^{1 2 3 4} 1 ನ್ಯಾಯಪ್ರಮಾಣ ವರ್ಬೇಕಾಯಿಂದ ಮೇಲುಲುತಾ ಛಾಯೆಯಾಯಿದು: ‘ಆನೆಕೆ ಅದು ಆಯಿಲಿತ ನಿಜಸ್ವರೂಪವಲ್ಲರತಿಂಡು ಆ ನ್ಯಾಯ ಪ್ರಮಾಣ ವಟ್ ವಟ್ಕಲ್ಕು ಎಪ್ಪೋದನ ಅರ್ಪಿತವಾಗರ ಯಜ್ಞಗಲಾತ್ತೆಯ ಅರ್ಪಿಸ್ರುಕು ವರ್ಲತ್ತೆಯ ಎಪ್ಪೋದು ಸಿದ್ದಿಗೆ ಅತ್ತೆರುಕು ಅಗುದಿಲ್ಲ 2 ಅತ್ತೆಂದ ಪಕ್ಷತ್ಕೊರು ಆ ಯಜ್ಞಗಳ ಸಮರ್ಪಣೆಯೂ ನಿಂಡ್ರ ಹೋಗಂಚುಲ್ಲ್ಯಯಾಂತಗಿಂಡೆಕೆ ಆರಾಧನೆ ಸೇಯ್ಯಿರಗ್ಯ ಒಂಡುಸಾರಿ ಶುದ್ದೀಕರಿಸಲ್ಪಟು ಮೇನಿ ಆಲಿಕಿ ಎಪ್ಪೋದು ಪಾಪಲಾತ ಮನಸಾಕ್ಷಿ ಇಕ್ಕ್ಯಕ್ಕಿಲ್ಲ 3 ಆನೆಕೆ ಪ್ರತಿ ವಟ್ಕಾಲು ಆ ಯಜ್ಞಗ ತಿರಿಗಿ ಪಾಪಲಾತ ಜ್ಞಾಪಾಕ ಆಕ್ಕುದು 4 ಹೋರಿಗ್ಯ ಮತ್ತೆ ಹೊತುಲಾತ ರಗು ಪಾಪಲಾತ್ತೆಯಿ ವಂಗಿ ಒಡ್ರದು ಅಸಾದ್ಯವಯಿದು, ^{5 6 7} 5 ಅತಿರಿಂಡು ಆತನು ಬೋಲೋಕತ್ಕೊಕು ವರೋಪ್ಪೋದು – [ದವ್ರು ] ಯಜ್ಞ ಅರ್ಪಣೆನೇನು ನಿನುಕು ಇಷ್ಟ ಅಯಿಕ್ಕಿಲ್ಯ ಅನೇಕೆ ನನುಕು ದೇಹತ್ತೆತ್ತೆಯಿ ಸಿದ್ದಸೇಂದು ತಂದ, 6 ದಹನ ಬಲಿಲ್ಕೊರು ಪಾಪಪರಿಹರ್ಕು ಯಜ್ನಲುಕೊರು ನೀನು ಸಂತೋಷಪಡುಲ್ಲ 7 ಆಪ್ಪೋರು ನಾನು – ಇಗೋ ಓ ದೋವುರೆ ‘ ಗ್ರಂಥದ ಸುರುಳಿಕೋರು ನನ್ನತ್ತೆಯ ಕುರಿತು ವರ್ಜಿನು ನಿಟು ಚಿತ್ತತ್ತೆತ್ತೆಯಿ ನೇರೆವರ್ಸ್ರುಕು ವಂದಿರೆ ಇಂಡು ಸೋನ್ನುಸು ಇಂಗ್ಯಕು. ^{8 9 10} 8 ಪರ್ಗುಂಡು ಆತುನು—ನ್ಯಾಯಪ್ರಮಾಣತಂತೆ ಅರ್ಪಿಸಲ್ಪಡ್ರಂತ ಯಾಜ್ಞನೂ ಅರ್ಪಣೆನೂ ದಹನಲುನೂ ಬಲಿಲುನೂ ಪಾಪತ್ಕ್ಕಾಯಿ ಅರ್ಪಣೆನೂ ನಿನುಕು ಇಷ್ಟಇಕ್ಕಿಲ್ಯ ; ಇಲ್ಲವೇ ಅಲಿಕೊರು ನಿನುಕು ಸಂತೋಷ ಇಕ್ಕಿಲ್ಯ ಇಂಡು ಸೋನ್ನುಸು 9 ಆಪ್ಪೋರು—ಇಗೋ ಓ ದವ್ರೆ ನೀಟು ಚಿತ್ತತೆಯ ನೆರೆವರ್ಸ್ರುಕು ವಂದಿರೇ ಇಂಡು ಸೋನ್ನುಸು ಆತನುರಂಡನೆತ ಸ್ಥಾಪಸ್ರುಕು ಮೊದಲನೆತ್ತತೆಯು ವಂಗಿಹೊಡಕು, 10 ಯೇಸು ಕ್ರಿಸ್ತನು ಒಂಡೇ ಕಡ್ತು ಎಮಾನ್ತಿಗು ಅರ್ಪಿಸಾದೆ ತಟ ದೇಹತ ಮೂಲಕ ಆತನ ಚಿತ್ತತಿಂಡು ಶುದ್ದರಾನೋ, ^{11 12 13 14} 11 ಇದಲ್ಲದೆ ಪ್ರತಿ ದಿನಾನು ಸೇವೆ ಸೇಯಿತಾ ಎಮಾನ್ತಿಗು ಪಾಪತಾ ವಂಗಿಹೊಡುರುಕು ಅಗಾರಂಥ ಒಂಡೇ ತರತ ಯಜ್ನಲಾತ್ತೆಯಿ ಅರ್ಪಿಸತ ನಿಂಡ್ರಿಕ್ಯದು, 12 ಅನೇಕೆ ಮಣುಸ್ರುತಾ ಪಾಪಾಲ್ಕ್ಕಾಯಿ ನಿರಂತರವಾನ ಒಂಡೇ ಯಜ್ಞತ ಅರ್ಪಿಸಿ, ಅನ್ನಪೋರು ದವ್ರತ ಉನುಗೈಜಾಯಿ ಉಕ್ಕೊಂಡುಸು, 13 ಅಮಾನತಿಂಡು ತಟ ವಿರೋದಿಗ್ಯ ತಟ ಪಾದಪೀಠವಾಯಿ ಸೇಯ್ಯಲ್ಪಾಡುರು ತನಕ ಆತನು ಎದುರು ಪಾಕಾದು 14 ಆತನು ಪವಿತ್ರರಾಗುರಯ್ಯಲಾ ಒಂಡೇ ಅರ್ಪಣೆಯಿಂಡು ನಿರಂತರನು ಸಂಪೂರ್ಣರನ್ನಾಯ್ಯಿ ಸೇಂದಿದು. ^{15 16} 15 ಪವಿತ್ರತ್ಮನು ಸಹ ಇತ್ತರ ವಿಷಯವಾಯಿ ನಂಬ್ರುಕು ಸಾಕ್ಷಿ ತರಂತದಾಯಿದು; 16 ಹೆನಾಗು ಇಂಡೆಕೆ ಆತನು ಮೊದಲು ಸೋನ್ನಿಕ್ಕಿರಕನಿ –ಆ ದಿನಾಂಗ ಅನ್ನಪ್ಪೋರು ನಟ ಆಜ್ಞೆಲಾತ್ತೆಯಿ ಅಯಿಲಿತ ಹೃದಯಲುಕೊಕು ಅಕ್ಕ್ಯರೆ, ಅಯಿಲಿತ ಮನುಸುಲುಕೊಕು ಅಯಿಲಾತ್ತೆಯಿ ವರಿಯರೇ, ನಾನು ಅಯಿಲಾಂಟಿ ಸೆಂದುಗುರ ಒಡಂಬಡಿಕೆ ಇದೇ, ^{17 18} 17 ಇದಲ್ಲದೆ ಅಯಿಲಿತ ಪಾಪಲಾತ್ತೆಯಿನೂ ದುಷ್ಕೃತ್ಯಲಾತ್ತೆಯಿ ನಟ ನೆನಪುಕು ಇನ್ನೆಮಾನ್ತಿಗು ಅತ್ತೆರ್ಮಾಟೆ ಇಂಡು ಕರ್ತನು ಸೋನ್ನದು, 18 ಪಾಪ ಪರಿಹಾರವಾನದಟಲಿ ಇನ್ನು ಇಮಾನ್ತಿಗೂ ಅರ್ಪಣೆ ಇಕ್ಕಿದ್ದಿಲ್ಲ ^{19 20 21 22} 19 ಹಿನಾಗು ಇಂದಪ್ಪೋರು, ಅನ್ನ್ –ದೆಂಬಿಗಿನ್ಲೇ , ಯೇಸುತಾ ರಗುತ ಮೂಲಕ ಅತಿಪರಿಶುದ್ದ ಜಾಗುತುಕೊರು ಪ್ರವೇಶಿಸುರುಕು ನಂಗುಲುಕು ದೈರ್ಯ ಉಂಟಾಸು, 20 ಹೆನಾಗು ಇಂಡೆಕೆ ಆತನು ನಂಬುರುಕೊಸ್ಕರ ಪ್ರತಿಷ್ಟಿಸಿಕ್ಕಿರ ಮತ್ತೆ ಪುದೀ ಜೀವವುಳ್ಳ ಏಗಿಕೋರು ಅತನತ ಶರೀರಿತ ಮುಖಾಂತರನೇ ಇದಾಸು, 21 ದವ್ರು ಉಟು ಮೆನಿ ಮಹಯಜಕನು ನಂಬುರುಕು ಇಕ್ಕಿರತಿಂಡು, 22 ನಂಬರು ಸತ್ಯವಾಯಿಕ್ಕಿರ ಹೃದಯತಿಂಡುನು ವಿಶ್ವಾಸತ ಪೂರ್ಣ ನಿಶ್ಚಯತ್ವತಿಂಡುನು ಕೊಟ್ಟಿ ಮನಸಾಕ್ಷಿತ ಪರಿಹಾರತ್ಕ್ಕಾಯಿ ಚಿಮುಕಿಸಲ್ಪಟ್ಟಿಕ್ಕಿರ ಹೃದಯಾಗ ಇಕ್ಕಿರಂಗಾಯ್ಯಿ ನಂಬುರುತಾ ಶರಿರಿಲಾತ್ತೆಯ್ಯಿ, ತನ್ನಿಂಡು ಕೊಯ್ಯಿಗೊಂಡ೦ಗಯ್ಯಿ ಅತನತ ಕಿಟ್ಟುಕು ವಾರಾಮೋ, ^{23 24 25} 23 ನಂಬುರುತಾ ನಂಬಿಕೆತ ಅರಿಕೆಯತ್ತೆಯಿ ನಿಶ್ಚಚಲತಿಂಡು ಬಲವಾಯಿ ಪುಡಿಕೋಮು (ಯಂತ್ಗು ಇಂಡೆಕೆ ವಾಗ್ದಾನ ಸೇಂದಿಕ್ಕಿರಾದು ನಂಬಿಗಸ್ತನು,) 24 ನಂಬುರು ಪರಸ್ಪರ ಹಿತಚಿಂತಕರಾಯ್ಯಿ ಪ್ರೀತಿಸುರುಕ್ಕ್ಕಾಯ್ಯಿನೂ ಸತ್ಕಾರ್ಯತ ಸೇಯ್ಯಿರಿಕ್ಕಾಯಿನು ಒಂಡಾಳತ್ತೆಯಿ ಒಂಡಾಳು