನು ಯತ್ತ ಮೆನಿ ಸಂತಾಪಗೊಂಡುಸು ? ಪಾಪ ಸೇಂದಯ್ಯಲಿಮೆನಿ ಅಲ್ಯ?ಅಯಿಲಾತ ಪಿನಿಗಿ ಕಾಟುಕೋಕು ಬೂಚುನಲ್ಯ !
18 ತನ್ನ ವಿಶ್ರಾಂತಿಕೋಕು ಅಯಿಗ್ಯ ಸೇರೇದಿಲ್ಲನು ಇಂಡು ಯತ್ತ ಕುರಿತು ಆತನು ಪ್ರಮಾಣ ಸೆಂಚು? ನಂಬರಾಂತಯಿಲಿತ ವಿಷಯವಾಯಿ ಅಲ್ಯ?
19 ಅಯಿಗ್ಯ ಸೇರಾದೆ ಹೊನಾದು ಅಪನಂಬಿಕೆಯಿಂಡೆ ಇಂಡು ತಿಲ್ಜುಗಾರೋ,