ಪ್ರೇರಿಪಿಸೋಮು, 25 ಸಬೇಯಾಯಿ ಕುಡ್ರತ್ತ ಕೆಲವುರು ರೂಡಿಯಾಯಿ ಉಟ್ಟಿಕ್ಕಿರ ಪ್ರಕಾರ ನಂಬುರು ಉಡಾದೇ ಒಂಡುಕು ಒಂಡು ಎಚ್ಚರಿಸೋಮು;ಆ ದಿನು ಕಿಟ್ಟುಕು ವಂದಿದು ಇಂಡು ನಂಬುರುಕು ಗೊತ್ತಿಕ್ಕಿರತಿಂಡು ಇತ್ತ ಇನ್ನು ಹೆಚ್ಚಾಯಿ ಸೇಯ್ಯಿಮೋ, ^{26 27} 26 ನಂಬುರು ಸತ್ಯಾತ ಪರಿಜ್ಞಾನತ ಹೊಂದಿಗೆಂಡು ಅನ್ನಪ್ಪೋರು ನಂಬುರು ಬೇಕಿಂಡು ಪಾಪಾತ ಸೆಂದೇಕೆ ಪರಿಹಾರತ್ಗು ಇನ್ನೆದು ಯಜ್ಞನ ಇಲ್ಲ, 27 ಅನೇಕೆ ಅತ್ಯಂತ ಬಿತಿಂಡು ಎದುರುಪಾಕಾರ ತಿರ್ಪುನು, ವಿರೋದಿಲಾತ್ತೆಯಿ ದಹಿಸುರ ಕೊಪಾಗ್ನಿನು ಇಕ್ಕ್ಯದು, ^{28 29} 28 ಮೊಶೆತ ನ್ಯಾಯಪ್ರಮಾಣತ ಅಸಡ್ಡೆ ಸೆಂದಾಯಿಲಿಕಿ ರಂಡಾಳು ಇಲ್ಲ ಮೂಡಳತ ಸಾಕ್ಷಿಲಿಂಡು ಕನಿಕರವಿಲ್ಲದೆ ಕೊಲ್ಲಂಚುನು, 29 ಏದು ದೇವಕುಮಾರನತ್ತೆಯಿ ಮಿಚ್ಚು ತನ್ನತ್ತೆಯಿ ಪವಿತ್ರಸೆಂದಿಕ್ಕಿರಂತ ಒಡಂಬಡಿಕೆತ ರಗುತ್ತೆಯಿ ಅಶುದ್ದ ಇಂಡುಗೊಂಡು ಕೃಪೆತ ಅತ್ಮನತ್ತೆಯಿ ತಿರಸ್ಕರ ಸೇಂದಿದೋ ಅತ್ತ ಇನ್ನು ಎದ್ನೋ ಕ್ರುರವಾಯಿ ದಂಡನೆಕು ಪಾತ್ರನಾಗುರುದು ಇಂಡು ಯೋಚನೆ ಸೇಯ್ಯಂಗೋ, ^{30 31} 30 ಮುಯ್ಯಿ ತಿರುಸರಾದು ನನ್ಕು ಸಂಬದ ಪಟ್ಟಿಕ್ಕಿರಾದು, ನಾನೆ ಪ್ರತಿಪಲತ ತರ್ರೆಯಿಂಡು ಕರ್ತನು ಸೋನ್ನಿಕ್ಕಿರತ್ತ ನಂಬುರು ತಿಲಜುಗೊಂಡಿರೋ;ಇದಲ್ಲದೆ –ಕರ್ತನು ತಟ ಜನುರುಕು ನ್ಯಾಯ ತಿರ್ಸಾದು ಇಂಡು ಸೋನ್ನಿದು, 31 ಜಿವವುಳ್ಳ ದವೃತಾ ಕೈಕೋಕು ಸಿಕ್ಕಿ ಬೂಗರಾದು ಭಯಂಕಾರವಾಯಿದು, ^{32 33 34} 32 ಅನೇಕೆ ನಿಂಗ ಪ್ರಕಾಶತಕೋಕು ಸೇರಿ ಅನ್ನಪ್ಪೋರು ಸಂಕಷ್ಟಲಾತ ಬಹು ಹೋರಾಟತ ಸಹಿಸಿಗೊಂಡ ಪರಗು ದಿನಲಾತ್ತೆಯಿ ನೆನಪುಕು ಅತ್ತೆಂದು೦ಗೋ, 33 ಕೆಲವು ಸತಿ ನಿಂಗ ನಿಂದೆಲಿನು ಉಪದ್ರವಲುನು ಅನುಭವಿಸಿ ಹಾಸ್ಯಾತ ನೋಟತ್ಗು ಗುರಿಯಾನಂಗ;ಕೆಲವು ಸತಿ ಅಂಥಯ್ಯಲಾತ್ತೆಯಿ ಅನುಭವಿಸರಯಿಲಾ ಜೊತೆಗಾರರಾಯಿರಂಗ, 34 ಬೇಡಿಲಾತ್ತೆಯಿ ಹೊಡಿಪ್ಪಿಚ್ಚುಕೊಂಡಿಕ್ಕಿರ ನಟ ವಿಷಯತ್ಕೊರು ನಿಂಗ ಅನುತಾಪಗೊಂಡು ಪರಲೋಕತ್ಕೊರು ನಿಂಗುಲುಕು ಉತ್ತಮವಾಯಿನು ಸ್ಥಿರವಾಯಿನು ಇಕ್ಕಿರ ಅಸ್ತಿಯಿದು ಇಂಡು ನಿಂಗುಲುಕೊರು ನಿಂಗ್ಲೆ ಅರಿತುಗೊಂಡು ನಿಂಗಲಾತ ಸೋತ್ತತ್ತೆಯಿ ಸುಲ್ಜುಗುರಾಯಿಲಿಕಿ ಸಂತೋಷತಿಂಡು ಉಟ್ಟಿರಂಗ ^{35 36 37} 35 ಅತ್ರಿಂಡು ನಿಂಗಲಾತ ಭರವಸೆಯತ್ತೆಯಿ ಉಟ್ಟೋಡುಮಾನಂಗ; ಅತ್ಗು ನಷ್ಟ ಪರಿಹಾರತ ಬೇರ್ ಪ್ರತಿಫಲ ಇದು, 36 ದವ್ರುತಾ ಚಿತ್ತ ನೆರೆವೇರಿಸಿ ಅನ್ನಪ್ಪೋರು ವಾಗ್ದನತ ಹೊಂದುರುಕನಿ ನಿಂಗುಲುಕು ತಾಳ್ಮೆತ ಅವಶ್ಯವಿದು, 37 ನಿಶ್ಚಯವಾಯಿ ವರಾತಾನು ಇನ್ನು ಸ್ವಲ್ಪ ಕಾಲ ಅನ್ನಪ್ಪೋರು ವರಾದು, ತಡ ಸೇಯ್ಯಿದಿಲ್ಲ ^{38 39} 38 ನಿತಿವಂತನು ನಂಬಿಕೆಯಿಂಡೆ ಪಾಕ್ಯದು;ಅದು ಪರ್ಕುಬೂದುನೇಕೆಅತ್ಕೊರು ನಟ ಆತ್ಮ ಸಂತೋಷುಸುದಿಲ್ಲ, 39 ನಂಬುರಾನಾ ಪರುಕುಹೊಗಾರಯಿಲ್ತರ ನಾಶವಾಗುರಂಗಾಲ್ಲ;ನಂಬುರಂಗಾಯ್ಯಿ ಪ್ರಾಣರಕ್ಷಣೆತ ಹೊಂದುರಂಗಯ್ಯಿರೋ.